سىرتقى ىستەر مينيسترلىگىنىڭ مالىمدەمەشىسى ۋكراينا ارمياسىنىڭ رەسەي تەرريتورياسىنا كىرۋى جونىندە تىلشىلەردىڭ سۇراعىنا جاۋاپ بەردى

شينحۋا اگەنتتىگىنىڭ 8 – ايدىڭ 12 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى 8 – ايدىڭ 12 - كۇنى ۋكراينا ارمياسىنىڭ رەسەي تەرريتورياسىنا كىرۋى جونىندە تىلشىلەردىڭ سۇراعىنا جاۋاپ بەردى. ءبىر ٴتىلشى بىلاي دەپ سۇرادى: حابارعا قاراعاندا، ۋكراينا ارمياسى تاياۋدا رەسەيدىڭ كۋرسك وبلىسىنا باسىپ كىرگەن. رەسەي جاق ۋكراينا ارمياسىنىڭ تۇتقيىل شابۋىلىنان 60 تان استام جاي بۇقارانىڭ جارالانعاندىعىن جانە ولگەندىگىن ايتتى، رەسەي ارمياسى ۋكراينا ارمياسىنىڭ شابۋىلىن توقتاتتى، كۋرسك وبلىسى شۇعىل كۇيگە وتكەندىگىن جاريالادى. ۋكراينانىڭ زۇڭتۇڭى زەلەنسكي ءسوز سويلەپ بىلاي دەدى: رەسەي سوعىستى ۋكراينا جەرىنە اكەلدى، قازىر ونىڭ ارەكەتىنىڭ زاردابىن سەزىنۋى كەرەك. ا ق ش جاق بىلاي دەدى: ا ق ش ۋكراينا ارمياسىنىڭ وسى رەتكى شابۋىل جوسپارىن الدىن الا بىلمەدى، ۋكراينانىڭ بۇل ارەكەتى ارەكەت دارەجەسىن جوعارىلاتۋ ەمەس، تەك جەڭىسكە قول جەتكىزۋدىڭ قاجەتتى شاراسى عانا. ا ق ش ۋكراينانىڭ ا ق ش قارۋ - جاراعى ارقىلى رەسەي شەكاراسىنان كەلگەن شابۋىلعا قايتارما سوققى بەرۋىنە جول بەرەدى، ۋكراينا ارمياسىنىڭ بۇل رەتكى ارەكەتى وسى جاعدايعا ۇيلەسەدى. جۇڭگو جاق بۇعان قانداي باعا بەرەدى؟

مالىمدەمەشى بىلاي دەدى: جۇڭگو قاتىستى جاعدايلارعا نازار اۋدارادى. جۇڭگو جاقتىڭ ۋكراينا ماسەلەسىندەگى مايدانى دايەكتى، ايقىن، ءار جاقتى جاعدايدى باسەڭدەتەتىن ”ءۇش پرينسيپكە“ بويسۇنۋعا ۇندەيدى، ياعني سوعىس مايدانى سىرتقا جايىلماۋ، سوعىس ءورتىن اسقىندىرماۋ، تاراپتار ۋشىقتىرماۋ. جۇڭگو جاق حالىقارالىق قوعاممەن قارىم ـ قاتىناستى ۇزدىكسىز ساقتاپ، داعدارىستى ساياسي جولمەن شەشۋدى ىلگەرىلەتۋدە سىندارلى رول اتقارادى.

كەلۋ قاينارى: حالىق تورابى