مەملەكەتتىك 13 - كەزەكتى حالىق قۇرىلتايى قازىنا - ەكونوميكا كوميتەتىنىڭ بۇرىنعى ورىنباسار مەڭگەرۋشى مۇشەسى، گۇيجوۋ ولكەلىك پارتكومنىڭ بۇرىنعى شۋجيى سۇن جىگاڭنىڭ پارا الۋ دەلوسىنا ءبىرىنشى سوت اشىلدى

شينحۋا اگەنتتىگىنىڭ 8 ـ ايدىڭ 14 ـ كۇنى تيانجيننەن بەرگەن حابارى: 8 ـ ايدىڭ 14 ـ كۇنى تيانجين قالالىق 2 ـ ورتا دارەجەلى حالىق سوت مەكەمەسى 13 ـ كەزەكتى مەملەكەتتىك حالىق قۇرىلتايى قازىنا ـ ەكونوميكا كوميتەتىنىڭ بۇرىنعى ورىنباسار مەڭگەرۋشى مۇشەسى، گۇيجوۋ ولكەلىك پارتكومنىڭ بۇرىنعى شۋجيى سۇن جىگاڭنىڭ پارا الۋ دەلوسىنا ءبىرىنشى سوتتا اشىق سوت اشتى. 2002 - جىلدىڭ سوڭعى جارىمىنان 2023 – جىلى 8 – ايعا دەيىن ايىپكەر سۇن جىگاڭ حۋبەي ولكەلىك پارتكومنىڭ تۇراقتى مۇشەسى، باس حاتشىسى، انحۇي ولكەلىك پارتكومنىڭ تۇراقتى مۇشەسى، ورىنباسار ولكە باستىعى، مەملەكەتتىك دامۋ جانە رەفورما كوميتەتى پارتگرۋپپاسىنىڭ مۇشەسى، ورىنباسار مەڭگەرۋشىسى، گۇيجوۋ ولكەلىك پارتكومنىڭ ورىنباسار شۋجيى، ولكە باستىعى، گۇيجوۋ ولكەلىك پارتكومنىڭ شۋجيى، گۇيجوۋ ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى، مەملەكەتتىك 13 - كەزەكتى حالىق قۇرىلتايى قازىنا - ەكونوميكا كوميتەتىنىڭ ورىنباسار مەڭگەرۋشى مۇشەسى قاتارلى قىزمەتتەردەگى ىستەگەن كەزىندە، قىزمەت جاعىنداعى قولايلىلىقتار، سونداي - اق قىزمەت ۇقىعى، ورنى قالىپتاستىرعان قولايلى شارت – جاعدايدان پايدالانىپ، قاتىستى ورىندار مەن جەكەلەردىڭ نىسانداردى ىلگەرىلەتۋ، جارنا ساتىپ الۋ، قۇرىلىس كوتەرىپ الۋ، قورا - جاي اشۋ سياقتى ىستەرىنە كومەكتەسىپ، جوعارىدا ايتىلعان ورىندار مەن جەكەلەردىڭ بەرگەن مال - مۇلكىن تىكەلەي نەمەسە باسقالار ارقىلى زاڭسىز قابىلداعان، جالپى قۇنى 813 ميلليون يۋاننان اسقان. پروكۋراتۋرا ورگاندارى پارا الۋ قىلمىسى بويىنشا سۇن جىگاڭنىڭ قىلمىستىق ىستەر جاۋاپكەرشىلىگىن قۋزاستىرۋدى ۇسىنىس ەتتى.

سوتتا پروكۋراتۋرا ورگاندارى قاتىستى دالەل - سىپاتتاردى كورسەتتى، ايىپكەر سۇن جىگاڭ مەن ونىڭ اقتاۋشىسى فاكت كورسەتتى، شاعىم ايتۋشى مەن اقتاۋشى سوتتىڭ باسقارۋىندا تولىق پىكىر ايتىستى، سۇن جىگاڭ سوڭعى ءسوزىن سويلەدى ءارى سوتتا قىلمىسىن تانىپ، وكىنەتىندىگىن ءبىلدىردى.

ەڭ سوڭىندا سوت ءۇزىلىس جاساعاندىعىن، ۇكىمدى كەيىن شىعاراتىندىعىن جاريالايدى.

حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن، اقپارات تىلشىلەرىنەن جانە ءار سالاداعى بۇقارادان 20 نەشە ادام سوت تەرگەۋىن سىرتتاي تىڭدادى.

كەلۋ قاينارى: حالىق تورابى