جوعارى قارقىندى تاس جولدىڭ شىعار اۋزىنا تاياعان كەزدە نەمەسە ودان ءوتىپ كەتكەن سوڭ باعىتتى شۇعىل وزگەرتۋگە، اۆتوموبيلدى توقتاتۋعا، شەگىندىرۋگە بولمايدى 

حالىق تورابىنىڭ ءتىلشىسى لياڭ چيۋپيڭ، حاۋ پيڭ 8 – ايدىڭ 9 – كۇنى بەيجيڭنەن حابارلايدى. جوعارى قارقىندى تاس جولدىڭ كىرەر اۋىزى مەن شىعار اۋىزىندا قاتىناۋ شارت – جاعدايى كۇردەلى بولاتىندىقتان، اۆتوموبيلدىڭ باعىتىن وزگەرتۋ جاعدايى ءجيى تۋىلادى، اۆتوموبيلدىڭ قارقىنىنداعى پارىق زور بولادى، وتە – موتە، شىعار اۋىزعا ابدەن جاقىنداعاندا باعىتتى شۇعىل وزگەرتۋ نەمەسە شىعار اۋىزدان ءوتىپ كەتكەن سوڭ اۆتوموبيلدى شۇعىل توقتاتۋ، شەگىندىرۋ ارەكەتتەرىنىڭ بارلىعى اۆتوموبيلدىڭ سوعىلىسۋى سىندى شىرعالاڭدى وڭاي تۋدىرادى.

جۋىردا جياڭسۋ، حىنان، تيانجين قاتارلى جەرلەردە جوعارى قارقىندى تاس جولدىڭ كىرەر اۋىزى مەن شىعار اۋىزىندا ءبىرشاما اۋىر قاتىناس شىرعالاڭى ىركەس – تىركەس تۋىلدى. قوعام حاۋىپسىزدىگى مينيسترلىگىنىڭ قاتىناستى باسقارۋ مەكەمەسى جەر – جەردەگى قوعام حاۋىپسىزدىگى ورگاندارىنىڭ قاتىناستى باسقارۋ تاراۋلارىنىڭ قاتىستى تاراۋلارمەن بىرگە جوعارى قارقىندى تاس جولدىڭ كىرەر اۋىزى مەن شىعار اۋىزىندا قاتىناس شىرعالاڭى تۋىلۋى مۇمكىن حاۋىپ – قاتەرلەرگە شوعىرلى تۇردە ءبىر – بىرلەپ تەكسەرۋ جۇرگىزۋ جانە ونى جونگە سالۋ قىزمەتىن ورىستەتۋى جونىندە ورنالاستىرۋ جاساپ، كىرەر اۋىز بەن شىعار اۋىزدا تۋىلعان قاتىناس شىرعالاڭدارى بارىسىندا بايقالعان ماسەلەلەرمەن ۇشتاستىرا وتىرىپ، قاتىناس حاۋىپسىزدىگىنە قاتىستى نەگىزدىك قۇرىلعىلار جاعىندا ساقتالعان ولقىلىقتار مەن جەتەرسىزدىكتەردى جاپپاي ءبىر – بىرلەپ تەكسەرەدى ءارى جونگە سالادى، اۆتوموبيلدى زاڭعا قايشى شەگىندىرۋ، زاڭعا قايشى توقتاتۋ، باعىتتى زاڭعا قايشى وزگەرتۋ ارەكەتتەرىن قاتاڭ تەكسەرىپ انىقتاپ، باعىتتامالى تۇردە ۇگىتتەۋ، ەسكەرتۋ بەرۋ، تاربيە بەرۋ قىزمەتىن كۇشەيتىپ، جوعارى قارقىندى تاس جولدىڭ كىرەر اۋىزى مەن شىعار اۋىزىنداعى قاتىناس حاۋىپسىزدىگىنە ساياتىن حاۋىپ – قاتەرلەردەن شىنايى ساقتانىپ، اۋىر دارەجەدەگى ادامدار توبىمەن قازا بولۋ جانە جارالانۋ شىرعالاڭىنىڭ تۋىلۋىنان قاتاڭ ساقتانادى.

قوعام حاۋىپسىزدىگى مينيسترلىگىنىڭ قاتىناستى باسقارۋ مەكەمەسى مىنانى ەسكەرتەدى: جوعارى قارقىندى تاس جولدا اۆتوموبيل جۇرگىزگەن كەزدە، جۇرەتىن جولدى الدىن الا جوسپارلاۋ، جول بويىنداعى كىرەر اۋىز بەن شىعار اۋىزدى جانە قىزمەت وتەۋ رايوندارىنىڭ ورنىن ءبىلىپ الۋ، جول بويىنداعى بەلگىلەر مەن جولجەتەك ينفورماتسياسىنا نازار اۋدارۋ كەرەك. جوعارى قارقىندى تاس جولدىڭ كىرەر اۋىزى مەن شىعار اۋىزىنداعى جول بولىگىنە كەلگەندە، قىراعىلىقتى بارىنشا ارتتىرىپ، الدىڭعى جاقتاعى اۆتوموبيلدەردىڭ جاعدايىن مۇقيات باقىلاپ، اۆتوموبيل اراسىندا حاۋىپسىز ارالىق ساقتاۋ كەرەك. جوعارى قارقىندى تاس جولدا اۆتوموبيل جۇرگىزگەندە، باعىتتى الدىن الا مولشەرلەۋ كەرەك، شىعار اۋىزعا ابدەن تاياعاندا باعىتتى شۇعىل وزگەرتۋگە بولمايدى، شىعار اۋىزدان ءوتىپ كەتكەن جاعدايدا، اۆتوموبيلدى شۇعىل توقتاتۋعا، شەگىندىرۋگە بولمايدى، كەلەسى شىعار اۋىزدان شىعۋ كەرەك. جوعارى قارقىندى تاس جولدىڭ نەگىزگى جەلىسىنە قوسىلاتىن كەزدە، اۆتوموبيل قارقىنىن الدىن الا حاۋىپسىز جىلدامدىققا جوعارىلاتىپ، الدىڭعى جاق پەن ارتقى جاقتاعى جاعدايدىڭ حاۋىپسىزدىگىن تۇراقتاندىرعان سوڭ بارىپ، نەگىزگى جول جەلىسىنە قوسىلۋ قاجەت.

كەلۋ قاينارى: حالىق تورابى