جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ 33 - كەزەكتى وليمپيادا سپورت جارىسى جۇڭگو دەنە تاربيە ۋاكىلدەر ۇيىرمەسىنە جولداعان قۇتتىقتاۋ تەلەگرامماسى

جۇڭگو دەنە تاربيە ۋاكىلدەر ۇيىرمەسىنە:

33 - كەزەكتى جازعى وليمپيادا سپورت جارىسىندا ەلىمىزدىڭ دەنە تاربيە ساڭلاقتارى قايسارلىقپەن شايقاس جاساپ، ەرلىكپەن العا ۇمتىلىپ، بورىشتى ادا ەتىپ، 40 التىن مەدال، 27 كۇمىس مەدال، 24 قولا مەدال الىپ، سپورت ناتيجەسى مەن رۋحاني وركەنيەتتەن بىردەي قوماقتى ناتيجە جاراتىپ، وتان مەن حالىققا داڭق اپەردى. پارتيا ورتالىق كوميتەتى مەن مەملەكەتتىك كەڭەس سىزدەردى قىزۋ قۇتتىقتايدى جانە شىنايى حال سۇرايدى!

وسى كەزەكتى وليمپيادا سپورت جارىسىندا سىزدەر پارتيا مەن حالىقتىڭ تاپسىرماسىن باستان ـ اياق ەستە بەرىك ساقتاپ، جۇڭحۋا دەنە تاربيە رۋحى مەن وليمپيادا رۋحىن بارىنشا اسقاقتاتىپ، ءمورالدىڭ التىن مەدالىن، ستيلدىڭ التىن مەدالىن، كىرشىكسىزدىكتىڭ التىن مەدالىن الۋعا تاباندى بولىپ، اسقاق جىگەر، قايسار ستيل، ەرەن شەبەرلىك ارقىلى جۇڭگو دەنە تاربيەسىنىڭ قايراتتانا العا ۇمتىلۋىنىڭ شىت جاڭا داستانىن جازىپ، دەنە تاربيە شەبىنىڭ رەفورما جاساپ، جاڭالىق اشۋىنىڭ، ەرلىكپەن العا باسۋىنىڭ داۋىرلىك بەت ـ بەينەسىن ايگىلەدىڭىزدەر. سىزدەر ”اناعۇرلىم تەز، اناعۇرلىم جوعارى، اناعۇرلىم كۇشتى − اناعۇرلىم ىنتىماقتى“ دەگەن وليمپيادا ءتالىمىن بەلسەنە امالياتتا ايگىلەپ، دۇنيە جۇزىندەگى ءار ەلدىڭ، ءار رايوننىڭ سپورتشىلارىمەن ءادىل باسەكەلەسىپ، دوستىق اۋىس - كۇيىس جاساپ، شەبەرلىكتى ارتتىرىپ، دوستىقتى نىعايتىپ، دۇنيە جۇزىنە جۇڭگونىڭ كۇش - قۋاتى مەن جۇڭگونىڭ بەت - بەينەسىن ايگىلەپ، جۇڭگونىڭ ءۇنى مەن جۇڭگو رۋحىن تاراتتىڭىزدار. سىزدەردىڭ ۇزدىك ناتيجەلەرىڭىز بەن كورنەكتى بەينەلەرىڭىز ەل ءىشى - سىرتىنداعى جۇڭحۋا ۇلاندارىنىڭ وتانشىلدىق ىنتاسىن ونان ارى تاسقىنداتىپ، ۇلتتىق رۋحتى سەرپىلتىپ، ەكپىندەي ىلگەرىلەيتىن كۇش ۇيىستىردى.

سىزدەردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە پارتيا 20 ـ كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، دەنە تاربيەدە قۋاتتى ەل قۇرۋ نىساناسىن كوزدەپ، وتانعا داڭق اپەرۋ بورىشىن ەستە بەرىك ساقتاپ، باسەكەلىك سپورتتىڭ جاڭا شىڭىنا ۇزدىكسىز شىعىپ، بۇقارالىق سپورتتىڭ، جاستار مەن ورەندەر دەنە تاربيەسىنىڭ قارىشتاپ دامۋىنا جەتەكشىلىك ەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ ۇلەس قوسۋلارىڭىزدى ءۇمىت ەتەمىز.

وتان مەن حالىق سىزدەردىڭ جەڭىسپەن ورالۋلارىڭىزدى كۇتۋدە!

