پروكۋراتۋرا ورگاندارى ليۋ حاندۇڭنىڭ پارا الۋ، قىزمەت ۇقىعىنان بەتالدى پايدالانۋ، جەردەن پايدالانۋ ۇقىعىن زاڭسىز ساۋدالاۋ دەلوسى جونىندە زاڭ بويىنشا الەۋمەتتىك ايىپتاۋ جۇرگىزدى

شينحۋا اگەنتتىگىنىڭ 8 – ايدىڭ 5 – كۇنى بەيجيڭنەن بەرگەن حابارى. ءتىلشىنىڭ 8 – ايدىڭ 5 – كۇنى ەڭ جوعارى حالىق پروكۋراتۋراسىنان ۇعىسۋىنشا، جياڭسۋ ولكەلىك حالىق قۇرىلتايى تۇراقتى كوميتەتى پارتگرۋپپاسىنىڭ بۇرىنعى مۇشەسى، ورىنباسار مەڭگەرۋشىسى ليۋ حاندۇڭنىڭ پارا الۋ، قىزمەت ۇقىعىنان بەتالدى پايدالانۋ، جەردەن پايدالانۋ ۇقىعىن زاڭسىز ساۋدالاۋ دەلوسى جونىندە مەملەكەتتىك باقىلاۋ ـ تەكسەرۋ كوميتەتى تەكسەرۋ جۇرگىزۋ ارقىلى، جياڭسۋ ولكەسى ياڭجوۋ قالالىق قوعام حاۋىپسىزدىگى مەكەمەسى بارلاۋدى اياقتاتىپ، ەڭ جوعارى حالىق پروكۋراتۋراسىنىڭ كورسەتۋىمەن حۋبەي ولكەسى شياڭياڭ قالالىق حالىق پروكۋراتۋراسىنىڭ تەكسەرىپ ايتىپتاۋىنا وتكىزىپ بەرگەن. تاياۋدا شياڭياڭ قالالىق حالىق پروكۋراتۋراسى شياڭياڭ قالالىق ورتا دارەجەلى حالىق سوت مەكەمەسىنە الەۋمەتتىك ايىپتاما بەردى.

پروكۋراتۋرا ورگانى تەكسەرىپ ايىپتاۋ ساتىسىندا ايىپكەر ليۋ حاندۇڭنىڭ ارىز - شاعىم ۇقىعىنان يگىلىكتەنەتىندىگىن زاڭ بويىنشا ۇقتىردى ءارى جاۋاپكەردى سۇراققا تارتىپ، اقتاۋشىنىڭ پىكىرىن تىڭدادى. تەكسەرۋ ورگانى بىلاي دەپ شاعىم ايتتى: ايىپكەر ليۋ حاندۇڭ جياڭسۋ ولكەسى جياڭپۋ اۋداندىق پارتكومنىڭ شۋجيى، اكىمى، جياڭسۋ ولكەسى نانجيڭ قالالىق پارتكومنىڭ تۇراقتى مۇشەسى، نانجيڭ قالاسى پۋكوۋ رايوندىق پارتكومنىڭ شۋجيى، جياڭسۋ ولكەلىك قازىنا مەڭگەرمەسى پارتگرۋپپاسىنىڭ شۋجيى، مەڭگەرمە باستىعى، قوسىمشا ولكەلىك جەرگىلىكتى باجى مەكەمەسى پارتگرۋپپاسىنىڭ شۋجيى، جياڭسۋ ولكەلىك حالىق قۇرىلتايى تۇراقتى كوميتەتى پارتگرۋپپاسىنىڭ مۇشەسى، ورىنباسار جەتەكشىسى قاتارلى مىندەتتەردى وتەگەن كەزىندە، مىندەتىندەگى قولايلىلىقتاردان پايدالانىپ باسقالارعا پايدا جەتكىزىپ، باسقالاردىڭ زاڭسىز بەرگەن مال – مۇلكىن قابىلداعان، سوماسى وتە كوپ؛ جياڭسۋ ولكەسى جياڭپۋ اۋداندىق پارتكومنىڭ شۋجيى، اكىمى، جياڭسۋ ولكەسى نانجيڭ قالالىق پارتكومنىڭ تۇراقتى مۇشەسى، نانجيڭ قالاسى پۋكوۋ رايوندىق پارتكومنىڭ شۋجيى، جياڭسۋ ولكەلىك قازىنا مەڭگەرمەسى پارتگرۋپپاسىنىڭ شۋجيى، مەڭگەرمە باستىعى، قوسىمشا ولكەلىك جەرگىلىكتى باجى مەكەمەسى پارتگرۋپپاسىنىڭ شۋجيى قاتارلى مىندەتتەردى وتەگەن كەزىندە جەردەن پايدالانۋ ۇقىعىن ساتىپ بەرۋ، جەردىڭ ارتقان قۇن باجىسىن الماۋ سياقتى ىستەردە قىزمەت ۇقىعىنان بەتالدى پايدالانىپ، الەۋمەتتىك مال - مۇلىكتى، مەملەكەت پەن حالىقتىڭ مۇددەسىن اۋىر زيانعا ۇشىراتقان، جەر باسقارۋ زاڭ - ەرەجەلەرىنە قايشىلىق جاساپ، باسقالارمەن بىرگە جەردەن پايدالانۋ ۇقىعىن زاڭسىز ساۋدالاعان، ارەكەتى ەرەكشە اۋىر، زاڭ بويىنشا پارا الۋ قىلمىسى، قىزمەت ۇقىعىنان بەتالدى پايدالانۋ قىلمىسى، جەردەن پايدالانۋ ۇقىعىن زاڭسىز ساۋدالاۋ قىلمىسى بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك. ليۋ حاندۇڭنىڭ ءبىر باسى بىرنەشە قىلمىستى وتكىزگەن، زاڭ بويىنشا قىلمىستارىن قوسىپ جازالاۋ كەرەك.

كەلۋ قاينارى: حالىق تورابى