سىرتقى ىستەر مينيسترلىگى: جاپونيانىڭ ءىشىنارا ساياساتشىلارى ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەرگە قاتە سيگنال بەرۋدى توقتاتۋى كەرەك

شينحۋا اگەنتتىگىنىڭ 8 – ايدىڭ 14 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى لين جيان 8 – ايدىڭ 14 – كۇنى بىلاي دەدى: جاپونيانىڭ ءىشىنارا ساياساتشىلارى تاريحي ساباقتاردى ەستە بەرىك ساقتاپ، دۇنيە جۇزىندە ءبىر عانا جۇڭگو بار، تايۋان جۇڭگونىڭ ءبىر بولەگى دەگەن شىندىقتى جىعا تانىپ، ءبىر جۇڭگو پرينسيبى مەن جۇڭگو مەن جاپونيانىڭ 4 ساياسي قۇجاتىنىڭ رۋحىنا بويسۇنىپ، ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەرگە قاتە سيگنال بەرۋدى توقتاتۋى كەرەك.

ءبىر ءتىلشى بىلاي دەپ سۇرادى: حابارعا قاراعاندا، تاياۋدا جاپونيا ەركىن دەموكراتتار پارتياسىنىڭ بۇرىنعى باس القاسى، قاۋىم پالاتاسىنىڭ مۇشەسى شى شياۋماۋ قاتارلى جاپونيا پارلامەنت مۇشەلەرى تايۋانعا ساپارلاي بارعان ءارى تايۋان رايونىنىڭ باسشىسى لاي چيڭدى قاتارلىلارمەن كەزدەسكەن. بۇعان جۇڭگو جاق قانداي باعا بەرەدى؟

لين جيان بىلاي دەدى: دۇنيە جۇزىندە ءبىرعانا جۇڭگو بار، تايۋان جۇڭگو تەرريتورياسىنىڭ ايرىلماس ءبىر بولەگى، جۇڭگو جاق ديپلوماتيالىق قاتىناس ورناتقان ەلدەردىڭ تايۋانمەن ءارقانداي فورماداعى ۇكىمەتتىك بارىس - كەلىس جاساۋىنا باتىل قارسى تۇرادى، بۇل جونىندە جاپونيا جاقپەن قاتاڭ تىلدەستى.

”تايۋان ماسەلەسى — جۇڭگونىڭ وزەكتى مۇددەسىنىڭ وزەگى، جۇڭگو - جاپونيا قاتىناسىنىڭ ساياسي نەگىزىنە ساياتىن، اتتاپ وتۋگە بولمايتىن قىزىل سىزىق.“ لين جيان بىلاي دەدى: جاپونيانىڭ تايۋانداعى وتارلىق ۇستەمدىگى جارىم عاسىرعا جالعاسىپ، قىرۋار قىلمىس وتكىزىپ، جۇڭگو حالقى جونىنەن اۋىر تاريحي قىلمىس وتكىزدى. جاپونيانىڭ ءىشىنارا ساياساتشىلارى تاريحي ساباقتاردى ەستە بەرىك ساقتاپ، دۇنيە جۇزىندە ءبىر عانا جۇڭگو بار، تايۋان جۇڭگونىڭ ءبىر بولەگى دەگەن شىندىقتى جىعا تانىپ، ءبىر جۇڭگو پرينسيبى مەن جۇڭگو مەن جاپونيانىڭ 4 ساياسي قۇجاتىنىڭ رۋحىنا بويسۇنىپ، ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەرگە قاتە سيگنال بەرۋدى توقتاتۋى كەرەك.

”دەموكراتيالىق العاباسارلىق پارتياسىنىڭ بيلەۋشىلەرى 'تايۋاندى دەربەستەندىرۋ' سىندى بولشەكتەۋ مايدانىندا توڭمويىندىقپەن قاسارىسىپ، سىرتقى كۇشتەرمەن استاسىپ 'شەتەلگە سۇيەنىپ دەربەستەندىرۋدى' كوزدەپ وتىر، بۇل ءسوز جوق جەڭىلىسپەن تىنادى.“ دەدى لين جيان.

كەلۋ قاينارى: حالىق تورابى