شينجياڭ تاسقىننان ساقتانۋدىڭ Ⅳ دارەجەلى شۇعىل ۇندەۋىن ىسكە قوستى

8 ـ ايدىڭ 5 ـ كۇنى ساعات 15 تەن 10 مينۋت وتكەندە، يۇرۇڭقاش وزەنى مەن گۇزلوك سۋ رايى پۋنكتىنىڭ اعىس مولشەرى ساقتىق سىزىعىنان اسىپ، شينجياڭ ۇيعۇر اۆتونوميالى رايونى تاسقىننان ساقتانۋدىڭ سارى ءتۇستى ساقتىق دابىلىن جاريالادى.

وسىعان دەيىن تارىم وزەنى الابىنداعى تارىم وزەنى نەگىزگى اعارىنداعى شينچۇي توعانى، جاڭا بازار جانە يۇرۇڭقاش وزەنىندە ساقتىق سىزىعىنان اسقان. قاتىستى بەلگىلەمەلەرگە ساي، 2024 – جىلى 8 – ايدىڭ 5 – كۇنى ساعات 16 دان باستاپ تاسقىننان ساقتانۋدىڭ Ⅳ دارەجەلى شۇعىل ۇندەۋىن ىسكە قوسۋدى ۇيعاردى.

اۋا رايى تاراۋلارىنىڭ مەجەلەۋىنشە، 8 – ايدىڭ 6 – كۇنىنەن 8 - كۇنىنە دەيىن وڭتۇستىك شينجياڭنىڭ باسىم كوپ جەرىندە كورنەكتى جاڭبىر جاۋادى ەكەن. جەر ـ جەردەن، ورىنداردان شۇعىل جاعدايعا توتەپ بەرۋ، وعان ءۇن قوسۋ مىندەتى بويىنشا، سۋ، قۋاڭشىلىق اپاتىنان ساقتانۋدىڭ ءتۇرلى قىزمەتتەرىن اناعۇرلىم كۇشەيتىپ، جەلى بويىنداعى تاسقىننان ساقتانۋ حاۋىپسىزدىگىنە شىنايى كەپىلدىك ەتۋدى تالاپ ەتتى.

ءبىرىنشى، باقىلاۋ، الدىن الا مالىمەت بەرۋ، ساقتاندىرۋدى كۇشەيتۋ كەرەك.

ەكىنشى، سۋ ينجەنەرياسىن عىلىمي جولمەن ءبىرتۇتاس ورنالاستىرۋدى كۇشەيتۋ كەرەك.

ءۇشىنشى، توسپانى شارلاۋ جانە حاۋىپتەن قۇتقارۋ شارالارىن ويداعىداي تياناقتاندىرۋ كەرەك.

ءتورتىنشى، شۇعىل جاعدايعا توتەپ بەرۋ كەزەكشىلىگىن جانە ينفورماتسيا مالىمەتىن كۇشەيتۋ كەرەك.

قازىر ءارقايسى وزەندەردىڭ سۋ قويماسى، سۋ تيەگى، توسپا سياقتى سۋ يگىلىگى قۇرىلىستارى تۇگەلدەي حاۋىپسىز اينالىمعا تۇسۋدە.

كەلۋ قاينارى: حالىق تورابى