جىگەردى تاسقىنداتىپ، قايراتتانا العا ۇمتىلىپ، ۇزاق ۋاقىت ۇلەس قوسىپ، ءىس ىستەۋگە، ناتيجە شىعارۋعا شەبەر بولىپ، جۇڭگو ۇلگىسىندەگى وسىزامانداندىرۋدىڭ حۋبەي تاراۋىن قۇلشىنا جازۋ كەرەك

«حالىق گازەتى»، 11 - ايدىڭ 6 – كۇنى، ۋحان. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىردا حۋبەيدە قىزمەت تەكسەرگەندە بىلاي دەپ باسا دارىپتەدى: حۋبەي پارتيا 20 - قۇرىلتايى مەن پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، جاڭا دامۋ جاعدايىن قالىپتاستىرۋ بارىسىنداعى بورىش پەن مىندەتتى مىقتى يگەرىپ، ءوز ابزالدىعىن تولىق ساۋلەلەندىرىپ، جىگەردى تاسقىنداتىپ، قايراتتانا العا ۇمتىلىپ، ۇزاق ۋاقىت ۇلەس قوسىپ، ءىس ىستەۋگە، ناتيجە شىعارۋعا شەبەر بولىپ، چاڭجياڭ ەكونوميكالىق بەلدەۋىنىڭ جوعارى ساپالى دامۋى بارىسىندا ەرلىكپەن العا ۇمتىلىپ، ورتا بولەكتەگى رايونداردىڭ ەڭسە كوتەرۋىندەگى ماڭىزدى ستراتەگيالىق تىرەكتى جەدەل قۇرىپ، جۇڭگو ۇلگىسىندەگى وسىزامانداندىرۋدىڭ حۋبەي تاراۋىن قۇلشىنا جازۋى كەرەك.

11 – ايدىڭ 4 – كۇنىنەن 6 – كۇنىنە دەيىن شي جينپيڭ حۋبەي ولكەلىك پارتكومنىڭ شۋجيى ۋاڭ مىڭحۇي مەن ولكە باستىعى ۋاڭ جۇڭليننىڭ سەرىك بولۋىندا ىلگەرىندى - كەيىندى شياۋگانعا، شياننيڭگە، ۋحانعا بارىپ، مۇراجايدى، اۋىل - قىستاقتى، عىلىم - تەحنيكا جانە كاسىپ سالاسىندا جاڭالىق اشۋ تۇعىرىن ىشكەرىلەي ارالاپ قىزمەت تەكسەرىپ، تەكسەرۋ - زەرتتەۋ جۇرگىزدى.

11 - ايدىڭ 4 - كۇنى تۇستەن كەيىن شي جينپيڭ شياۋگان قالاسى يۇنميڭ اۋداندىق مۇراجايعا كەلىپ، قازىپ الىنعان چين، حان پاتشالىقتارى داۋىرىندەگى تاقتايشا جازۋلار كورمەسىن ەكسكۋرسيالادى. كورمەگە قويىلعان چين پاتشالىعىنىڭ 18 ءتۇرلى زاڭى سوناۋ 2200 جىلدىڭ الدىندا - اق ەلىمىزدىڭ ەرتە زامانعى زاڭ - ءتۇزىمىنىڭ جۇيە قالىپتاستىرعاندىعىن اڭعارتۋدا. شي جينپيڭ تاقتايشا جازۋلاردىڭ مازمۇنى، تاريحي مادەنيەت قۇنى جانە قورعاۋ، زەرتتەۋ جاعدايى جونىندەگى تانىستىرۋدى ەگجەي - تەگجەيلى تىڭداپ، بىلاي دەپ اتاپ كورسەتتى: ارحەولوگيالىق زەرتتەۋدى ۇزدىكسىز كۇشەيتىپ، مادەني مۇرالاردى قورعاۋ دەڭگەيىن جوعارىلاتىپ، جۇڭحۋانىڭ تاڭداۋلى ءداستۇرلى مادەنيەتىن ساۋلەلەندىرۋگە، مادەنيەت سەنىمىن كۇشەيتۋگە بەرىك تىرەك ازىرلەپ، جۇڭحۋا وركەنيەتىنىڭ اسىلىن ماڭگى ساقتاپ، ۇرپاقتارعا يگىلىك جاراتىپ، ادامداردى ۇلتتىق ماقتانىش سەزىمى مەن سەنىمىن ۇزدىكسىز كۇشەيتۋگە شابىتتاندىرۋ كەرەك.

