شونجى جانبۇلاق اۋەجايىندا ۇشاق قاتىنادى

شينحۋا اگەنتتىگىنىڭ 8 ـ ايدىڭ 8 ـ كۇنى ۇرىمجىدەن بەرگەن حابارى. 8 - ايدىڭ 8 ـ كۇنى شينجياڭ سانجى حۇيزۋ اۆتونوميالى وبلىسى شونجى اۋدانىنا ورنالاسقان شونجى جانبۇلاق اۋەجايىندا رەسمي ۇشاق قاتىناپ، شينجياڭداعى حالىقتىق اۋەجايدىڭ سانى 26 عا جەتتى. شونجى جانبۇلاق اۋەجايى شونجى اۋدانىنىڭ شيبەيۋان قالاشىعىنا ورنالاسقان، اۋدان قالاشىعىنان 15.7 كيلومەتر قاشىقتىقتا، جىلدىق جولاۋشى قابىلداۋ ـ جونەلتۋ مولشەرى 470 مىڭ ادام ـ رەت بولۋ قاجەتىن قاناعاتتاندىرادى.

شونجى اۋداندىق مادەنيەت ـ ساياحات مەكەمەسى پارتگرۋپپاسىنىڭ شۋجيى جوۋ ياشۇي مىنانى ءبىلدىردى: شونجى اۋدانىنىڭ كەلبەتى ءشول دالا، قۇبا ءتۇز، جاسىل القاپ، قارلى تاۋ، جاسىل جايلاۋ سياقتى جاراتىلىستىق كورىنىستەردى ءبىر تۇلعالاندىرعان، ساياحاتتايتىن، تاماشالايتىن تاماشا جەر. ۇشاق قاتىناعاننان كەيىن، شونجى ەل ىشىندەگى اناعۇرلىم كوپ قالانى تۇتاستىرىپ، ساياحاتشىلاردى ”قوس باعىتتا جۇرۋگە“ باستاپ، جەرگىلىكتى ورىننىڭ ەكونوميكالىق دامۋىنا كۇش ۇستەيدى.

قازىر شونجى جانبۇلاق اۋەجايىندا شينجياڭنىڭ سىرتىنا قاتىنايتىن 2 اۋە لەنياسى جانە شينجياڭنىڭ ىشىنە قاتىنايتىن 4 اۋە لەنياسى اشىلدى. شينجياڭ سىرتىنا قاتىنايتىن اۋە لەنيالارى: شونجى - لانجوۋ - چىڭدۋ، شونجى - جىڭجوۋ - فۋجوۋ؛ شينجياڭ ىشىندەگى اۋە لەنيالارى: شونجى - اقسۋ، شونجى - كورلا، شونجى - قاشقار، شونجى - قۇلجا.

شينجياڭ اۋەجاي توبىنىڭ تانىستىرۋىنشا، وسىزاماندانعان اۋەجاي توراپ جۇيەسىن ورناتۋدى كوزدە ۇستاپ، ”14 – بەسجىلدىقتىڭ“ سوڭىنا بارعاندا، شينجياڭداعى حالىقتىق اۋەجايلاردىڭ سانىن 33 كە جەتكىزۋگە قۇلشىنادى.

كەلۋ قاينارى: حالىق تورابى