شينجياڭدا 13 تاراۋ بىرگە كەمشىل ءدارى – دارمەكتەرگە قاتىستى قيىن ماسەلەنى شەشىم ەتەدى 

انار بۇلت \ شينجياڭ گازەتىنىڭ ءتىلشىسى سۋ لۋپيڭ حابارلايدى. جۋىردا «اۆتونوميالى رايونداعى كەمشىل ءدارى – دارمەكتەر تىزىمدىگىن باسقارۋ ءادىسى (سىناق رەتىندە اتقارىلادى)» (تومەندە قىسقارتىلىپ «ءادىس» دەپ اتالادى) باسىپ تاراتىلدى، قامداۋعا كەپىلدىك ەتىپ، باعاسىن ورنىقتىرۋدى باستى ءتۇيىن ەتىپ، كەمشىل ءدارى – دارمەكتەردى تۇرگە، دارەجەگە ءبولىپ ءبىرجاقتى ەتۋ قۋاتىن ۇزدىكسىز جوعارىلاتىپ، جۇرتشىلىقتىڭ نەگىزدىك ءدارى – دارمەكتەن پايدالانۋ قاجەتىن قامتاماسىزداندىرادى.

شينجياڭ ۇيعۇر اۆتونوميالى رايوندىق دەنساۋلىق ساقتاۋ – سالاماتتىق كوميتەتى ءدارى – دارمەك جونىندەگى ساياسات جانە نەگىزدىك ءدارى – دارمەك ءتۇزىمى باسقارماسىنىڭ باستىعى ۋ فاباۋدىڭ تانىستىرۋىنشا، كەمشىل ءدارى – دارمەكتەر دەگەنىمىز ەلىمىزدەگى ءدارى – دارمەكتى باقىلاۋ – باسقارۋ تاراۋلارىنىڭ بەكىتۋىنەن ءوتىپ بازارعا شىعارىلعان، كلينيكادا قاجەتتى ءارى باسقا ءدارى ورنىن باسا المايتىن نەمەسە باسقا ءدارى ورنىن بۇكىلدەي باسا المايتىن، ءمالىم ۋاقىتتا نەمەسە ءمالىم وڭىردە قامداۋ جەتكىلىكسىز بولعان نەمەسە ورنىقسىز بولعان ءدارى – دارمەكتەردى كورسەتەدى. كلينيكادا قاجەتتى ءارى وڭاي كەمشىل كۇيگە تۇسەتىن ءدارى – دارمەكتەر دەگەنىمىز ەلىمىزدەگى ءدارى – دارمەكتى باقىلاۋ – باسقارۋ تاراۋلارىنىڭ بەكىتۋىنەن ءوتىپ بازارعا شىعارىلعان، كلينيكادا قاجەتتى ءارى باسقا ءدارى ورنىن باسا المايتىن نەمەسە باسقا ءدارى ورنىن بۇكىلدەي باسا المايتىن، قامداۋ قاينارى از، قامداۋ كەمشىل بولۋ حاۋپى ساقتالىپ وتىرعان ءدارى – دارمەكتەردى، ءتۇيىندى تۇردە نازار اۋدارىلاتىن نەگىزدىك ءدارى – دارمەكتەر مەن شۇعىل قۇتقارۋ بارىسىندا، سالماقتى اۋرۋلاردى ەمدەۋدە، الەۋمەتتىك دەنساۋلىق ساقتاۋدا، سونداي – اق، ەرەكشە توپتار قاتارلىلارعا پايدالاناتىن ءدارى – دارمەكتەردى كورسەتەدى.

كەلۋ قاينارى: حالىق تورابى