التايدىڭ ساياحاتى ەرەكشە دامىدى، التايعا تىكە ۇشاتىن ۇشاق لەنيالارى قايتا جاڭالاندى

بيىل جازعى دەمالىس كەزىندە، شينجياڭنىڭ ساياحات بازارى ۇزدىكسىز قىزا ءتۇستى، اسىرەسە، «مەنىڭ التايىم» اتتى تەلەفيلم التاي ساياحاتىنىڭ دۋمانىن تاعى دا تىڭ دەڭگەيگە كوتەردى، كوپتەگەن اۆياتسيا سەرىكتەستىكتەرى التاي اۋە لەنياسىن جاڭادان اشىپ جانە كوبەيتىپ، جازعى تاسىمالدىڭ قاۋىرت مەزگىلىنە توتەپ بەردى.

مالى مىڭعىرعان التاي تاۋى، كوك تولقىن جوڭكىلگەن قاناس كولى، جاسىل جەلەك جامىلعان كەڭ جايلاۋ...... التاي ايماعىنىڭ ساياحاتىنىڭ ۇزدىكسىز ورلەۋىنە بايلانىستى، وڭتۇستىك اۆياتسيا سەرىكتەستىگى، شىنجىن اۆياتسيا سەرىكتەستىگى، شىعىس اۆياتسيا سەرىكتەستىگى، حاينان اۆياتسيا سەرىكتەستىگى قاتارلى كوپتەگەن اۆياتسيا سەرىكتەستىكتەرى التاي اۋە لەنيالارىن دەر كەزىندە جاڭادان اشتى جانە كوبەيتتى.

قازىر التاي شۋەدۋ اۋەجايىنان ءار كۇنى 36 دا 42 رەت كەزەكشى ۇشاق ۇشىپ ـ قونۋدا. 2024 – جىلى 7 – ايعا دەيىن، التاي قالاسى بەيجيڭ، شاڭحاي، گۋاڭجوۋ، شىنجىن قاتارلى ەل ىشىندەگى 13 نەگىزگى قالامەن تىكە ۇشاتىن نەمەسە ايالداپ ۇشاتىن اۋە لەنياسىن اشتى.

اۋە جەلىسى ۇزدىكسىز جيىلەپ، ساياحاتشىلاردىڭ التاي ايماعىنا ساياحاتتاي كەلۋ مۇمكىندىگىن كورنەكتى جوعارىلاتتى. سونىمەن بىرگە، التايدان ءۇرىمجى، قاشقار، قۇلجا، كورلا قاتارلى شينجياڭداعى 11 قالاعا تىكە ۇشاتىن نەمەسە ايالداپ ۇشاتىن اۋە لەنياسى اشىلدى.

كەلۋ قاينارى: حالىق تورابى