شينجياڭدا بۇل ادامداردان امبۋلاتوريادا تەكسەرۋ - دياگنوز قويۋ قاراجاتىن المايدى

8 - ايدىڭ 5 – كۇنى، شينجياڭ ۇيعۇر اۆتونوميالى رايوندىق دەنساۋلىق ساقتاۋ جانە سالاماتتىق كوميتەتى تورابى حابارلاندىرۋ جاريالاپ، مەملەكەتتىك تەگىن قان بەرۋ ۇلەس قوسۋ سيلىعىن، مەملەكەتتىك تەگىن قان بەرۋ قان جاسايتىن توركىن كلەتكا سيلىعىن العانداردان ۇكىمەتتىك شيپاحانالاردىڭ ادەتتەگى امبۋلاتوريادا تەكسەرۋ - دياگنوز قويۋ اقىسىن كەشىرىم ەتۋ سىندى قامقورلىق ساياساتىن تياناقتاندىرىپ اتقارۋ جونىندە حابارلاندىرۋ شىعاردى.

ۇقتىرۋدا بىلاي دەلىندى: مەملەكەتتىك تەگىن قان بەرۋ ۇلەس قوسۋ سيلىعىن، مەملەكەتتىك تەگىن قان بەرۋ قان جاسايتىن توركىن كلەتكا سيلىعىن العاندار ءوزىنىڭ ازاماتتىق كۋالىگى مەن مەن قاعاز جۇزىندەگى سيلىق كۋالىگى نەمەسە ”مەملەكەتتىك ەلەكتروندىق قان بەرۋ كۋالىگى“ سيلىعىن العان ەلەكتروندىق كۋالىگى ارقىلى (”مەملەكەتتىك ەلەكتروندىق قان بەرۋ كۋالىگى“ ۋيچات الەۋمەتتىك تەكشەسى ارقىلى تەكسەرۋگە بولادى)، ازاماتتاردىڭ سالاۋات ينفورماتسياسى مەن سيلىققا يە بولعان ينفورماتسيالاردىڭ بىردەيلىگىن دالەلدەگەننەن كەيىن، بۇكىل رايونداعى ءار دارەجەلى، ءار ءتۇرلى ۇكىمەت قاراستىلىعىنداعى ەمدەۋ قۇرىلىمدارىندا ەمدەلگەندە وسى قامقورلىق ساياساتتان يگىلىكتەنۋىنە بولادى.

حابارلاندىرۋدا مىنالار تالاپ ەتىلدى: بۇكىل رايونداعى ءار دارەجەلى دەنساۋلىق ساقتاۋ جانە سالاماتتىق اكىمشىلىك تاراۋلارى وسى قىزمەتكە وسكەلەڭ ءمان بەرىپ، ۇكىمەت باسقارۋىنداعى ەمدەۋ قۇرىلىمدارىنىڭ تۇلعالىق جاۋاپكەرشىلىگىن ناقتىلاندىرىپ، قاراستى اۋماقتاعى ءار دارەجەلى، ءار ءتۇرلى ۇكىمەتتىك ەمدەۋ قۇرىلىمدارىنىڭ شيپاحانادا ءنومىر الىپ ەمدەۋ ءتارتىبىن كەمەلدەندىرۋىن قۋزاپ، جەتەكشىلىك ەتىپ، تەرەزەلىك قىزمەت وتەۋ، جول كورسەتۋ جانە ساياساتتى ءتۇسىندىرۋ قىزمەتىن ويداعىداي ىستەپ، تەگىن قان بەرۋشىلەردى شابىتتاندىرۋ، سيلاۋ، ولارعا قامقورلىق جاساۋ ساياساتىن ورنىقتى، ءتارتىپتى دايەكتىلەندىرۋ كەرەك.

ۇقتىرۋدا مىنالار ايقىن بەلگىلەندى: بۇكىل شينجياڭداعى قوعامدىق كۇشتەر اشقان شيپاحانالاردى ۇكىمەت شيپاحانالارىنىڭ ادىستەرىنەن پايدالانىپ قامقورلىق جاساۋ ساياساتىن تياناقتاندىرۋعا شابىتتاندىرىپ، بۇكىل شينجياڭداعى ءار ۇلت بۇقاراسىن تەگىن قان بەرۋ قيمىلىنا بەلسەنە قاتىناسۋعا اناعۇرلىم ويداعىداي ىنتالاندىرۋ كەرەك.

2023 – جىلى 11 – ايدا، مەملەكەتتىك دەنساۋلىق ساقتاۋ جانە سالاماتتىق كوميتەتى قاتارلى 6 تاراۋ بىرلەسىپ «تەگىن قان بەرۋشىلەردى شابىتتاندىرۋ، سيلاۋ قىزمەتىن اناعۇرلىم جاقسى ىستەۋ جونىندەگى ۇقتىرۋدى» جاريالاپ، جەر – جەردىڭ ”ءۇشتى كەشىرىم ەتۋ“ ساياساتىن ىلگەرىلەتىپ، تەگىن قان بەرۋ ۇلەس قوسۋ سيلىعىن، تەگىن قان بەرۋ قان جاسايتىن توركىن كلەتكا سيلىعىن العانداردىڭ جەرگىلىكتى ساياسات بويىنشا الەۋمەتتىك قاتىناس قۇرالدارىنا تەگىن وتىرۋ، ۇكىمەت قارجى قوسىپ اشقان باقشالاردى تەگىن ارالاۋ جانە ادەتتەگى امبۋلاتوريادا دياگنوز قويۋ اقىسىن كەشىرىم ەتۋ ساياساتىنان يگىلىكتەۋىنە بولاتىنىن جاريالادى.

اقپارات قۇرالدارىنىڭ حابارىنا قاراعاندا، قازىر جياڭسۋ، جىجياڭ، انحۇي، شاندۇڭ، ىشكى موڭعۇل، سىچۋان قاتارلى جەرلەر شارتقا ۇيلەسەتىن تەگىن قان بەرۋشىلەردىڭ دياگنوز قويۋ اقىسىن كەشىرىم ەتۋ سياقتى قامقورلىق ساياساتتارىن ورىستەتكەن.

كەلۋ قاينارى: حالىق تورابى