شينجياڭدا تۇرمىستىق قوقسىقتاردى ءبىر جاقتى ەتۋ اقىسىنا ساياتىن ەرەجە 12 – ايدىڭ 1 – كۇنىنەن باستاپ اتقارىلادى 

انار بۇلت \ شينجياڭ گازەتىنىڭ حابارى. 7 – ايدىڭ 29 – كۇنى، شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتى «شينجياڭ ۇيعۇر اۆتونوميالى رايونىندا قالا – قالاشىقتاردا تۇرمىستىق قوقسىقتى باسقارۋ ەرەجەسىن» (تومەندە قىسقارتىلىپ «ەرەجە» دەلىنەدى» جاريالادى، «ەرەجە» 2024 – جىلى 12 – ايدىڭ 1 – كۇنىنەن باستاپ اتقارىلادى.

«ەرەجەدە» مىنالار ايقىن تۇراقتاندىرىلعان: اۋدان دارەجەلىدەن جوعارى حالىق ۇكىمەتى قالا – قالاشىقتاعى تۇرمىستىق قوقسىقتى ءبىر جاقتى ەتۋگە اقى الۋ جونىندەگى بەلگىلەمەنى دايىنداۋى، تۇرعىنداردىڭ اسحاناسىنان شىعارىلعان قوقسىقتارعا جاتپايتىن قوقسىقتاردىڭ مولشەرىن بەلگىلەپ باسقارۋ جانە مولشەردەن اسقان قوقسىقتاردى ءبىر جاقتى ەتۋگە الىناتىن اقىنى ەسەلەپ ارتتىرۋ مەحانيزمىن ورناتۋدى ىلگەرىلەتۋى، قوقسىقتىڭ بەلگىلەنگەن مولشەرى مەن دەڭگەيگە ءبولىپ اقى ۇستەمەلەۋ مولشەرىن ۇيلەسىمدى بەلگىلەپ، باعا مەحانيزمىنىڭ شابىتتاندىرۋ جانە شەكتەۋ رولىن ساۋلەلەندىرىپ، قوقسىقتى قاينارىنان باستاپ ازايتۋدى جەبەۋى كەرەك.

تۇرمىستىق قوقسىقتاردى تۋىنداتاتىن ورىندار، وتباسىلار جانە جەكەلەر بەلگىلەنگەن اقى الۋ ولشەمى بويىنشا جانە اقى تولەۋ ءتاسىلى ارقىلى قالا – قالاشىقتاعى قوقسىقتى ءبىر جاقتى ەتۋ اقىسىن تاپسىرۋى كەرەك.

كەلۋ قاينارى: حالىق تورابى