جۇڭگو كوممۋنيستىك پارتياسى ورتالىق كوميتەتى

مەملەكەتتىك كەڭەس

2024 – جىلى 8 – ايدىڭ 11 – كۇنى (شينحۋا اگەنتتىگى، 8 - ايدىڭ 11 – كۇنى، بەيجيڭ)

ەكپىندەي ىلگەرىلەۋدىڭ كۇش – قۋاتىن تاسقىنداتىپ، ءتىپتى دە زور داڭققا قول جەتكىزەيىك (باسماقالا)

_ جۇڭگو دەنە تاربيە ۋاكىلدەر ۇيىرمەسىنىڭ جەڭىسپەن ورالعانىن قىزۋ قارسى الامىز

جارىسقا قاتىناسۋ مىندەتىن تابىسپەن ورىنداعان ەلىمىزدىڭ دەنە تاربيە ساڭلاقتارى جەڭىسپەن ورالدى. 33 ـ كەزەكتى جازعى وليمپيادا سپورت جارىسىندا جۇڭگو دەنە تاربيە ۋاكىلدەر ۇيىرمەسى ەرلىكپەن شايقاس جاساپ، باتىلدىقپەن كۇرەس جۇرگىزىپ، ۇزدىك بولۋعا تالپىنىپ، تاعى دا تاماشا ناتيجە جاراتىپ، 40 التىن مەدال، 27 كۇمىس مەدال، 24 قولا مەدال الىپ، كۇرەس جۇرگىزۋ جانە تەر توگۋ ارقىلى وتان مەن حالىققا داڭق اپەردى.

باس شۋجي شي جينپيڭ بىلاي دەپ باسا دارىپتەدى: ”وتانعا داڭق اپەرۋ جىگەرى مەن باتىلدىعىن كۇشەيتىپ، قاجىرلىلىقتى ماڭداي الدى ورىنعا قويۋعا تاباندى بولىپ، باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، وليمپيادا جارىس الاڭىندا جاڭا داۋىردەگى جۇڭگو سپورتشىلارىنىڭ رۋحاني بەت ـ بەينەسى مەن باسەكەلىك دەڭگەيىن ايگىلەپ، باسەكەدە، ءمورالدا، ستيلدە ەڭ جاقسى سيلىق الۋعا كۇش سالۋ كەرەك“. وسى كەزەكتى وليمپيادا سپورت جارىسىندا ەلىمىزدىڭ دەنە تاربيە ساڭلاقتارى ۇلى وتاندى كوكەيدە ساقتاپ، پارتيا مەن حالىقتىڭ تاپسىرماسىن ەستە بەرىك ساقتاپ، جۇڭحۋا دەنە تاربيە رۋحى مەن وليمپيادا رۋحىن اسقاقتاتىپ، سپورت ناتيجەسى مەن رۋحاني وركەنيەتتەن بىردەي زور ناتيجە جاراتۋدى جۇزەگە اسىرىپ، بەس جۇلدىزدى قىزىل تۋدى وليمپيادا جارىس الاڭىندا اسقاق جەلبىرەتتى. ەلىمىزدىڭ دەنە تاربيە ۋاكىلدەر ۇيىرمەسى ۇزدىك ناتيجەگە قول جەتكىزىپ، جاڭا داۋىردەگى دەنە تاربيە ساڭلاقتارىنىڭ جىگەرىن، باتىلدىعىن، ەركىن تولىق ايگىلەپ، ءجۇز ميلليونداعان حالىقتىڭ وتانشىلدىق ىنتاسى مەن جۇڭحۋا ۇلاندارىنىڭ ۇلتتىق ماقتانىش سەزىمىن ونان ارى تاسقىنداتىپ، جاڭا جورىقتا زەيىن ـ زەردەنى، كۇش ـ قۋاتتى شوعىرلاندىرىپ، ىنتىماقتاسا كۇرەس جۇرگىزۋگە رۋحاني كۇش قوستى. كۇرەس ارماندى جۇزەگە اسىرادى، كۇرەس شۇعىلالى ناتيجە جاراتادى. وسى كەزەكتى وليمپيادا سپورت جارىسىندا جۇڭگو مالتاۋ كومانداسى تاريحي ناتيجە جاراتىپ، ەرلەردىڭ 100 مەترلىك ەركىن مالتاۋ دۇنيە جۇزىلىك رەكوردىن جاڭالاپ، ەرلەردىڭ 100 × 4 مەترلىك ارالاس مالتاۋ كۇش جالعاۋ جارىسىنىڭ اعا جۇلدەگەرى بولدى؛ جۇڭگو تور دوپ كومانداسىنىڭ سپورتشىلارى مىقتىلاردان تايسالماي، ازيا تاريحىنداعى وليمپيادا سپورت جارىسىنىڭ تۇڭعىش جەكەلەر تور دوپ التىن مەدالىن، جۇڭگو تور دوپ كومانداسىنىڭ وليمپيادا سپورت جارىسىنداعى تۇڭعىش ارالاس قوس كىسىلىك مەدالىن ەرلىكپەن جەڭىپ الدى؛ جۇڭگو مانەرلى مالتاۋ كومانداسى ىسىلعان ونەرمەن جانە كەمەلدى توپتىق سەلبەستىكپەن جۇڭگو كومانداسى تاريحىنداعى تۇڭعىش وليمپيادا سپورت جارىسىنىڭ مانەرلى مالتاۋ التىن مەدالىن ءساتتى الدى؛ جۇڭگو سۋعا سەكىرۋ كومانداسى شۇعىلالى تابىستارعا قول جەتكىزىپ، ايەلدەردىڭ 10 مەترلىك تەكشەسىندە ءۇرتىس 5 ـ رەت التىن مەدال الدى، وليمپيادا سپورت جارىسىندا ەرلەردىڭ قوس ادامدىق 3 مەترلىك تاقتايدان سەكىرۋىندە 5 - رەت التىن مەدال الدى... ابزالدىققا يە تۇرلەر جوعارى دەڭگەيدى ساقتاپ، نەگىزدىك ءىرى تۇرلەر مۇشكىل جاعدايدا قامال الدى، جاڭادان گۇلدەنگەن تۇرلەر، ارنايىلانعان تۇرلەر تىڭ ىلگەرىلەۋشىلىككە قول جەتكىزدى، بۇل ناتيجەلەر دەنە تاربيە ساڭلاقتارىنىڭ ەرلىكپەن العا ۇمتىلۋ جىگەرىنىڭ، وزىنەن اسىپ ءتۇسۋ باتىلدىعىنىڭ، باتىلدىقپەن شايقاس جاساپ، ءسوزسىز، جەڭىسكە جەتۋ ستيلىنىڭ ارقاسىندا جاراتىلىپ، ”ومىردە نەشە رەت سايىسا الامىز“ دەيتىن كۇرەس رۋحىن ايگىلەدى. جاڭا ءداۋىر، جاڭا جورىقتا ءبىز ”وتانعا داڭق اپەرۋ، قالتقىسىز ۇلەس قوسۋ، عىلمي شىندىققا جۇگىنۋ، تارتىپكە، زاڭعا بويسۇنۋ، ىنتىماقتاسا سەلبەسۋ، قايسارلىقپەن كۇرەسۋ“ باستى مازمۇن ەتىلگەن جۇڭحۋا دەنە تاربيە رۋحىنا مۇراگەرلىك ەتىپ جانە ونى ساۋلەلەندىرىپ، العان بەتىنەن قايتپايتىن ەكپىندەي ىلگەرىلەۋ كۇشىن تاسقىنداتىپ، پارتيا مەن مەملەكەت ىستەرىنىڭ دامۋىندا تىڭ تابىستارعا قول جەتكىزۋگە قۇلشىنۋىمىز كەرەك.