11 - ايدىڭ 5 - كۇنى تۇستەن بۇرىن شي جينپيڭ شياننيڭ قالاسى جيايۇي اۋدانىنا بارعاندا، الدىمەن پانجياۋان قالاشىعىنىڭ 10 شاقىرىمدىق كوكونىس دالىزىندە قىزمەت تەكسەردى. قوڭىر كۇز مەزگىلىندە بۇل ارا ءالى دە جاسىل جەلەك جامىلىپ، تىرشىلىك تىنىسى جالىنداۋدا. شي جينپيڭ اتىز باسىنا بارىپ، كوكونىستىڭ ءوسۋ جاعدايىن تەكسەرىپ، كوكونىس سورتى، ەگىمشىلىك تەحنيكاسى، ساتىلۋى سياقتى جاعدايلاردى ەگجەي - تەگجەيلى سۇراستىردى. ول بىلاي دەپ باسا دارىپتەدى: اۋىل - قىستاقتىڭ ءورىسى كەڭ، اۋىل شارۋاشىلىعىنىڭ بولاشاعى زور. وسى زامانعى اۋىل شارۋاشىلىعىن دامىتىپ، اۋىل شارۋاشىلىعىندا قۋاتتى ەل قۇرۋدا، ءسوز جوق، عىلىم - تەحنيكالىق العا باسارلىققا سۇيەنىپ، عىلىم - تەحنيكانىڭ اۋىل شارۋاشىلىعىن وسىزامانداندىرۋعا قانات بىتىرۋىنە مۇمكىندىك جاساۋ كەرەك. ول جەرگىلىكتى ورىنداعى كادرلار مەن بۇقارانى عىلىم - تەحنيكا، ساپا، ماركا جولىمەن ءجۇرىپ، كوكونىس ەكپەشىلىگى سىندى حالىقتى اۋقاتتاندىرۋ كاسىپ سالاسىن ونان ارى جاقسى ىستەپ، ءتىپتى دە كوپ بۇقارانىڭ كىرىسىن ارتتىرىپ، اۋقاتتانۋىنا مۇمكىندىك جاساۋعا شابىتتاندىردى.

وسىدان كەيىن شي جينپيڭ پانجياۋان قالاشىعى سى - ي قىستاعىنا كەلىپ، ىلگەرىندى - كەيىندى قىستاقتىڭ قارتتاردى كۇتىمدەۋگە قىزمەت وتەۋ ايالداماسىن، پارتيا مۇشەلەرى مەن بۇقاراعا قىزمەت وتەۋ ورتالىعىن ارالاپ، قارتتاردى كۇتىمدەۋ قۇرىلعىلارى مەن حالىققا قولايلى، حالىققا ءتيىمدى قىزمەت وتەۋ جاعدايىن تەكسەرىپ، قىستاق دارەجەلى ۇيىمداردىڭ جۇمىس جۇرگىزۋى جانە فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋى سياقتى قىزمەتتەردى ۇعىستى. ول بىلاي دەپ اتاپ كورسەتتى: پارتيا قۇرىلىسىمەن جەتەكشىلىك ەتۋدى اناعۇرلىم كۇشەيتىپ، قارتتار مەن بالالار سىندى ماڭىزدى ءتۇيىندى مىقتى يگەرىپ، بۇقارانى اناعۇرلىم دالمە - ءدال، ءونىمدى تۇردە ۋايىمنان ارىلتىپ، قيىنشىلىعىن شەشۋ كەرەك. نەگىزگى ساتىنىڭ اۋىرتپالىعىن ۇزدىكسىز جەڭىلدەتىپ، نەگىزگى ساتى كادرلارىنىڭ اناعۇرلىم كوپ ۋاقىت پەن زەيىن - زەردەنى بۇقاراعا قىزمەت وتەۋگە جۇمساۋىنا مۇمكىندىك جاساۋ كەرەك.

قىستاق تۇرعىنى شيۇڭ چىڭلۇڭنىڭ ۇيىندە شي جينپيڭ وتباسى تۇرمىسىنا دەن قويا نازار سالىپ، ءبىر ءۇيلى جانمەن قورالانا وتىرىپ، ءوندىرىس، بالالاردىڭ جۇمىستانۋى، يگىلىك جاراتۋى، وتباسى كىرىسى، قارتتاردى كۇتىمدەۋ، ەمدەۋ سياقتى جاعدايلاردى ۇعىستى. وسى جىلدارى قالا، اۋىلداردىڭ نەگىزگى الەۋمەتتىك قىزمەت وتەۋ جۇيەسىنىڭ ۇزدىكسىز كەمەلدەنىپ، شارۋالاردىڭ زاتتىق، مادەني تۇرمىسىنىڭ بارعان سايىن قامتاماسىز ەتىلگەنىن ەستىگەن شي جينپيڭ قاباعات قۋاندى. ول ءبىر ءۇيلى جاننىڭ ۇزدىكسىز قۇلشىنىپ، ءوندىرىستى، تۇرمىس ىستەرىن ءتىپتى دە جاقسى ىستەپ، بالانى جاقسى تاربيەلەپ، بارعان سايىن جاقسى تۇرمىس كەشىرۋىن ءۇمىت ەتتى.

