وتكەن ءبىر جىل ىشىندە ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى 4800 دەن استام تور بەكەتى مەن تەكشەنى توقتاتتى نەمەسە جەلىدەن ءتۇسىردى 

شينحۋا اگەنتتىگىنىڭ ءتىلشىسى ۋاڭ سىبەي، شۇي جۋاڭ 7 – ايدىڭ 29 – كۇنى بەيجيڭنەن حابارلايدى. ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسىنىڭ ورىنباسار مەڭگەرۋشىسى، مەملەكەتتىك ينتەرنەت ينفورماتسياسى كەڭسەسىنىڭ ورىنباسار مەڭگەرۋشىسى ياڭ جيان – ۋىننىڭ 7 – ايدىڭ 29 – كۇنى مەملەكەتتىك كەڭەستىڭ اقپار جاريالاۋ ماجىلىسىندە تانىستىرۋىنشا، وتكەن ءبىر جىلدان بەرى، ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى زاڭ – تۇزىمدەرگە قايشى 57 ميلليون 450 مىڭنان استام ينفورماتسيانى تازالاعان، توسقاۋىلداعان، جەتى ميلليون 810 مىڭ تىركەلگى مەن توپ – گرۋپپانى ءبىر جاقتى ەتكەن، 4800 دەن استام تور بەكەتى مەن تەكشەنى توقتاتقان نەمەسە جەلىدەن تۇسىرگەن، ينتەرنەت ەكولوگياسىنىڭ ۇزدىكسىز جاقسارۋىن ىلگەرىلەتكەن.

ءتىلشىنىڭ ۇعىسۋىنشا، جۋىرداعى جىلداردان بەرى، ينتەرنەت ينفورماتسياسى تاراۋلارى ينتەرنەت ەكولوگياسىنداعى ەسكى دەرتتەرگە قاتاڭ سوققى بەرىپ، ينتەرنەت ەكولوگياسىن ىشكەرىلەي جونگە سالىپ، ءونىمدى ناتيجەلەرگە قول جەتكىزگەن.

”ءبىز ارناۋلى جونگە سالۋ جاعدايىنا قايرىلا قاراۋ قىزمەتىن ۇيىمداستىرىپ ورىستەتىپ، جونگە سالۋ ونىمدىلىگىنە ءىزىن قۋالاي باعا بەرۋ جاعىندا ىزدەنىس جاساۋدى كۇشەيتىپ، باقىلاۋ – جەتەكشىلىك ەتۋ، ونىمدىلىگىن ۇعىسۋ ارقىلى جونگە سالۋ جەتىستىكتەرىن بەكەمدەدىك. كاسىپورىنداردىڭ ۇقىعىنا قول سۇعۋعا قاتىستى ينفورماتسيالاردى ءبىر جاقتى ەتۋ جاعىنداعى سايكەسە وتىرىپ، بىرگە ارەكەتتەنۋ مەحانيزمىن ورناتىپ، كاسىپورىندار مەن كاسىپورىنشىلاردىڭ زاڭدى ۇقىق – مۇددەسىن قورعادىق. ءتۇيىندى سالالاردى قامتىعان تەكشە اتتاعان دابىل قاعۋ مەحانيزمىن قالىپتاستىرىپ، ينتەرنەتتەگى زورلىق – زومبىلىق حاۋىبىن دەر كەزىندە شەشىم ەتتىك“ دەدى ياڭ جيانۋىن. ءتۇرلى ۇزاق مەرزىمدىك مەحانيزمدەر ۇزدىكسىز كەمەلدەندىرىلىپ، جونگە سالۋ ونىمدىلىگى ۇزدىكسىز جوعارىلاتىلدى.

ياڭ جيانۋىن مىنانى ءبىلدىردى: كەلەسى قادامدا، الدىڭعى مەرزىمدەگى قىزمەت ناتيجەلەرىن ۇزدىكسىز بەكەمدەۋ نەگىزىندە، جۇرتشىلىق كوڭىل ءبولىپ وتىرعان ىستەرگە نازاردى شوعىرلاندىرىپ، دابىل قاعۋ مەن ساقتانۋدى كۇشەيتىپ، سايكەسە وتىرىپ، بىرگە ارەكەتتەنۋگە ءمان بەرىپ، تەكشەلەردىڭ نەگىزگى تۇلعالىق جاۋاپكەرشىلىگىن شىنايى تياقتاندىرىپ، قيىن ماسەلەلەردى كۇش سالا شەشىم ەتىپ، ينتەرنەت ەكولوگياسىن جونگە سالۋ جاعىنداعى ۇزاق مەرزىمدىك ءونىمدى مەحانيزمدى ۇزدىكسىز جاقسارتىپ، بەلسەندى تۇردە اناعۇرلىم پاك ينتەرنەت ورتاسىن جاراتامىز.

كەلۋ قاينارى: حالىق تورابى