شينجياڭنىڭ كەي جەرلەرىندە ەڭ جوعارى تەمپەراتۋرا 40 سەلتسي گرادۋستان اسادى

شينجياڭ اۋا رايى ستانسياسى 8 – ايدىڭ 7 - كۇنى ساعات 15 تەن 51 مينۋت وتكەندە، جوعارى تەمپەراتۋرادان ساقتانۋدىڭ سارى ءتۇستى ساقتىق سيگنالىن جاريالادى: مەجەمەن 8 ـ ايدىڭ 8 ـ كۇنى كۇندىزدەن 10 ـ كۇنىنە دەيىن تيانشاننىڭ سولتۇستىك بەتكەيى، شىعىس شينجياڭنىڭ باسىم كوپ بولىگى جانە ىلە وزەنى اڭعارىنىڭ باتىس بولىگى، تارباعاتاي ايماعىنىڭ سولتۇستىك بولىگى، التاي ايماعى قاتارلى جەرلەردىڭ ءىشىنارا وڭىرلەرىندە تەمپەراتۋرا 35 سەلتسي گرادۋستان جوعارى بولادى، جوعارىداعى وڭىرلەردىڭ ەڭ جوعارى تەمپەراتۋراسى 37 سەلتسي گرادۋستان اسادى، بۇراتالا وبلىسىنىڭ شىعىس بولەگى، قارامايلى قالاسى، شىحىزى قالاسى، تۇرپان قالاسى، قۇمىل قالاسى قاتارلى جەرلەردىڭ ءىشىنارا وڭىرلەرىندە ەڭ جوعارى تەمپەراتۋرا 40 سەلتسي گرادۋستان اسادى. ىستىقتان ساقتانىپ، تەمپەراتۋرانى تومەندەتۋگە جانە وتتان حاۋىپسىز پايدالانۋعا كوڭىل ءبولىپ، تاۋلى وڭىرلەردىڭ ءىشىنارا جەرلەرىندە قار ەرۋدەن بولاتىن تاسقىن اپاتىنان ساقتانۋدى كۇشەيتۋ كەرەك.

ناقتىلاپ ايتقاندا، 8 – ايدىڭ 8 - كۇنى كۇندىزدەن تۇنگە دەيىن ىلە وزەنى اڭعارىنىڭ باتىس بولەگىندەگى، تيانشاننىڭ سولتۇستىك بوكتەرىندەگى ءىشىنارا وڭىرلەردە تەمپەراتۋرا 35 سەلتسي گرادۋستان جوعارى بولادى، ءىشىنارا وڭىرلەردە ەڭ جوعارى تەمپەراتۋرا 37 سەلتسي گرادۋستان جوعارى بولادى. 7 ـ ايدىڭ 9 ـ كۇنى كۇندىزدەن تۇنگە دەيىن، تيانشاننىڭ سولتۇستىك بەتكەيىندەگى، وڭتۇستىك شينجياڭنىڭ باتىس بولىگىندەگى، شىعىس شينجياڭداعى ءىشىنارا وڭىرلەردە 35 سەلتسي گرادۋستان جوعارى ىستىق بولادى، جوعارىدا ايتىلعان ءىشىنارا وڭىرلەردىڭ ەڭ جوعارى اۋا تەمپەراتۋراسى 37 سەلتسي گرادۋستان اسادى، تۇرپان قالاسىنىڭ ءىشىنارا جەرلەرىندە ەڭ جوعارى اۋا تەمپەراتۋراسى 40 سەلتسي گرادۋستان اسادى.

نوسەردەن ساقتانۋ جاعىندا، ىلە وبلىستىق اۋا رايى ستانسياسى، تۇرپان قالالىق اۋا رايى ستانسياسى، تارباعاتاي ايماقتىق اۋا رايى ستانسياسى نوسەردەن ساقتانۋدىڭ كوك ءتۇستى ساقتىق سيگنالىن جاريالادى؛ بايىنعولين وبلىستىق اۋا رايى ستانسياسى نوسەردەن ساقتانۋدىڭ سارى ءتۇستى ساقتىق سيگنالىن جاريالادى؛ اقسۋ ايماقتىق اۋا رايى ستانسياسى، حوتان ايماقتىق اۋا رايى ستانسياسى نوسەردەن ساقتانۋدىڭ كوك ءتۇستى ساقتىق سيگىنالىن نوسەردەن ساقتانۋدىڭ سارى ءتۇستى ساقتىق سيگنالىنا كوتەردى.

كەلۋ قاينارى: حالىق تورابى