وسى اپتادا سولتۇستىك شينجياڭنىڭ باسىم كوپ وڭىرىندە كوپتەن بەرى بولماعان سالقىن اۋا رايى بولادى

8 - ايدىڭ 19 – كۇنى، ءبىر رەتكى جاۋىن - شاشىن سولتۇستىك شينجياڭنىڭ باسىم كوپ وڭىرىنە ۇزاق ۋاقىتتان بەرى بولماعان سالقىن اۋا رايىن سيلادى. وسى رەتكى جاۋىن ـ شاشىنعا ىلەسە، 8 – ايدىڭ 19 – كۇنى، 20 – كۇنى، سولتۇستىك شينجياڭنىڭ باسىم كوپ بولەگىنىڭ تەمپەراتۋراسى سالىستىرمالى تۇردە ءبىرشاما تومەن بولادى، ىلە ـ شالا اۋا تەمپەراتۋراسى بىرتىندەپ جوعارىلاپ، ءبىرشاما جانعا جايلى بولادى. اپتا سوڭىندا تەمپەراتۋرا 30 سەلتسي گرادۋستان اسادى. ال، وڭتۇستىك شينجياڭداعى ويپاتتار مەن شىعىس شينجياڭنىڭ ءىشىنارا وڭىرلەرىندە وسى اپتادا ءالى دە 35 سەلتسي گرادۋستان اساتىن ىستىق بولادى، ءىشىنارا جەرلەردە 37 سەلتسي گرادۋسقا شىعادى.

الدىن الا مالىمەتتە كورسەتىلۋىنشە، وسى اپتادا (8 ـ ايدىڭ 19 ـ كۇنىنەن 25 ـ كۇنىنە دەيىن) وڭتۇستىك، سولتۇستىك شينجياڭنىڭ باتىس بولەگىندە كوپ رەت وتكىنشى بوران ـ شاشىندى اۋا رايى بولادى. 8 - ايدىڭ 19 - كۇنى كۇندىزدەن 20 - كۇنى تۇنگە دەيىن سولتۇستىك شينجياڭنىڭ باسىم كوپ بولىگى مەن وڭتۇستىك شينجياڭنىڭ تاۋلى وڭىرلەرىندە سەبەزگى جاڭبىر (بيىك تاۋلى وڭىرلەردە قار جاۋادى) جاۋادى، مۇنىڭ ىشىندە ىلە وزەنى اڭعارىنىڭ وڭتۇستىك بولەگى، شىعىس بولەگى، بۇراتالا موڭعۇل اۆتونوميالى وبلىسىنىڭ باتىس بولىگىندەگى تاۋلى وڭىرلەر، تارباعاتاي ايماعىنىڭ وڭتۇستىگىندەگى تاۋلى وڭىرلەر، التاي ايماعىنىڭ شىعىس بولەگى، شىحىزى قالاسى، ءۇرىمجى قالاسى، سانجى حۇيزۋ اۆتونوميالى وبلىسى، وڭتۇستىك شينجياڭنىڭ باتىس تاۋلى ءوڭىرى، اقسۋ ايماعىنىڭ تاۋلى ءوڭىرى، بايىنعولين موڭعۇل اۆتونوميالى وبلىسىنىڭ سولتۇستىگىندەگى تاۋلى وڭىرلەر، كۇنلۇن تاۋىنىڭ سولتۇستىك بەتكەيى قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ جاڭبىر جاۋادى، ىلە وزەنى اڭعارىنىڭ وڭتۇستىك بولەگىندەگى تاۋلى وڭىرلەر، سانجى وبلىسىنىڭ تاۋلى وڭىرلەرى، اقسۋ ايماعىنىڭ سولتۇستىگىندەگى تاۋلى وڭىرلەرى، بايىنعولين وبلىسىنىڭ سولتۇستىگىندەگى تاۋلى وڭىرلەر قاتارلى جەرلەردىڭ ءىشىنارا جەرلەرىندە نوسەر جاۋدى.

جوعارىدا ايتىلعان كوپ ءبولىم وڭىرلەردە ىلگەرىندى – كەيىندى باتىس سولتۇستىكتەن 6 بال بوران سوعادى، جەل وتىندە جەل كۇشى 10 دا 11 بالعا جەتەدى، مەزەتتىك وتكىنشى جەل كۇشى 12 بالعا جەتەدى، وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 6 بال بوران سوعادى، ءىشىنارا وڭىرلەردە قۇمدى بوران نەمەسە قۇمدى داۋىل سوعادى.

8 - ايدىڭ 21 - كۇنىنەن 24 - كۇنىنە دەيىن ىلە وزەنى اڭعارىنىڭ شىعىس بولەگى، تيانشاننىڭ سولتۇستىك بەتكەيى، وڭتۇستىك شينجياڭنىڭ باتىس بولەگى، بايىنعولين وبلىسىنىڭ تاۋلى ءوڭىرى قاتارلى جەرلەردە ۇزدىك - سوزدىق جاۋىن - شاشىن بولادى، تاۋلى وڭىرلەردىڭ ءىشىنارا جەرلەرىندە نوسەر جاۋادى. جوعارىدا ايتىلعان وڭىرلەردە باتىس سولتۇستىكتەن 5 بال جەل سوعادى، جەل وتتەرىندەگى جەل كۇشى 8 دە 9 بالعا جەتەدى، وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 5 بال جەل سوعادى، ءىشىنارا جەرلەردە قىسقا ۋاقىت قۇمدى بوران سوعادى نەمەسە قۇمدى داۋىل سوعادى.

شينجياڭ اۋا رايى ستانسياسى وسى اپتادا وڭتۇستىك، سولتۇستىك شينجياڭنىڭ باتىس بولىگىندەگى تاۋلى وڭىرلەردىڭ ءىشىنارا جەرلەرىندە كۇشتى كونۆەكسيالىق اۋا رايى، نوسەر، سەل جانە جەر كوشكىنى، لاي تاسقىنى سياقتى گەولوگيالىق اپاتتاردىڭ ءتيىمسىز ىقپالىنان ءتۇيىندى تۇردە ساقتانۋدى ەسكەرتتى.

كەلۋ قاينارى: حالىق تورابى