قوعام حاۋىپسىزدىگى ورگاندارىنىڭ ينتەرنەت حاۋىپسىزدىگى تاراۋلارى دەنە تاربيە سالاسىنا قاتىستى ”جانكۇيەرلەر شوعىرىنىڭ“ زاڭعا قايشى قىلمىستىق ارەكەتتەرىنە زاڭ بويىنشا سوققى بەردى 

جۇڭگو اقپارات تورابىنىڭ 8 – ايدىڭ 7 – كۇنى بەرگەن حابارى. قوعام حاۋىپسىزدىگى مينيسترلىگى تورابىنىڭ حابارلاۋىنشا، قوعام حاۋىپسىزدىگى ورگاندارىنىڭ ينتەرنەت حاۋىپسىزدىگى تاراۋلارى ”جانكۇيەرلەر شوعىرىنا“ قاتىستى بىلىققان جاعدايعا بارىنشا ءمان بەرىپ، قاتىستى تاراۋلارمەن بەلسەندى سەلبەسىپ، زاڭعا قايشى قاتىستى قىلمىستىق ارەكەتتەرگە زاڭ بويىنشا قاتاڭ سوققى بەردى. پاريج وليمپياداسى باستالعاننان بەرى، ينتەرنەت حاۋىپسىزدىگى تاراۋلارى پاريج وليمپياداسىنا قاتىستى جاعدايلارعا ءجىتى نازار اۋدارىپ، باعىتتامالى قىزمەت شارالارىن شىنايى كۇشەيتتى. 8 – ايدىڭ 3 – كۇنى كەشتە، وليمپيادانىڭ تاق – تۇق دوپ ءتۇرى بويىنشا ايەلدەردىڭ جەكە تۇردەگى جارىسىنىڭ شەشۋشى جارىسى وتكىزىلگەن سوڭ، كەيبىر توراپتاستار شابۋىلداۋ، جالا جابۋ مازمۇنىنداعى سوزدەردى جاريالاعان، مۇنىڭ ىشىندە ءبىر توراپتاس 8 – ايدىڭ 4 – كۇنى ساعات 2 دەن 12 مينۋت وتكەندە ءسوز جاريالاپ، قاتىستى سپورتشى مەن جاتتىقتىرۋشىنى داتتاپ، قوعامدا ناشار ىقپال تۋدىرعان.

قوعام حاۋىپسىزدىگى مينيسترلىگىنىڭ ينتەرنەت حاۋىپسىزدىگى تاراۋلارى وسى ىسكە ايرىقشا ءمان بەرىپ، قىزمەتتى دەرەۋ ورىستەتتى ءارى بەيجيڭدەگى قوعام حاۋىپسىزدىگى ورگاندارىنىڭ ينتەرنەت حاۋىپسىزدىگى تاراۋلارىنىڭ وسى جونىندە تەكسەرۋ جۇرگىزۋى، بۇل ءىستى انىقتاۋى، زاڭ بويىنشا ءبىرجاقتى ەتۋى جونىندە ورنالاستىرۋ جاسادى. بەيجيڭدەگى قوعام حاۋىپسىزدىگى ورگاندارى دەرەۋ ارەكەتتەنىپ، 8 – ايدىڭ 6 – كۇنى قىلمىس كۇماندىسى حى XX تى (ايەل، 29 جاستا) ۇستادى، ول ينتەرنەتتە شەرىن تارقاتىپ، قاتىستى سپورتشى مەن جاتتىقتىرۋشىنى داتتاعان مازمۇندا ءسوز جاريالاعانىن تۇگەل مويىندادى. بەيجيڭدەگى قوعام حاۋىپسىزدىگى ورگانى ونى قىلمىستىق ىستەر بويىنشا قاماۋعا الدى، دەلو قازىر ىشكەرىلەي تەكسەرىلۋدە.

قوعام حاۋىپسىزدىگى مينيسترلىگىنىڭ ينتەرنەت حاۋىپسىزدىگى تاراۋلارى الدا تالداۋ جاساۋ مەن تۇجىرىمداۋدى كۇشەيتىپ، قىزمەت شارالارىن قاتايتىپ، دەنە تاربيە سالاسىنداعى ”جانكۇيەرلەر شوعىرىنا“ قاتىستى بىلىققان جاعدايعا زاڭ بويىنشا قاتاڭ سوققى بەرەدى. سونىمەن بىرگە، بارشا توراپتاستارعا مىنانى ەسكەرتەدى: ينتەرنەت زاڭنان تىسقارى ورىن ەمەس، جارىستى مادەنيەتتىلىكپەن تاماشاپ، وبيەكتيۆ تۇردە تالقىلاۋ، جاتتىقتىرۋشىلارعا، سپورتشىلارعا، تورەشىلەرگە قۇرمەت ەتۋ، وسەك – اياڭ تاراتپاۋ، باسقالارعا شابۋىلداماۋ جانە ولاردى داتتاماۋ، جارىسقا قاتىناسقانداردىڭ زاڭدى ۇقىق – مۇددەسى مەن تاماشا ينتەرنەتتىك ورتانى بىرگە قورعاۋ، ەلىمىزدەگى بارشا دەنە تاربيە جانكۇيەرلەرىنىڭ تاماشا وبىرازىن تولىق ايگىلەۋ كەرەك.

كەلۋ قاينارى: حالىق تورابى