قىستاقتان اتتاناردا، قىستاق تۇرعىندارى باس شۋجيدى ىستىق ىقىلاسپەن اتتاندىرىپ سالدى. شي جينپيڭ كوپشىلىككە بىلاي دەدى: جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، اۋىل - قىستاقتى گۇلدەندىرۋدى جەدەل ىلگەرىلەتۋ، ەڭ اۋەلى، حالىقتى اۋقاتتاندىرۋ كاسىپ سالاسىن دامىتۋ كەرەك. اۋىلداستاردىڭ پارتيا ۇيىمىنىڭ جەتەكشىلىگىندە ءبىر نيەتپەن سەلبەسىپ، ىنتىماقتاسا كۇرەس جۇرگىزىپ، ەڭبەكشىل قوس قولدارىمەن ەرەكشەلىككە يە كاسىپ سالاسىنىڭ ونىمدىلىگىن ءتىپتى دە ارتتىرىپ، قىستاقتى ءتىپتى دە كوركەم ەتىپ قۇرىپ شىعىپ، باقىتتى دا تاماشا تۇرمىستى بىرگە جاراتۋىن ءۇمىت ەتەمىن!

11 - ايدىڭ 5 - كۇنى تۇستەن كەيىن شي جينپيڭ ۋحان كاسىپ سالاسىندا جاڭالىق اشا دامۋدى زەرتتەۋ ورنىنا بارىپ قىزمەت تەكسەرىپ، عىلىم - تەحنيكادا جاڭالىق اشۋداعى قامداۋ تىزبەگى تۇعىرىنىڭ تابىستى مىسالدار كورمەسىن جانە عىلىم - تەحنيكادا جاڭالىق اشۋ جەتىستىكتەرىن كورىپ، عىلىم - تەحنيكا جاسامپازدىعىن ىلگەرىلەتۋدىڭ شارالارىن ۇعىسىپ، عىلمي زەرتتەۋ قىزمەتكەرلەرىمەن جانە كاسىپورىن جاۋاپتىلارىمەن ىشكەرىلەي تالقى جۇرگىزىپ، پىكىر اۋىستىردى. ول بىلاي دەپ باسا دارىپتەدى: جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى، جاڭاشا وندىرگىش كۇشتەردى دامىتۋدى جۇزەگە اسىرۋ عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسۋىنا اناعۇرلىم كوكەي تەستى سۇرانىستى العا قويدى. قالىڭ عىلىم - تەحنيكا قىزمەتكەرلەرى مەن كاسىپكەرلەر سەنىمدى كۇشەيتىپ، اسقاق ارمان ارقالاپ، سايكەسە كۇش سالىپ، جاڭالىق اشۋ جۇيەسىنىڭ جالپى تۇلعالىق ونىمدىلىگىن جوعارىلاتۋ، وسىزاماندانعان كاسىپ جۇيەسىن قۇرۋ بارىسىندا ۇزدىكسىز ۇلەس قوسىپ، يگىلىك جاراتۋى كەرەك.

11 - ايدىڭ 6 - كۇنى تۇستەن بۇرىن شي جينپيڭ حۋبەي ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، حۋبەيدىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىرىپ، كەلەسى قادامداعى قىزمەتتەر جونىندە ايقىن تالاپ قويدى.

