شينجياڭ جوعارى تەمپەراتۋرادان ساقتانۋدىڭ سارى ءتۇستى ساقتىق سيگنالىن جاريالادى

جۇڭگو اۋا رايى تورابىنىڭ ساقتاندىرۋ ينفورماتسياسىنا نەگىزدەلگەندە، 8 – ايدىڭ 14 - كۇنى ساعات 10نان 15 مينۋت وتكەندە، شينجياڭ اۋا رايى ستانسياسى جوعارى تەمپەراتۋرادان ساقتانۋدىڭ سارى ءتۇستى ساقتىق سيگنالىن جاريالادى. مەجەمەن 8 – ايدىڭ 14 – كۇنى كۇندىزدەن 18 – كۇنى كۇندىزگە دەيىن، بۇكىل شينجياڭنىڭ جازىق رايوندارىنىڭ باسىم كوپ بولەگىندە ىلگەرىندى – كەيىندى 35 سەلتسي گرادۋستان جوعارى ىستىق بولادى، مۇنىڭ ىشىندە ىلە وزەنى اڭعارىنىڭ باتىس بولەگى، التاي ايماعىنىڭ وڭتۇستىك بولەگى، تيانشاننىڭ سولتۇستىك بەتكەيى، وڭتۇستىك شينجياڭ ويپاتى، شىعىس شينجياڭنىڭ ەڭ جوعارى تەمپەراتۋراسى 37 سەلتسي گرادۋستان جوعارى بولادى، بۇراتالا وبلىسىنىڭ شىعىس بولەگى، تارباعاتاي ايماعىنىڭ وڭتۇستىك بولەگى، قارامايلى قالاسى، شىحىزى قالاسى، سانجى وبلىسى، ءۇرىمجى قالاسىنىڭ سولتۇستىك بولەگى، بايىنعولين وبلىسى، تۇرپان قالاسى، قۇمىل قالاسىنىڭ ءىشىنارا وڭىرلەرىندە ەڭ جوعارى تەمپەراتۋرا 40 سەلتسي گرادۋستان اسادى، تۇرپان قالاسىنىڭ ءىشىنارا جەرلەرىندە 45 سەلتسي گرادۋستان اسادى. ىستىقتان ساقتانىپ، تەمپەراتۋرانى تومەندەتۋگە جانە وتتان حاۋىپسىز پايدالانۋعا كوڭىل ءبولىپ، تاۋلى وڭىرلەردىڭ ءىشىنارا جەرلەرىندە قار ەرۋدەن بولاتىن تاسقىن اپاتىنان ساقتانۋدى كۇشەيتۋ كەرەك.

مۇنان سىرت، تۇرپان قالالىق اۋا رايى ستانسياسى جاريالاعان جوعارى تەمپەراتۋرادان ساقتانۋدىڭ قىزعىلت سارى ءتۇستى ساقتىق سيگنالىنا نەگىزدەلگەندە، مەجەمەن 8 - ايدىڭ 14 - كۇنىنەن 19 - كۇنىنە دەيىن گاۋچاڭ رايونىنىڭ، توقسۇن اۋدانىنىڭ جانە ءپىشان اۋدانىنىڭ ءىشىنارا اۋىل – قالاشىقتارىندا 40 سەلتسي گرادۋستان جوعارى ىستىق بولادى.

سانجى وبلىستىق اۋا رايى ستانسياسى جاريالاعان جوعارى تەمپەراتۋرادان ساقتانۋدىڭ سارى ءتۇستى ساقتىق سيگنالىنا نەگىزدەلگەندە، مەجەمەن 8 – ايدىڭ 15 – كۇنىنەن 18 - كۇنىنە دەيىن ماناس اۋدانىنان شونجى اۋدانىنىڭ جازىعىنا دەيىنگى باسىم كوپ ساندى جەرلەردە جانە موري اۋدانىنىڭ سولتۇستىگىندە ىلگەرىندى – كەيىندى 35 سەلتسي گرادۋستان جوعارى ىستىق بولادى، جوعارىداعى رايونداردىڭ ءىشىنارا وڭىرلەرىندە ەڭ جوعارى اۋا تەمپەراتۋراسى 37 سەلتسي گرادۋستان اسادى.

جوعارى قىسىمنىڭ مەڭگەرۋىندە، ۇرىمجىدە 8 – ايدىڭ 16 – كۇنىنەن 17 - كۇنىنە دەيىن ۇدايى جوعارى تەمپەراتۋرا بولادى. مۇنىڭ ىشىندە ميدۇڭ رايونىندا جوعارى تەمپەراتۋرالى اۋا رايى 3 كۇنگە جالعاسادى، مەجەمەن 8 – ايدىڭ 18 – كۇنى اۋا تەمپەراتۋراسى 43 سەلتسي گرادۋسقا شىعادى.

اۋا رايى تاراۋلارى مىنانى ەسكەرتتى: تيانشاننىڭ سولتۇستىك بەتكەيى، وڭتۇستىك شينجياڭ ويپاتى، شىعىس شينجياڭ قاتارلى جەرلەردىڭ ءورت قاتەرى اۋا رايى دارەجەسى ءۇرتىس جوعارىلايدى، ىستىقتان ساقتانۋ، تەمپەراتۋرانى تومەندەتۋ جانە وتتان پايدالانۋ حاۋىپسىزدىگىنە كوڭىل ءبولۋ، سونداي ـ اق تاۋلى وڭىردەگى ءىشىنارا جەرلەردە قار ەرىپ تاسقىن جۇرۋدەن، سونداي ـ اق جوعارى تەمپەراتۋرالى اۋا رايىنىڭ اۋىل شارۋاشىلىعىنا، جەمىس ـ جيدەك شارۋاشىلىعىنا، قالانىڭ اينالىمىنا ءتيىمسىز ىقپال جاساۋىنان ساقتانۋ كەرەك.

كەلۋ قاينارى: حالىق تورابى