حيلۇڭجياڭ ولكەلىك ساياسي كەڭەستىڭ بۇرىنعى ورىنباسار ءتوراعاسى چۇي ميننىڭ پارا الۋ دەلوسىنا ءبىرىنشى سوت اشىلدى

شينحۋا اگەنتتىگىنىڭ 8 – ايدىڭ 21 – كۇنى حاڭجوۋدان بەرگەن حابارى. 8 – ايدىڭ 21 - كۇنى جىجياڭ ولكەسى ۋىنجوۋ قالالىق ورتا دارەجەلى حالىق سوت مەكەمەسى حيلۇڭجياڭ ولكەلىك ساياسي كەڭەس پارتگرۋپپاسىنىڭ بۇرىنعى مۇشەسى، ورىنباسار ءتوراعاسى چۇي ميننىڭ پارا الۋ دەلوسىنا ءبىرىنشى اشىق سوت اشتى.

ۋىنجوۋ قالالىق حالىق پروكۋراتۋراسى ارىز - شاعىم بەرىپ بىلاي دەپ ايىپتادى: 2001 - جىلدان 2022 - جىلعا دەيىن ايىپكەر چۇي مين حيلۇڭجياڭ ولكەسى حاربين قالالىق اۋىل شارۋاشىلىق عىلىمىن زەرتتەۋ ورنىنىڭ باستىعى، حاربين قالالىق اۋىل شارۋاشىلىق عىلىم اكادەمياسىنىڭ باستىعى، حاربين قالاسى حۋلان رايوندىق پارتكومنىڭ ورىنباسار شۋجيى، رايون باستىعى، رايوندىق پارتكومنىڭ شۋجيى، حاربين قالاسى ليمين ەكونوميكالىق ـ تەحنيكالىق اشۋ رايونى پارتيا قىزمەتى كوميتەتىنىڭ شۋجيى، باسقارۋ كوميتەتىنىڭ مەڭگەرۋشىسى، حيلۇڭجياڭ ولكەسىنىڭ شينجياڭعا باعىتتامالى كومەكتەسەتىن كادرلارىنىڭ ورىنباسار جەتەكشىسى، قوسىمشا الدىڭعى شەپ قولباسشىلىق شتابىنىڭ ورىنباسار باس قولباسشىسى، شينجياڭ ءوندىرىس ـ قۇرىلىس بيڭتۋانى 10 ـ شى پارتكومىنىڭ ورىنباسار شۋجيى، شىجاڭ، ساياسي كوميسسارى، شينجياڭ ۇيعۇر اۆتونوميالى رايونى بەيتۇن قالالىق پارتكومنىڭ ورىنباسار شۋجيى، قالا باستىعى، قالالىق پارتكومنىڭ شۋجيى، حيلۇڭجياڭ ولكەسى سۇيحۋا قالالىق پارتكومنىڭ ورىنباسار شۋجيى، قالا باستىعى، قالالىق پارتكومنىڭ شۋجيى، حيلۇڭجياڭ ولكەلىك ساياسي كەڭەس پارتگرۋپپاسىنىڭ مۇشەسى، ورىنباسار ءتوراعاسى قاتارلى قىزمەتتەردى وتەگەن كەزىندە قىزمەت قولايلىلىعى، سونداي - اق قىزمەت ۇقىعى نەمەسە ورنى قالىپتاستىرعان قولايلى شارت – جاعدايدان پايدالانىپ، قاتىستى ورىن مەن جەكەلەردىڭ كاسىپورىن تيجاراتى، قۇرىلىستى كوتەرەگە الۋ، مىندەتىن رەتتەۋ قاتارلى جاقتاردا كومەك كورسەتىپ، تىكەلەي نەمەسە تۋىس - تۋعاندارى ارقىلى زاڭسىز قابىلداعان مال - مۇلىكى حالىق اقشاسىنا سىندىرعاندا جيىنى 68 ميلليون 430 مىڭ يۋاننان اسقان. پروكۋراتۋرا ورگاندارى پارا الۋ قىلمىسى بويىنشا چۇي ميننىڭ قىلمىستىق ىستەر جاۋاپكەرشىلىگىن قۋزاستىرۋدى تالاپ ەتتى.

سوتتا پروكۋراتۋرا ورگاندارى قاتىستى دالەل - سىپاتتاردى كورسەتتى، ايىپكەر چۇي مين مەن ونىڭ اقتاۋشىسى فاكت كورسەتتى، شاعىم ايتۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتتى، چۇي مين سوڭعى ءسوزىن سويلەدى ءارى سوتتا قىلمىسىن تانىپ، وكىنەتىندىگىن ءبىلدىردى.

سوڭىندا سوتتىڭ ءۇزىلىس جاساعانىن، ۇكىمىن ارتىنان جاريالايتىندىعىن ايتتى.

حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن، اقپارات تىلشىلەرىنەن جانە ءار سالاداعى بۇقارادان 30 نەشە ادام سوت تەرگەۋىن سىرتتاي تىڭدادى.

كەلۋ قاينارى: حالىق تورابى