شينجياڭنان ءۇش ادام ”تۇلپار سيلىعىن“ الدى

مەملەكەتتىك 13 - كەزەكتى از ۇلت ادەبيەت جاسامپازدىعى تۇلپار سيلىعىن باعالاۋ كوميسسياسى 8 – ايدىڭ 31 – كۇنى تۇستەن كەيىن داۋىسقا سالۋ ارقىلى 25 سيلىق العان تۋىندى مەن 5 اۋدارماشىنى باعالاپ شىقتى، شينجياڭنان ءۇش جازۋشى تۇلپار سيلىعىن الدى، ولار روزى گۇلباي (تاجىك ۇلتى) رومان سيلىعىن قانجىعالادى، ءابۋ (دۇڭشياڭ ۇلتى) مەن ءۇسىپ ايشا (ۇيعۇر) اۋدارما سيلىعىن قانجىعالادى.

مەملەكەتتىك از ۇلتتار ادەبيەت جاسامپازدىعى تۇلپار سيلىعى — جۇڭگو جازۋشىلار قوعامى، مەملەكەتتىك ۇلتتىق ىستەر كوميتەتى بىرلەسىپ وتكىزگەن مەملەكەت دارەجەلى ادەبيەت سيلىعى، 1981 - جىلى تاعايىندالعان، ماۋ دۇن ادەبيەت سيلىعى، لۋ شۇن ادەبيەت سيلىعى جانە مەملەكەتتىك تاڭداۋلى بالالار ادەبيەتى سيلىعىمەن بىرگە جۇڭگو ادەبيەتىنىڭ ”ءتورت ۇلكەن سيلىعى“ دەپ اتالعان. وسى كەزەكتى تۇلپار سيلىعىن باعالاۋعا 381 تۋىندى مەن 11 اۋدارماشى قاتىناستى.

كەلۋ قاينارى: حالىق تورابى