شينجياڭدا مىناداي بەلگىلەمە ايقىندالدى! داياشىسىز اسحانادان تاماقتانعاندا العان تاماقتى تاۋىسىپ جەي الماي كورنەكتى ىسىراپشىلدىق ىستەگەندەردەن ۇستەمە اقى الىنادى 

7 – ايدىڭ 29 – كۇنى، شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتى «شينجياڭ ۇيعۇر اۆتونوميالى رايونىندا قالا – قالاشىقتاردا تۇرمىستىق قوقسىقتى باسقارۋ ەرەجەسىن» (تومەندە قىسقارتىلىپ «ەرەجە» دەلىنەدى) جاريالادى، «ەرەجە» 2024 – جىلى 12 – ايدىڭ 1 – كۇنىنەن باستاپ اتقارىلادى.

«ەرەجەدە» مىنالار ايقىن تۇراقتاندىرىلدى: اس – سۋ تيجاراتىمەن شۇعىلدانۋشىلار جانە مەملەكەت ورگاندارىنداعى، مەكتەپتەردەگى، كاسىپورىندار مەن ءىسورىندارداعى كوللەكتيۆ اسحانالار تاماقتاناتىن ورىننىڭ كورنەكتى جەرىنە كورنەكتى بەلگى ورنالاستىرىپ، تاماقتانۋشىلارعا تاماققا ۇيلەسىمدى تاپسىرىس بەرۋدى، تاماقتى ۇيلەسىمدى مولشەردە الۋدى، اس – سۋدىڭ ىسىراپ بولۋىنان ساقتانۋدى ەسكەرتۋى كەرەك.

اس – سۋ تيجاراتىمەن شۇعىلداناتىندار اس – سۋمەن ۇيلەسىمدى مولشەردە قامداۋعا، از مولشەردەگى تاماق تۇرلەرىن ارتتىرۋعا، تۇتىنۋشىلاردىڭ اسقان تاماقتى دوربالاپ اكەتۋىنە قولايلىلىق جاراتۋعا شابىتتاندىرىلادى. اس – سۋ تيجاراتىمەن شۇعىلداناتىندار داياشىسىز اسحانانى جۇرگىزگەندە، تۇتىنۋشىلار ەسكەرتۋ بەرگەن جاعدايدا دا كورنەكتى ىسىراپشىلدىق ىستەسە، ولاردان اسحانادان شىعارىلعان قوقسىقتاردى ءبىر جاقتى ەتۋ قاراجاتى بويىنشا سايكەستى قاراجات الۋىنا بولادى.

كەلۋ قاينارى: حالىق تورابى