سىرتقى ىستەر مينيسترلىگى: يزرايلدىڭ اسكەري ارەكەتىنەن بولعان گازا وڭىرىندەگى قىرۋار جاي بۇقارانىڭ جارالانۋىنا، ولۋىنە قاتتى نازار اۋداراتىندىعىن ءبىلدىردى

شينحۋا اگەنتتىگىنىڭ 8 – ايدىڭ 12 – كۇنى بەيجيڭنەن بەرگەن حابارى: سىرتقى ىستەر مينيسترلىگىنىڭ مالىمدەمەشىسى لين جيان 8 – ايدىڭ 12 - كۇنى تىلشىلەردىڭ سۇراعىنا جاۋاپ بەرگەندە بىلاي دەدى: جۇڭگو يزرايلدىڭ قاتىستى اسكەري ارەكەتى سەبەبىنەن گازا وڭىرىندەگى بولعان قىرۋار جاي حالىقتىڭ ءولىم - جىتىمىنە قاتتى نازار اۋدارىپ، يزرايلدى سوعىستى دەرەۋ توقتاتۋعا قاتاڭ ۇندەيدى.

پالەستين يسلام قارسىلىق كورسەتۋ قوزعالىسى (حاماس) اقپارات قۇرالدارى كەڭسەسى كەشە مالىمدەمە جاريالاپ، يزرايل ارمياسى سول كۇنى تاڭەرتەڭ كازاداعى ءبىر مەكتەپتى بومبىلاپ، 100 دەن ارتىق ادامدى ءولتىرىپ، نەشە ونداعان ادامدى جارالادى دەدى.

لين جيان بىلاي دەدى: ”ءبىز جاي حالىقتى زاقىمدايتىن ءارقانداي ارەكەتتى ايىپتايمىز، حالىقارالىق ادامگەرشىلىك زاڭىنا قايشى ءارقانداي ارەكەتكە قارسى تۇرامىز، يزرايلدى حالىقارالىق قوعامنىڭ ۇنىنە مۇقيات قۇلاق اسىپ، سوعىستى دەرەۋ توقتاتىپ، جاي حالىقتى بار كۇشپەن قورعاپ، وڭىرلىك شۇعىل جاعدايدىڭ ونان ارى ۋشىعۋىنان ساقتانۋعا قاتاڭ ۇندەيمىز.“

ول بىلاي دەدى: حالىقارالىق قوعام كازاداعى ادامگەرشىلىك اپاتىن باسەڭدەتۋ، اقىرلاستىرۋ ءۇشىن ءتىپتى دە كوپ تىرىسشاڭدىق كورسەتۋى كەرەك.

كەلۋ قاينارى: حالىق تورابى