پروكۋراتۋرا ورگاندارى حان يۇڭنىڭ پارا الۋ دەلوسى جونىندە زاڭ بويىنشا الەۋمەتتىك ايىپتاۋ جۇرگىزدى

شينحۋا اگەنتتىگىنىڭ 8 – ايدىڭ 6 - كۇنى بەيجيڭنەن بەرگەن حابارى. ءتىلشىنىڭ 8 – ايدىڭ 6 – كۇنى ەڭ جوعارى حالىق پروكۋراتۋراسىنان ۇعىسۋىنشا، مەملەكەتتىك ساياسي كەڭەس جان سانى، بايلىق، قورشاعان ورتا كوميتەتىنىڭ بۇرىنعى ورىنباسار مەڭگەرۋشىسى، شانشي ولكەلىك ساياسي كەڭەس پارتگرۋپپاسىنىڭ بۇرىنعى شۋجيى، ءتوراعاسى حان يۇڭنىڭ پارا الۋ دەلوسىن مەملەكەتتىك باقىلاۋ ـ تەكسەرۋ كوميتەتى تەكسەرىپ اياقتاتىپ، ەڭ جوعارى حالىق پروكۋراتۋراسىنىڭ زاڭ بويىنشا بەلگىلەۋىمەن گۋاڭشي جۋاڭزۋ اۆتونوميالى رايونى ناننيڭ قالالىق حالىق پروكۋراتۋراسىنىڭ تەكسەرىپ ايىپتاۋىنا وتكىزىپ بەرگەن، تاياۋدا ناننيڭ قالالىق حالىق پروكۋراتۋراسى ناننيڭ قالالىق ورتا دارەجەلى حالىق سوت مەكەمەسىنە الەۋمەتتىك ايىپپتاما بەردى.

پروكۋراتۋرا ورگانى تەكسەرىپ ايىپتاۋ ساتىسىندا ايىپكەر حان يۇڭنىڭ ارىز - شاعىم ۇقىعى بار ەكەنىن زاڭ بويىنشا ۇقتىردى ءارى جاۋاپكەردى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ شاعىم ايتتى: حان يۇڭ جيلين ولكەسى سۇڭيۋان قالالىق حالىق پروكۋراتۋراسى پارتگرۋپپاسىنىڭ شۋجيى، باس پروكۋرورى، جيلين ولكەلىك حالىق پروكۋراتۋراسى پارتگرۋپپاسىنىڭ مۇشەسى، ورىنباسار باس پروكۋرورى، جيلين ولكەلىك ءتارتىپ تەكسەرۋ كوميتەتىنىڭ ورىنباسار شۋجيى، شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى، ورىنباسار شۋجيى، شانشي ولكەلىك ساياسي كەڭەس پارتگرۋپپاسىنىڭ شۋجيى، ءتوراعاسى قاتارلى مىندەتتەردى وتەگەن كەزىندە قىزمەت قولايلىلىعىنان، سونداي - اق قىزمەت ۇقىعى، ورنى قالىپتاستىرعان قولايلى جاعدايدان پايدالانىپ باسقالاردىڭ كاسىپورىن ساۋداسى، قۇرىلىستى كوتەرەگە الۋ، كادرلاردى ىستەتۋ قاتارلى ىستەرىنە پايدا جەتكىزىپ، باسقالاردىڭ بەرگەن اقشا مال - مۇلكىن زاڭسىز قابىلداعان، سوماسى ەرەكشە كوپ، زاڭ بويىنشا پارا الۋ قىلمىسى بويىنشا ونىڭ قىلمىستىق ىستەر جاۋاپكەرشىلىگىن قۋزاستىرۋ كەرەك.

كەلۋ قاينارى: حالىق تورابى