لي چياڭ مەملەكەتتىك كەڭەستىڭ 10 - رەتكى ارناۋلى ۇيرەنۋىن باسقاردى

شينحۋا اگەنتتىگى، 10 - ايدىڭ 8 - كۇنى، بەيجيڭ. 10 - ايدىڭ 8 - كۇنى تۇستەن بۇرىن مەملەكەتتىك كەڭەس ”ماكرولىق ساياسات بەتالىسىنىڭ بىردەيلىگىن كۇشەيتىپ، ساياساتتى سايكەستىرۋدى كۇشەيتىپ، اتقارۋ ونىمدىلىگىن جوعارىلاتۋدى“ نەگىزگى تاقىرىپ ەتىپ، 10 - رەت ارناۋلى تاقىرىپتا ۇيرەنۋ وتكىزدى. مەملەكەتتىك كەڭەستىڭ زۇڭليى لي چياڭ ۇيرەنۋدى باسقارعاندا بىلاي دەپ باسا دارىپتەدى: باس شۋجي شي جينپيڭنىڭ ماكرولىق ەكونوميكانى جونگە سالۋ جۇيەسىن اقاۋسىزداندىرۋ جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شەشىمدەرىنە، ورنالاستىرۋلارىنا ساي، ساياساتتىق ءبىر تۇتاس جوسپارلاۋدى جانە تاراۋلاردىڭ سايكەسۋىن كۇشەيتىپ، ساياساتتىق ”كەشەندى شارالاردى“ ويداعىداي اتقارىپ، ءار جاقتىڭ جوعارى ساپالى دامۋدى بىرگە ىلگەرىلەتەتىن قۋاتتى بىرىككەن كۇشىن قالىپتاستىرۋ كەرەك.

جۇڭگو ماكرولىق ەكونوميكانى زەرتتەۋ ورنىنىڭ باستىعى حۋاڭ حانچۋان تۇسىنىك جاسادى. مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ، جاڭ گوچيڭ، مەملەكەتتىك كەڭەستىڭ مۇشەسى ۋاڭ شياۋحۇڭ پىكىر اۋىستىرىپ ءسوز سويلەدى.

لي چياڭ لەكسيا مەن اۋىس - كۇيىس ءسوزىن تىڭداعاننان كەيىن بىلاي دەپ اتاپ كورسەتتى: ماكرولىق ساياسات بەتالىسىنىڭ بىردەيلىگىن كۇشەيتۋ − ماكرولىق رەتتەۋ - مەڭگەرۋ ونىمدىلىگىن جوعارىلاتۋدىڭ ماڭىزدى تۇتقاسى. قازىر ماكرولىق ەكونوميكانى جونگە سالۋدىڭ كۇردەلىلىگى كورنەكتى جوعارىلادى، جۇيەلى وي جەلىسى، ءادىس جانە شارا ارقىلى ساياسات بايلىعى مەن قۇرالدىڭ ورنالاستىرىلۋىن ساپالىلاندىرىپ، اناعۇرلىم زور ساياساتتىق ونىمدىلىكتى جارىققا شىعارۋ كەرەك. تاراۋلار، وڭىرلەر ساياساتتىق بىردەيلىك تانىمى مەن قابىلەتىن كۇشەيتىپ، ساياساتتاردى سايكەستىرۋ مەن قىزمەتتەردى سايكەستىرۋدى ىرىقتىلىقپەن كۇشەيتىپ، ءتۇرلى ساياساتتاردى ءوزارا ۇشتاستىرىپ، ورگانيكالى بىرلىككە كەلتىرىپ، ەكونوميكانىڭ، قوعامنىڭ باياندى، اقاۋسىز دامۋىن بىرگە جەبەۋى كەرەك.

