بۇكىل ەلىمىز بويىنشا ەڭ ىستىق ون جەردىڭ بارلىعى شينجياڭنان شىقتى

ورتالىق اۋا رايى ستانسياسى جاريالاعان ناقتى جاعدايعا نەگىزدەلگەندە، بەيجيڭ ۋاقىتى 7 – ايدىڭ 29 - كۇنى ساعات 16 عا دەيىن، بۇكىل ەل بويىنشا ەڭ ىستىق 10 جەردىڭ بارلىعى شينجياڭنان شىققان، مۇنىڭ ىشىندە تۇرپاننىڭ دوڭكان دەگەن جەرى 45.6 سەلتسي گرادۋس ىستىقپەن الدىڭعى ورىندى يەلەگەن، الدىڭعى قاتارداعى وسى 10 جەردىڭ بارلىعىنىڭ ەڭ جوعارى تەمپەراتۋراسى 40 سەلتسي گرادۋستان اسقان.

شينجياڭ اۋا رايى مەكەمەسى جاريالاعان الدىن الا مالىمەتكە نەگىزدەلگەندە، 7 – ايدىڭ 27 – كۇنىنەن 31 - كۇنىنە دەيىن شينجياڭدا بيىل جازدان بەرگى ەڭ ىستىق اۋا رايى بولادى، جازىق وڭىرلەردىڭ كوبى 37 سەلتسي گرادۋستان اسادى، اسىرەسە وڭتۇستىك شينجياڭداعى ويپاتتاردىڭ باسىم كوپ بولەگىندە، شىعىس شينجياڭدا، سونداي - اق سولتۇستىك شينجياڭداعى جوڭعار ويپاتىنىڭ جيەگىندەگى وڭىرلەردە ەڭ جوعارى تەمپەراتۋرا 40 سەلتسي گرادۋستان اسادى، مۇنىڭ ىشىندە تۇرپان قالاسىنىڭ، قۇمىل قالاسىنىڭ ءىشىنارا جەرلەرىندە 45 سەلتسي گرادۋستان اسادى. وسى رەتكى قاتتى ىستىق مەزگىلى سولتۇستىك شينجياڭدا 7 - ايدىڭ 29 - كۇنىنەن 30 - كۇنىنە دەيىن، وڭتۇستىك شينجياڭدا 7 - ايدىڭ 28 - كۇنىنەن 31 - كۇنىنە دەيىن بولادى.

كەلۋ قاينارى: حالىق تورابى