شينجياڭ ىستىقتان ساقتانۋدىڭ قىزعىلت ءتۇستى ساقتىق سيگنالىن تاراتتى، شىعىس شينجياڭ قاتارلى جەرلەردىڭ ءىشىنارا جەرلەرىندە 40 سەلتسي گرادۋستان اسادى

جۇڭگو اۋا رايى تورابىنىڭ ساقتاندىرۋ ينفورماتسياسىنا نەگىزدەلگەندە، 7 – ايدىڭ 31 – كۇنى ساعات 15 تەن 41 مينۋت وتكەندە، شينجياڭ اۋا رايى ستانسياسى جوعارى تەمپەراتۋرادان ساقتانۋدىڭ قىزعىلت ءتۇستى ساقتىق سيگنالىن تاراتقان.

ساقتىق سيگنالىندا كورسەتىلۋىنشە، مەجەمەن 8 - ايدىڭ 1 - كۇنى كۇندىزدەن 8 - ايدىڭ 5 - كۇنىنە دەيىن ىلە وزەنى اڭعارىنىڭ باتىس بولەگىندەگى، تيانشاننىڭ سولتۇستىك بەتكەيىندەگى، شىعىس شينجياڭنىڭ باسىم كوپ بولەگىندەگى جانە وڭتۇستىك شينجياڭنىڭ ءىشىنارا وڭىرلەرىندەگى جازىق رايونداردىڭ ەڭ جوعارى تەمپەراتۋراسى ىلگەرىندى – كەيىندى 37 سەلتسي گرادۋستان اسادى، تيانشاننىڭ سولتۇستىك بەتكەيى، شىعىس شينجياڭ قاتارلى جەرلەردىڭ ءىشىنارا وڭىرلەرىنىڭ ەڭ جوعارى تەمپەراتۋراسى 40 سەلتسي گرادۋستان اسادى. ىستىقتان ساقتانىپ، تەمپەراتۋرانى تومەندەتۋگە جانە وتتان حاۋىپسىز پايدالانۋعا كوڭىل ءبولىپ، تاۋلى وڭىرلەردىڭ ءىشىنارا جەرلەرىندە قار ەرۋدەن بولاتىن تاسقىن اپاتىنان ساقتانۋدى كۇشەيتۋ كەرەك.

كەلۋ قاينارى: حالىق تورابى