وليمپيادا سپورت جارىسى _ ىنتىماق پەن دوستىقتىڭ سيمۆولى، وركەنيەتتىڭ ءوزارا ۇلگى الۋىنىڭ جاۋھارى. مەيلى وليمپيادا سپورت جارىسىنا تالاي رەت قاتىناسقان ساقا ساردار بولسىن، الدە وليمپيادا ساحناسىنا جاڭا شىققان ءبىر توپ جاس سپورتشىلار بولسىن، كوپشىلىك جارىستا ارماندارىن كوكەيىندە ساقتاپ، بار كۇشىن سالىپ، جارىس الاڭىنان تۇسكەن سوڭ اشىق - جارقىن، شۋاقتى دا سەنىمدى بولىپ، دۇنيە جۇزىنە ءادىل باسەكە، ءوزارا قۇرمەت ەتۋ، ءوزارا شابىتتاندىرۋ قاسيەتىن ايگىلەپ، وزىنە سەنۋ، ءوزىن الۋەتتەندىرۋ، قىزۋ ىنتامەن ەسىك اشۋ، بەلسەنە العا باسۋ سىندى تاماشا رۋحاني بەت - بەينەنى ايگىلەدى، جاڭا داۋىردەگى جۇڭگونىڭ سەنىمدى، سۇيكىمدى، قادىرلى وبرازىن ايگىلەدى. دەنە تاربيە ارقىلى بەيبىتشىلىكتى جەبەپ، دەنە تاربيە ارقىلى ىنتىماقتى جەبەپ، دەنە تاربيە ارقىلى سيىسىمدىلىقتى جەبەدى، ەلىمىزدىڭ دەنە تاربيە ساڭلاقتارى دۇنيە جۇزىندەگى ءار ەلدىڭ، ءار رايوننىڭ سپورتشىلارىمەن بەس ساقينالى تۋ استىندا باس قوسىپ، ءبىر ساحنادا ونەر كورسەتىپ، ءوزارا اقىلداسىپ، اۋىس ـ كۇيىستى جەبەپ، دوستىقتى نىعايتىپ، ”اناعۇرلىم تەز، اناعۇرلىم جوعارى، اناعۇرلىم كۇشتى − اناعۇرلىم ىنتىماقتى“ دەگەن وليمپيادا ءتالىمىنىڭ تەرەڭ ءمانىن جاندى ءتۇسىندىردى.

