جۇڭگونىڭ قازاقستاننىڭ اقتوبە قالاسىنداعى باس كونسۋلحاناسى اشىلۋ سالتىن وتكىزدى

شينحۋا اگەنتتىگىنىڭ 7 – ايدىڭ 30 – كۇنى قازاقستاننىڭ اقتوبە قالاسىنان بەرگەن حابارى. جۇڭگونىڭ قازاقستاننىڭ اقتوبە قالاسىنداعى باس كونسۋلحاناسى 7 – ايدىڭ 30 – كۇنى اشىلۋ سالتىن وتكىزدى. جۇڭگونىڭ قازاقستاندا تۇراتىن باس ەلشىسى جاڭ شياۋ قازاقستان اقتوبە وبلىسىنىڭ اكىمى شاحاروۆپەن بىرگە باس كونسۋلحانانىڭ ماڭدايشالىعىن بىرگە اشتى.

جاڭ شياۋ ارناۋ سوزىندە بىلاي دەدى: جۇڭگونىڭ اقتوبەدە تۇراتىن باس كونسۋلحاناسىنىڭ اشىلۋى — جۇڭگو مەن قازاقستاننىڭ ءداستۇرلى دوستىقتى كۇشەيتۋىنىڭ، ءوزارا تۇسىنىستىكتى تەرەڭدەتۋىنىڭ جاندى بەينەسى، سونداي ـ اق ەكى ەلدىڭ تاعدىرلاس ورتاق تۇلعاسى قۇرىلىسىن تەرەڭدەتۋدىڭ ناقتى بەينەسى. باس كونسۋلحانانىڭ ەكى ەلدىڭ وڭىرلەر ارا بايلانىسىن كۇشەيتىپ، ەكى ەلدىڭ ەكونوميكا ـ ساۋدا، گۋمانيتارلىق سالالارداعى سەلبەستىگىنە تىڭ قوزعاۋشى كۇش قوساتىندىعىنا سەنەمىن.

شاحاروۆ ارناۋ سوزىندە بىلاي دەدى: قازاقستان باس كونسۋلحانانىڭ قىزمەتىنە بەلسەنە قولداۋ كورسەتەدى جانە كومەكتەسەدى، باس كونسۋلحانا اشىلعاننان كەيىن قازاقستان مەن جۇڭگونىڭ ءار سالاداعى اۋىس ـ كۇيىسىن ونان ارى جەبەۋدى ءۇمىت ەتەدى.

قازاقستاننىڭ ۇكىمەت ءمانساپتىلارىنان جانە ءار سالاداعى دوس قايراتكەرلەردەن، سونداي - اق جەرگىلىكتى جۇڭگو قارجىلاندىرعان قۇرىلىمداردىڭ ۋاكىلدەرىنەن 200 دەي ادام باس كونسۋلحانانىڭ اشۋ سالتىنا قاتىناستى.

جۇڭگونىڭ اقتوبەدەگى باس كونسۋلحاناسى الماتىداعى باس كونسۋلحانادان كەيىن، جۇڭگونىڭ قازاقستانداعى ەكىنشى باس كونسۋلحاناسى بولىپ، ول اقتوبە وبلىسىن، اتىراۋ وبلىسىن، قىزىلوردا وبلىسىن، ماڭعىستاۋ وبلىسىن، باتىس قازاقستان وبلىسىن قامتيدى.

كەلۋ قاينارى: حالىق تورابى