ءولىم جازاسىنا كەسىلدى كەشىكتىرىپ اتقارىلادى! لي زاييۇڭنىڭ پارا الۋ، قىزمەت ۇقىعىنان بەتالدى پايدالانۋ دەلوسىنا ءبىرىنشى سوتتا ۇكىم جاريالاندى

2024 – جىلى 8 – ايدىڭ 13 – كۇنى، چۇڭچيڭ قالالىق 5 - ورتا دارەجەلى حالىق سوت مەكەمەسى گۇيجوۋ ولكەلىك ساياسي كەڭەس پارتگرۋپپاسىنىڭ بۇرىنعى مۇشەسى، ورىنباسار ءتوراعاسى لي زاييۇڭنىڭ پارا الۋ، قىزمەت ۇقىعىنان بەتالدى پايدالانۋ دەلوسىنا اشىق ۇكىم شىعارىپ، ايىپكەر لي زاييۇڭدى پارا الۋ قىلمىسى بويىنشا ءولىم جازاسىنا ۇكىم ەتىپ، ەكى جىل كەشىكتىرىپ اتقارىپ، ساياسي ۇقىعىنان ماڭگىلىك ماقرۇم ەتتى ءارى بارلىق مال – مۇلكىن ءمۇسادىرالادى؛ لي زاييۇڭنىڭ پارا الۋ قىلمىسىمەن تاپقان مال - مۇلكى جانە ونىڭ ءوسىمىن زاڭ بويىنشا قۋزاپ قايتارىپ الىپ، مەملەكەت قازىناسىنا تاپسىردى، جەتپەگەن بولەگىن جالعاستى قۋزاپ قايتارىپ الادى.

تەكسەرۋ ارقىلى مىنالار انىقتالدى: 1998 - جىلدان 2023 - جىلعا دەيىن ايىپكەر لي زاييۇڭ گۇيجوۋ ولكەسى زۇن - ي قالاسى حۇڭحۋاگاڭ رايوندىق پارتكومنىڭ شۋجيى، چياندۇڭنان وبلىستىق پارتكومنىڭ تۇراقتى مۇشەسى، وبلىس باستىعىنىڭ ورىنباسارى، تۇڭرىن ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى، گۇيياڭ قالالىق پارتكومنىڭ ورىنباسار شۋجيى، قالا باستىعى، ليۋپانشۇي قالالىق پارتكومنىڭ شۋجيى، گۇيجوۋ ولكەلىك پارتكومنىڭ تۇراقتى مۇشەسى، باس حاتشى، گۇيجوۋ ولكەلىك پارتكومنىڭ تۇراقتى مۇشەسى، گۇيياڭ قالالىق پارتكومنىڭ شۋجيى، گۇيجوۋ ولكەلىك پارتكومنىڭ تۇراقتى مۇشەسى، ورىنباسار ولكە باستىعى قاتارلى قىزمەتتەردى وتەگەن كەزىندە، قىزمەت قولايلىلىعى، سونداي - اق قىزمەت ۇقىعى نەمەسە ورنى قالىپتاستىرعان قولايلى شارت – جاعدايدان پايدالانىپ قاتىستى جەكەلەردىڭ قۇرىلىستى كوتەرەگە الۋ، جەردى وتكىزىپ الۋ، نىسان جوباسىن تەكسەرىپ بەكىتۋ سياقتى ىستەرىنە كومەك كورسەتكەن، زاڭسىز قابىلداعان مال - مۇلكى حالىق اقشاسىنا سىندىرعاندا جيىنى 432 ميلليون يۋاننان اسقان، مۇنىڭ كوبى ءىس جۇزىندە الىنباعان، 2014 ـ جىلدان 2017 ـ جىلعا دەيىن، لي زاييۇڭ ليۋپانشۇي قالالىق پارتكومنىڭ شۋجيى، قالالىق قالا ـ اۋىل جوباسى قۇرىلىسى كوميتەتىنىڭ مەڭگەرۋشىسى بولعان كەزدە، زاڭ ـ ەرەجەلەردەگى بەلگىلەمەلەرگە قايشىلىق جاساپ، قاتىستى ساياحات اشۋ نىساندارىن سالۋعا زورلاپ، ەكولوگيانى ءبۇلدىرىپ، 86 ميلليون 450 مىڭ يۋاننان استام زيان سالعان. لي زاييۇڭ سوتقا كەلگەننەن كەيىن، باقىلاۋ - تەكسەرۋ ورگانى ءالى يگەرمەگەن قىزمەت ۇقىعىنان الباتى پايدالانۋ فاكتىن ىرىقتىلىقپەن تاپسىرعان.

چۇڭچيڭ قالالىق 5 - ورتا دارەجەلى حالىق سوت مەكەمەسى بىلاي دەپ قارادى: ايىپكەر لي زاييۇڭنىڭ ارەكەتى پارا الۋ قىلمىسىن، قىزمەت ۇقىعىنان بەتالدى پايدالانۋ قىلمىسىن قالىپتاستىرادى. لي زاييۇڭنىڭ پاراعا العان سوماسى ەرەكشە كوپ، قىلمىس سيپاتى ەرەكشە اۋىر، قوعامدىق ىقپالى ەرەكشە ناشار بولىپ، مەملەكەت پەن حالىقتىڭ مۇددەسىنە ەرەكشە اۋىر زيان سالدى، قىلمىسىنا قاراي ونى ءولىم جازاسىنا ۇكىم ەتۋ كەرەك؛ قىزمەت ۇقىعىنان بەتالدى پايدالانىپ، الەۋمەتتىك مال - مۇلىكتى، مەملەكەت پەن حالىقتىڭ مۇددەسىن اۋىر زيانعا ۇشىراتقاندىقتان، زاڭ بويىنشا جازالاۋ كەرەك، ءارى ونى پارا الۋ قىلمىسىمەن بىرگە جازالاۋ كەرەك. لي زاييۇڭ پارا الۋ ماقساتىنا جەتە الماي، دەلو تۋىلعاننان كەيىن قىلمىسىن قاز - قالپىندا مويىنداپ، دەلونى ءبىر جاقتى ەتۋ ورگانى ءالى يگەرمەگەن پارانىڭ مۇلدە باسىم كوپ بولەگىن وزدىگىنەن تاپسىرعان؛ قىزمەت ۇقىعىنان بەتالدى پايدالانۋ ءىسى جونىندە ءوزىن مالىمدەگەن، باسقالاردىڭ قىلمىستىق ارەكەتىن اشكەرەلەۋ جاعدايى بار، تەكسەرۋ ارقىلى شىن بولىپ، ەلەۋلى ەڭبەك كورسەتۋ بەينەسى بولعاندىقتان، قىلمىسىن تانىپ، وكىنگەندىكتەن، ارام ولجانى بەلسەنە قايتارعاندىقتان، ارام اقشا مەن ارام ولجانىڭ باسىم كوپ ساندىسى تەكسەرىلىپ ۇستاپ قالىنعان، زاڭدا بەلگىلەنگەن كوپ ءتۇرلى جاعدايعا قاراي جەڭىل جازا كەسۋگە بولاتىندىقتان، ونىڭ پارا الۋ قىلمىسىنا ءولىم جازاسى بەرىلىپ، دەرەۋ اتقارىلمايدى؛ ۇقىعىنان بەتالدى پايدالانۋ قىلمىسىن جەڭىل جازالاۋعا بولادى. سوت مەكەمەسى جوعارىداعىداي ۇكىم شىعاردى.

كەلۋ قاينارى: حالىق تورابى