لي چياڭ بىلاي دەپ اتاپ كورسەتتى: ماكرولىق ساياسات بەتالىسىنىڭ بىركەلكىلىگىنىڭ كۇش سالۋ ءتۇيىنىن دۇرىس يگەرۋ كەرەك. ساياساتتى بەلگىلەۋدە ساياساتتىڭ العاشقى ماقساتىن، نىسانا بەتالىسىن، فۋنكتسيالىق ورنىن تولىق ويلاستىرىپ، ءتۇرلى ساياساتتاردىڭ سايكەسىمدىلىگىنە، بىرىككەن كۇش قالىپتاستىرۋىنا شىنايى كەپىلدىك ەتۋ كەرەك. ساياسات پەن نىسانانىڭ سايكەسۋىن كۇشەيتىپ، نىسانانى بەلگىلەۋدە ەكونوميكالىق، قوعامدىق دامۋدىڭ جالپى تۇلعالىق قاجەتىن شىعار ءتۇيىن ەتىپ، جالپى جاعدايعا سانالى تۇردە بويسۇنۋ، جالپى جاعدايعا قىزمەت ەتۋ كەرەك. اسىرەسە، ەكونوميكانىڭ قۇلدىراۋ قىسىمى ءبىرشاما زور بولعان جاعدايدا، ءارقايسى جاق ارتۋدى ورنىقتىرۋعا، مەجەنى ورنىقتىرۋعا ءتيىمدى ساياساتتاردى بەلسەنە العا قويىپ، جيناقتاۋ جانە تەجەۋ اسەرى بار ساياساتتاردى بايىپتىلىقپەن شىعارۋى كەرەك. ساياسات - شارالاردىڭ سايكەسۋىن كۇشەيتىپ، جۇيەلى شوعىرلاندىرۋعا، ءوزارا تولىقتاۋعا ءمان بەرىپ، اركىم ءوز بىلگەنىن ىستەۋدەن ساقتانۋ كەرەك. ساياساتتى اتقارۋ مەن باعالاۋدا دا بىردەيلىك تالابىن ايگىلەۋ كەرەك. ساياساتتى اتقارۋدا ورايدى، تەبىندى، ريتىمدى ويداعىداي يگەرىپ، ساياساتتىڭ ونىمدىلىگىن مەجەگە ۇيلەستىرۋ كەرەك. كاسىپورىندارعا ساياتىن زاڭ اتقارۋ، باقىلاۋ - باسقارۋ ارەكەتتەرىن كۇش سالا ارناعا ءتۇسىرىپ، ەركىن كەسىم جاساۋ كەڭىستىگىن قىسقارتۋ كەرەك. ساياساتتى تەكسەرۋ، باعالاۋدى ونان ارى كەمەلدەندىرىپ، قاتىستى ولشەمدەردى عىلمي ورنالاستىرىپ، ۇيلەسىمسىز بولعاندارىن دەر كەزىندە رەتتەۋ، ساپالىلاندىرۋ كەرەك.

لي چياڭ بىلاي دەپ باسا دارىپتەدى: ماكرولىق ساياساتتىڭ بەتالىسىنداعى بىردەيلىك قىزمەت مەحانيزمىن ورناتىپ جانە كەمەلدەندىرىپ، بەي ەكونوميكالىق ساياساتتاردى ماكرولىق ساياساتتىڭ بەتالىسىنا ەنگىزىپ، ءبىرىڭعاي باعالاۋ كەرەك، تاراۋلار ءوزىن باعالاۋ مەحانيزمىن ورناتۋ جونىندە ىزدەنىس جاساپ، جاڭادان شىعارىلعان ساياساتتاردىڭ ەكونوميكانىڭ دامۋى، ورنىقتىلىق مەجەسى، جۇمىستاندىرۋ، حالىق تۇرمىسى سياقتى جاقتارداعى ىقپالىن جان - جاقتى باعالاپ، ساياسات بەلگىلەۋ مەن اتقارۋدىڭ تۇتاس بارىسى مەن ماكرولىق ساياسات بەتالىسىنىڭ بىردەيلىگىن كۇشەيتۋى كەرەك.

كەلۋ قاينارى: حالىق تورابى