مەجەمەن 8 – ايدا شينجياڭ 4 رەت كۇن ىسيدى

شينجياڭ اۋا رايى مەكەمەسى ۋيچات الەۋمەتتىك تەكشەسىنىڭ حابارىنا قاراعاندا، بيىل 7 ـ ايدا بۇكىل شينجياڭنىڭ ورتاشا اۋا تەمپەراتۋراسى بۇرىنعى جىلدارداعى ۇقساس مەزگىلدەگىدەن 0.9 سەلتسي گرادۋس جوعارى بولدى، مەجەمەن 8 - ايدا 4 رەت كۇن ىسيدى، بۇكىل شينجياڭنىڭ باسىم كوپ جەرىندە تەمپەراتۋرا جوعارىراق نەمەسە ەرەكشە جوعارى بولادى.

اۋا رايى تاراۋلارىنىڭ مەجەلەۋىنشە، 8 - ايدا بۇكىل شينجياڭنىڭ ورتاشا اۋا تەمپەراتۋراسى جىلداعىدان 1.1 دە 2.5 سەلتسي گرادۋس جوعارى بولادى، مۇندا قۇمىل قالاسىنىڭ وڭتۇستىك بولەگىنىڭ، تۇرپان قالاسىنىڭ، اقسۋ ايماعىنىڭ، قىزىلسۋ وبلىسىنىڭ، قاشقار ايماعىنىڭ، حوتان ايماعىنىڭ، بايىنعولين وبلىسىنىڭ وڭتۇستىك بولىگىنىڭ تەمپەراتۋراسى 2.1 دە 2.5 سەلتسي گرادۋس جوعارى بولادى. بۇكىل شينجياڭنىڭ باسىم كوپ بولەگىنىڭ جاۋىن - شاشىن مولشەرى ادەتتەگى جىلدارداعىدان %30 تە %60 از بولادى، تەك التاي ايماعىنىڭ باتىس بولەگىندە، تارباعاتاي ايماعىنىڭ سولتۇستىگىندە، بۇراتالا وبلىسىنىڭ باتىسىندا، ىلە وبلىسىنىڭ سولتۇستىگىندە، اقسۋدىڭ باتىس بولەگىندەگى تاۋلى رايونداردا، قىزىلسۋ وبلىسىندا %20 تە %60 جوعارى بولادى.

مەجەمەن 8 ـ ايدا 4 رەتكى ىستىق اۋا رايى شينجياڭعا ىقپال جاسادى، مۇندا 8 – ايدىڭ 1 – كۇنىنەن 4 – كۇنىنە دەيىن، 9 – كۇنىنەن 13 – كۇنىنە دەيىن، 25 – كۇنىنەن 29 – كۇنىنە دەيىن نەگىزىنەن بۇكىل شينجياڭنىڭ باسىم كوپ ءبولىم جازىق رايوندارىنا ىقپال جاسايدى، 8 ـ ايدىڭ 21 ـ كۇنىنەن 24 ـ كۇنىنە دەيىن نەگىزىنەن تۇرپان – ءپىشان ـ توقسۇن ويپاتى مەن تارىم ويپاتىنا ىقپال جاسايدى.

اۋا رايى تاراۋلارى مىنانى ەسكەرتتى: شينجياڭ ءالى دە تاسقىننىڭ شەشۋشى مەزگىلىندە تۇر، ءتۇرلى سۇركەيلى اۋا رايى وقيعالارىنا جانە ونىڭ ىقپالىنا قاداعالاي نازار اۋدارىپ، اپاتتان ساقتانۋ، اپاتقا قارسى اتتانۋ دايىندىعىن كۇنى بۇرىن ويداعىداي ىستەۋ كەرەك.

مەجەمەن 8 - ايدا شينجياڭنىڭ باسىم كوپ جەرىندە تەمپەراتۋرا جوعارىراق نەمەسە ەرەكشە جوعارى بولادى، جوعارى تەمپەراتۋرالى اۋا رايى ءبىرشاما كوپ بولادى، تاۋلى وڭىردەگى قار - مۇزداردىڭ ەرۋىنە ءتيىمدى بولادى، تارىم وزەنىنىڭ قاينار اعىسىنداعى وڭىرلەردىڭ ءىشىنارا جەرلەرىندە قار - مۇزدان ەرىگەن تاسقىن جانە ودان تۋىنداعان گەولوگيالىق اپاتتاردىڭ قاتەرى جوعارى بولادى، ءتۇيىندى ساياحات قاتىناس جولى، ءتۇيىندى وزەن اعارلارى، سەل جۇرەتىن ساي جانە سۋ قامباسى قاتارلىلاردىڭ حاۋىپ قاتەرىن تەكسەرۋ جانە باعالاۋ قىزمەتىن كۇشەيتۋ كەرەك.

كەلۋ قاينارى: حالىق تورابى