شينجياڭ ۇيعۇر اۆتونوميالى رايوندىق قازىنا ءبىر ميلليارد 660 ميلليون يۋان قارجى ءبولىپ، سۋ يگىلىگى ىستەرىنىڭ جوعارى ساپالى دامۋىن قولدادى

2024 ـ جىلى، شينجياڭ ۇيعۇر اۆتونوميالى رايوندىق قازىنا 2024 ـ جىلعى ورتالىقتىڭ سۋ يگىلىگىن دامىتۋ قارجىسىنان جيىنى ءبىر ميلليارد 660 ميلليون يۋان بوساتىپ، شينجياڭنىڭ سۋ يگىلىگى ىستەرىنىڭ جوعارى ساپالى دامۋىن قولدادى، مۇندا مىناداي ءتۇيىندى قولداۋ كورسەتىلدى: ءبىرىنشى، ورتالىقتىڭ سۋ يگىلىگىن دامىتۋ قارجىسىنان الدىن الا 804 ميلليون يۋان بوساتتى، بۇل نەگىزىنەن شاعىن سۋ قويمالارى ينجەنەرياسىن جوندەۋ، قورعاۋ، تاسقىن اپاتىنان ساقتانۋ جانە ونى جونگە سالۋ، قىستاق يگىلىگىندە سۋ باعاسى ۋنيۆەرسال رەفورماسى، جەر استى سۋىن ارتىق اشۋدى تۇزەۋ، قىستاقتاردىڭ اۋىز سۋ قۇرىلىسىن جوندەۋ، قورعاۋ، سۋ بايلىعىن قاجەتتى شەكتەۋ جانە تەڭشەۋ، سۋ - توپىراقتىڭ زايا بولۋىن جان - جاقتى تۇزەۋ قاتارلىلارعا ىستەتىلدى؛ ەكىنشى، جىل ورتاسىندا ورتالىقتىڭ سۋ يگىلىگىن دامىتۋ قارجىسىنان 856 ميلليون يۋان بوساتتى، بۇل نەگىزىنەن وزەن الابىنىڭ اۋدانى 200 دە 3000 شارشى كيلومەتر كەلەتىن ورتا، شاعىن وزەن اعارلارىن جونگە سالۋ، تاسقىن اپاتىنان ساقتانۋ جانە ونى جونگە سالۋ، ورتا، شاعىن سۋارمالى وڭىرلەردى سۋ ۇنەمدەۋگە وزگەرتۋ، شاعىن تيپتەگى سۋ باستاۋ ينجەنەرياسى، اۋىل شارۋاشىلىق سۋ باعاسى جالپىلىق رەفورماسى، باياشاتتى وزەن - كول قۇرىلىسى سياقتى جاقتارعا جۇمسالادى.

كەلەسى قادامدا، شينجياڭ ۇيعۇر اۆتونوميالى رايوندىق قازىنا مەڭگەرمەسى جەر ـ جەردى ورتالىقتىڭ سۋ يگىلىگىن دامىتۋ قارجىسىن شىن مانىندە ويداعىداي باسقارۋعا، ويداعىداي پايدالانۋعا قۋزاپ، نىسانداردىڭ تياناقتانىپ اتقارىلۋىن ىلگەرىلەتىپ، نىسانداردىڭ شىعىس جاعدايىن اي سايىن باقىلاپ ـ مەڭگەرىپ، مەجە ەسەپتىڭ اتقارىلۋىن جەدەلدەتىپ، ەكونوميكانىڭ جوعارى ساپالى دامۋىن ىلگەرىلەتۋگە ماڭىزدى تىرەك ازىرلەيدى.

كەلۋ قاينارى: حالىق تورابى