دەنە تاربيە كۇشەيسە، مەملەكەت قۇدىرەتتەنەدى، مەملەكەت قۇدىرەتتەنسە، دەنە تاربيە كۇشەيەدى. باس شۋجي شي جينپيڭ بىلاي دەپ اتاپ كورسەتتى: ”دەنە تاربيەدە قۋاتتى ەل، سالاماتتى جۇڭگو قۇرۋدا، ەڭ ءتۇبىرلىسى، حالىقتىڭ دەنە قۋاتىن كۇشەيتۋ، حالىقتىڭ سالاماتتىعىن قامتاماسىز ەتۋ كەرەك. بۇل _ جاپپاي سوتسياليستىك وسىزاماندانعان مەملەكەت قۇرۋدىڭ ماڭىزدى ءبىر جاعى“. ەلىمىزدىڭ دەنە تاربيە ساڭلاقتارىنىڭ ۇزدىك بەينەسى ءجۇز ميلليونداعان حالىقتىڭ دەنە تاربيە ىنتاسىن ونان ارى قوزعادى. بولاشاقتى بەتكە العاندا، حالىقتىڭ دەنە قۋاتىن كۇشەيتۋدى، بۇكىل ۇلتتىڭ دەنە ساپاسى مەن تۇرمىس ساپاسىن جوعارىلاتۋدى نىسانا ەتۋگە تاباندى بولىپ، بۇقارالىق دەنە تاربيە مەن باسەكەلىك دەنە تاربيەنىڭ جاپپاي دامۋىن جەبەپ، ەلىمىزدىڭ باسەكەلىك دەنە تاربيەسىنىڭ جالپىلىق قۋاتى مەن حالىقارالىق باسەكەلىك قۋاتىن كۇشەيتۋ؛ حالىقتىڭ دەنە شىنىقتىرۋ قاجەتىن قاناعاتتاندىرۋدى، ادامنىڭ جان ـ جاقتى دامۋىن جەبەۋدى دەنە تاربيە قىزمەتىنىڭ شىعار ءتۇيىنى جانە تابان تىرەر تياناعى ەتىپ، دەنە تاربيە، دەنە شىنىقتىرۋدى حالىقتىڭ سالاماتتىعىمەن ۇشتاستىرىپ، جالپى حالىقتىق دەنە شىنىقتىرۋ قيمىلىن كەڭ كولەمدە ورىستەتۋ؛ دەنە تاربيە رەفورماسىندا جاڭالىق اشۋدى ۇزدىكسىز ىلگەرىلەتىپ، جالپى حالىقتىق دەنە شىنىقتىرۋعا الەۋمەتتىك قىزمەت وتەۋ جۇيەسىن كەمەلدەندىرىپ، باسەكەلىك سپورتتى باسقارۋ ءتۇزىلىسى مەن اينالىم مەحانيزمىن رەفورمالاپ جانە كەمەلدەندىرىپ، دەنە تاربيە ىستەرىنىڭ دامۋىندا ۇزدىكسىز جاڭا جاعداي اشۋ كەرەك.

دەنە تاربيە _ قوعامنىڭ دامۋى مەن ادامزاتتىڭ العا باسۋىنىڭ ماڭىزدى بەلگىسى، مەملەكەتتىڭ جالپىلىق قۋاتى مەن مەملەكەتتىڭ جۇمساق كۇشىنىڭ ماڭىزدى بەينەسى. ءبىز باسەكەلىك دەنە تاربيە ارقىلى بۇقارالىق دەنە تاربيە مەن جالپى حالىقتىق دەنە شىنىقتىرۋعا جەتەكشىلىك ەتىپ، دەنە تاربيەدە قۋاتتى ەل قۇرۋ اياق الىسىن جەدەلدەتۋىمىز كەرەك. جاڭا جورىقتا شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە پارتيا 20 ـ كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جۇڭحۋا دەنە تاربيە رۋحىن بارىنشا اسقاقتاتىپ، ءبىر نيەتپەن ىنتىماقتاسىپ، قايسارلىقپەن كۇرەس جۇرگىزىپ، قايراتتانا العا ۇمتىلىپ، وتانعا داڭق اپەرسەك، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن، ءسوز جوق، جاپپاي ىلگەرىلەتۋگە اناعۇرلىم زور ۇلەس قوسىپ، اناعۇرلىم زور داڭققا قول جەتكىزە الامىز.

كەلۋ قاينارى: حالىق تورابى