شەكارا اتتاعان تەلەگراف، توراپ الدامكوستىگى قىلمىس كۇماندىسىنان 307 ادامدى ەلىمىزگە تاپسىرىپ بەردى

شينحۋا اگەنتتىگىنىڭ 8 – ايدىڭ 21 – كۇنى بەيجيڭنەن بەرگەن حابارى. ءتىلشىنىڭ 8 - ايدىڭ 21 - كۇنى قوعام حاۋىپسىزدىگى مينيسترلىگىنەن ۇعىسۋىنشا، تاياۋدا قوعام حاۋىپسىزدىگى مينيسترلىگى يۇننان ولكەسىنىڭ قوعام حاۋىپسىزدىگى ورگاندارىن بيرمانىڭ قاتىستى جەرگىلىكتى زاڭ اتقارۋ تاراۋلارىمەن شەكارا ساقشى ىستەرى بويىنشا زاڭ اتقارۋ سەلبەستىگىن ورىستەتۋگە ورنالاستىرىپ، شەكارا اتتاعان تەلەگراف، توراپ الدامكوستىگىمەن شۇعىلدانعان 307 جۇڭگولىق قىلمىس كۇماندىسىن ءساتتى قولعا ءتۇسىردى، مۇنىڭ ىشىندە توراپتاعى قاشىپ جۇرگەن 20 ادام بار. قازىر بارلىق كۇماندى ادامدار بىزگە وتكىزىپ بەرىلدى.

بىلتىردان بەرى قوعام حاۋىپسىزدىگى مينيسترلىگى زاڭ اتقارۋ تاراۋلارىمەن حالىقارالىق ساقشى ىستەرى بويىنشا زاڭ اتقارۋ سەلبەستىگىن ۇزدىكسىز تەرەڭدەتىپ، ءبىرقىدىرۋ سوققى بەرۋ ارەكەتىن بىرلەسىپ ورىستەتىپ، جۇڭگو قاراستىلىعىنداعى الدامكوستىككە ساياتىن 50 مىڭنان استام قىلمىس كۇماندىسىن بىزگە وتكىزىپ بەردى. تاياۋدا قوعام حاۋىپسىزدىگى مينيسترلىگىنىڭ قولباسشىلىق ەتۋىندە، ورنالاستىرۋىندا، يۇننان ولكەلىك قوعام حاۋىپسىزدىگى ورگانى مەن بيرمانىڭ قاتىستى جەرگىلىكتى زاڭ اتقارۋ تاراۋلارى شەكارا ساقشى ىستەرى بويىنشا زاڭ اتقارۋ سەلبەستىگىن ورىستەتىپ، بيرمانىڭ سولتۇستىگىندەگى ۋازۋ رايونىندا شەكارا اتتاعان تەلەگراف، توراپ الدامكوستىگىن ىستەگەن جۇڭگولىق 307 قىلمىس كۇماندىسىن ءساتتى ۇستادى، مۇنىڭ ىشىندە توراپتاعى قاشىپ جۇرگەن 20 ادام بار، ءبىر توپ قولتەلەفون، كومپيۋتەر قاتارلى دەلو تۋدىرۋعا ىستەتكەن قىلمىس قۇرالدارىن تەكسەرىپ ۇستاپ قالدى. قازىر بارلىق قىلمىس كۇماندىلارى مەن دالەل - سىپات بۇيىمدارى مىڭليان شەكارا وتكەلى ارقىلى ەلىمىزگە ءساتتى وتكىزىپ بەرىلدى، سونىمەن بىرگە، قوعام حاۋىپسىزدىگى ورگاندارى شەكارا ىشىندەگى ۇقساس دەلوعا ساياتىن 9 قىلمىس كۇماندىسىن ءبىر ۋاقىتتا ۇستادى، دەلونى بارلاۋ قىزمەتى جالعاستى جۇرگىزىلۋدە.

قوعام حاۋىپسىزدىگى مينيسترلىگىنىڭ قاتىستى جاۋاپتىسى بىلاي دەدى: قوعام حاۋىپسىزدىگى ورگاندارى حالىقارالىق جانە شەكارالىق ساقشى ىستەرى بويىنشا زاڭ اتقارۋ سەلبەستىگىن اناعۇرلىم كۇشەيتىپ، سوققى بەرۋ تەبىنىن ۇزدىكسىز ارتتىرىپ، ارناۋلى سوققى بەرۋ ارەكەتىن ۇزدىكسىز ۇيىمداستىرىپ، الدامكوستىك ىستەيتىن ورىنداردى جاپپاي الاستاپ، الدامكوستەردى زاڭ بويىنشا تۇتقىندايدى، بيرمانىڭ سولتۇستىگىندەگى ەلىمىزگە ساياتىن تەلەگراف، توراپ الدامكوستىگى قىلمىسىنداعى ”ۋلى وسپەنى“ باتىل، تۇبەگەيلى الاستاپ، حالىق بۇقاراسىنىڭ مال - مۇلىك حاۋىپسىزدىگى مەن زاڭدى ۇقىق - مۇددەسىن شىنايى قورعايدى.

كەلۋ قاينارى: حالىق تورابى