پروكۋراتۋرا ورگانى جوۋ جىڭنىڭ پارا الۋ، قيانات جاساۋ، مەملەكەت مەنشىگىندەگى سەرىكتەستىك قىزمەتكەرىنىڭ قىزمەت ۇقىعىنان الباتى پايدالانۋ دەلوسى جونىندە زاڭ بويىنشا الەۋمەتتىك ايىپتاۋ بەردى

شينحۋا اگەنتتىگىنىڭ 8 - ايدىڭ 8 – كۇنى بەيجيڭنەن بەرگەن حابارى. ءتىلشىنىڭ 8 - ايدىڭ 8 - كۇنى ەڭ جوعارى حالىق پروكۋراتۋراسىنان ۇعىسۋىنشا، جۇڭگو استىق توبى شەكتى سەرىكتەستىگى پارتگرۋپپاسىنىڭ بۇرىنعى مۇشەسى، ورىنباسار باس ديرەكتورى جوۋ جىڭنىڭ پارا الۋ، قيانات جاساۋ، مەملەكەت مەنشىگىندەگى سەرىكتەستىك قىزمەتكەرىنىڭ قىزمەت ۇقىعىنان الباتى پايدالانۋ دەلوسىن مەملەكەتتىك باقىلاۋ - تەكسەرۋ كوميتەتى تەكسەرىپ اياقتاتىپ، ەڭ جوعارى حالىق پروكۋراتۋراسىنىڭ بەكىتۋىمەن، سانشي ولكەسى يۇنچىڭ قالالىق حالىق پروكۋراتۋراسىنىڭ تەكسەرىپ ايىپتاۋىنا بەرگەن. تاياۋدا يۇنچىڭ قالالىق حالىق پروكۋراتۋراسى يۇنچىڭ قالالىق ورتا دارەجەلى حالىق سوت مەكەمەسىنە الەۋمەتتىك ايىپتاۋ بەردى.

پروكۋراتۋرا ورگانى تەكسەرىپ ايىپتاۋ ساتىسىندا ايىپكەر جوۋ جىڭنىڭ ارىز - شاعىم ۇقىعىنا يە ەكەنىن زاڭ بويىنشا ۇقتىردى ءارى ايىپكەردى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى ونىڭ ۇستىنەن بىلاي دەپ شاعىم ايتتى: ايىپكەر جوۋ جىڭ حاڭجوۋ جۇڭلياڭ ەرەكشە ىدىس شەكتى سەرىكتەستىگىنىڭ باس مەڭگەرۋشىسى، جۇڭگو استىق قوراپتاۋ شەكتى سەرىكتەستىگىنىڭ باس مەڭگەرۋشىسى، جۇڭگو استىق ٴۇي - جاي شەكتى سەرىكتەستىگى پارتكومىنىڭ شۋجيى، باس جوراسى، دايۋەچىڭ جارناسى مەڭگەرۋلى توبى شەكتى جارنا سەرىكتەستىگى پارتكومىنىڭ شۋجيى، باس جوراسى، جۇڭگو استىق توبى شەكتى سەرىكتەستىگى پارتگرۋپپاسىنىڭ مۇشەسى، ورىنباسار مەڭگەرۋشىسى قاتارلى مىندەتتەردى وتەگەن كەزىندە، مىندەتىندەگى قولايلىلىقتان پايدالانىپ، باسقالارعا پايدا جاراتىپ، باسقالاردىڭ مال - مۇلكىن زاڭسىز قابىلداعان، سوماسى ەرەكشە مول؛ قىزمەتتەگى قولايلىلىقتان پايدالانىپ، جالپىنىڭ مال - مۇلكىن زاڭسىز يەلەپ العان، سوماسى ەرەكشە مول؛ مەملەكەت مەنشىگىندەگى سەرىكتەستىك قىزمەتكەرى بولۋ سالاۋاتىمەن قىزمەت ۇقىعىنان بەتالدى پايدالانىپ، مەملەكەت مۇددەسىنە ەرەكشە اۋىر زيان كەلتىرگەن، زاڭ بويىنشا پارا الۋ قىلمىسى، قيانات جاساۋ قىلمىسى، مەملەكەت مەنشىگىندەگى سەرىكتەستىك قىزمەتكەرىنىڭ قىزمەت ۇقىعىنان الباتى پايدالانۋ قىلمىسى بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك. جوۋ جىڭ ءبىر باسى بىرنەشە قىلمىس وتكىزگەن، زاڭ بويىنشا قىلمىستارىن قوسىپ جازالاۋ كەرەك.

كەلۋ قاينارى: حالىق تورابى