ما چىڭچۋاننىڭ پارا الۋ، ىقپال كۇشىنەن پايدالانىپ پارا الۋ دەلوسىنا ءبىرىنشى سوتتا ۇكىم جاريالاندى

شينحۋا اگەنتتىگىنىڭ 8 ـ ايدىڭ 21 ـ كۇنى ۋحاننان بەرگەن حابارى: 8 – ايدىڭ 21 ـ كۇنى تۇستەن بۇرىن، حۋبەي ولكەسى چۇڭياڭ اۋداندىق حالىق سوت مەكەمەسى جۇڭگو فۋتبول قوعامى كاسىپتىك بىرلەسپە جارىس القالار كەڭەسى اتقارۋ مەكەمەسىنىڭ بۇرىنعى باستىعى، جۇڭچاۋ بىرلەسكەن جارىسى شەكتى جاۋاپكەرشىلىك سەرىكتەستىگىنىڭ بۇرىنعى باس جوراسى ما چىڭچۋاننىڭ پارا الۋ، ىقپالىنان پايدالانىپ پارا الۋ دەلوسىنا ءبىرىنشى سوتتا اشىق ۇكىم شىعاردى. ايىپكەر ما چىڭچۋانعا پارا الۋ قىلمىسى بويىنشا 10 جىل 6 اي مەرزىمدى قاماۋ جازاسى، وعان قوسا 700 مىڭ يۋان اقشالاي ايىپ سالۋ جازاسى بەرىلدى، ىقپالىنان پايدالانىپ پارا الۋ قىلمىسى بويىنشا 2 جىلدىق مەرزىمدى قاماۋ جازاسى، وعان قوسا 100 مىڭ يۋان اقشالاي ايىپ سالۋ جازاسىن بەردى، سونىمەن 11 جىل 3 اي مەرزىمدى قاماۋ جازاسىن، وعان قوسا 800 مىڭ يۋان اقشالاي ايىپ سالۋ جازاسىن بەردى، پارا الۋ، ىقپال كۇشىنەن پايدالانىپ پارا الۋ ارقىلى تاپقان مال - مۇلكىن زاڭ بويىنشا قۋزاپ قايتارىپ الۋدى، مەملەكەت قازىناسىنا تاپسىرۋدى، جەتپەگەن بولەگىن جالعاستى قۋزاپ قايتارىپ الۋدى ۇيعاردى.

كەلۋ قاينارى: حالىق تورابى