شي جينپيڭ بىلاي دەپ اتاپ كورسەتتى: حۋبەيدىڭ عىلىم - تەحنيكا، وقۋ - اعارتۋ دارىندىلارىنىڭ ابزالدىعى كورنەكتى، عىلىم - تەحنيكادا جاڭالىق اشۋ قابىلەتى ءبىرشاما كۇشتى، عىلىم - تەحنيكادا جاڭالىق اشۋدى جانە كاسىپ سالاسىندا جاڭالىق اشۋدى ىلگەرىلەتۋ جاعىندا ءورىس اشا العا ىلگەرىلەۋى كەرەك. مەملەكەتتىك جاڭالىق اشۋ تىزبەگىمەن ىرىقتىلىقپەن توعىسىپ، بۇكىل ەل بويىنشا ىقپالعا يە عىلىم - تەحنيكادا جاڭالىق اشۋ تۇعىرىن قۇلشىنا قالىپتاستىرىپ، عىلىم - تەحنيكادا جاڭالىق اشۋدىڭ قاينار كوزى فۋنكتسياسىن اناعۇرلىم ويداعىداي ساۋلەلەندىرۋ كەرەك. ءتۇيىندى كاسىپ سالالارىن ارقاۋ ەتىپ، جاڭالىق اشۋ تىزبەگىنىڭ، كاسىپ سالاسى تىزبەگىنىڭ، قارجى تىزبەگىنىڭ، دارىندىلار تىزبەگىنىڭ توعىسۋىن كۇشەيتىپ، شەشۋشى، وزەكتى تەحنيكالاردى زەرتتەپ اشۋدان قامال الۋدى كۇشەيتىپ، ءىرى، ورتا، شاعىن كاسىپورىنداردىڭ سەلبەسىپ جاڭالىق اشۋ مەحانيزمىن ورناتىپ، عىلىم - تەحنيكا جەتىستىكتەرىن وندىرگىش كۇشكە اينالدىرۋ دەڭگەيىن جوعارىلاتۋ كەرەك. ءداستۇرلى كاسىپ سالالارىنىڭ تيپىن وزگەرتىپ، دارەجەسىن جوعارىلاتۋعا جانە جاڭادان گۇلدەنگەن كاسىپ سالالارىن جەتىلدىرۋگە، زورايتۋعا، بولاشاقتاعى كاسىپ سالالارىن قاتار ىلگەرىلەتۋگە تاباندى بولىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، ءتىپتى دە كوپ ايگىلى ماركا جاراتۋ كەرەك. چاڭجياڭ وزەنىنىڭ ەكولوگيالىق ورتاسىن قالپىنا كەلتىرۋدى نەگىزگى ورىنعا قويىپ، وسى زامانعى حاۋىپسىز سۋ تورابىن قۇرۋعا كۇش سالىپ، اعارلاردى جان - جاقتى جونگە سالۋدى جاپپاي ىلگەرىلەتىپ، چاڭجياڭ وزەنىندە 10 جىل بالىق اۋلاۋعا تيىم سالۋدى باتىل ىلگەرىلەتۋ كەرەك.

شي جينپيڭ بىلاي دەپ باسا دارىپتەدى: حۋبەي رەفورمانى جاپپاي تەرەڭدەتۋ جانە جوعارى دەڭگەيدە ەسىك اشۋدى كەڭەيتۋ جاعىندا باتىلدىقپەن ىزدەنىس جاساۋى كەرەك. ءتۇيىندى سالالار مەن شەشۋشى بۋىندارداعى رەفورمانى ويداعىداي يگەرىپ، بۇكىل ەل بويىنشا بىرلىككە كەلگەن ءىرى بازار قۇرىلىسىمەن جاپپاي توعىسىپ، اناعۇرلىم ءادىل، اناعۇرلىم ومىرشەڭ بازار ورتاسىن قالىپتاستىرۋ كەرەك. ”ەكىدەن استە اۋىتقىماۋعا“ تاباندى بولىپ جانە ونى تياناقتاندىرىپ، كوپ ءتۇرلى مەنشىكتەگى شارۋاشىلىقتىڭ ءبىرىن - ءبىرى جەبەۋىن، بىرگە دامۋىن ىلگەرىلەتۋ كەرەك. ىشكە، سىرتقا ەسىك اشۋعا تەڭ ءمان بەرۋگە تاباندى بولىپ، ىشكى قۇرلىقتىڭ اشىق ۇستاۋ بيىگىن قالىپتاستىرىپ، وڭىرلىك سەلبەستىكتى تەرەڭدەتىپ، كاسىپ قۇرىلىمىن ءتارتىپتى ساپالىلاندىرۋ كەرەك. ىشكى - سىرتقى ساۋدانى ءبىر تۇلعالاندىرۋ رەفورماسىن تەرەڭدەتىپ، ”ءبىر بەلدەۋ، ءبىر جولدى“ جوعارى ساپادا بىرگە قۇرۋعا بەلسەنە ات سالىسىپ، اشىق توراپتىق يقۋاتتى جۇيەلى جوعارىلاتۋ كەرەك.

شي جينپيڭ بىلاي دەپ اتاپ كورسەتتى: حۋبەي قالا مەن اۋىلدىڭ توعىسپالى دامۋىندا جانە اۋىل - قىستاقتى جاپپاي گۇلدەندىرۋدە قايراتتانا ءىس تىندىرۋى كەرەك. ۋحاندى وزەك ەتىپ، چاڭجياڭ وزەنىنىڭ ورتا اعارىنداعى قالالاردىڭ بىرلەسىپ دامۋىن ىلگەرىلەتۋ كەرەك. اۋدان ورتالىعىن ماڭىزدى دانەكەر ەتكەن جاڭاشا قالا - قالاشىقتاندىرۋ قۇرىلىسىن ىلگەرىلەتىپ، وزىندىك ەرەكشەلىككە يە اۋدان ءوڭىرى ەكونوميكاسىن دامىتۋ كەرەك. استىق ءوندىرىسى جاۋاپكەرشىلىگىن بەرىك ارقالاپ، ماڭىزدى اۋىل شارۋاشىلىق ونىمدەرىن ورنىقتىرۋ جانە ونىمەن قامداۋ قىزمەتىن شىنايى يگەرۋ كەرەك. ەرەكشەلىككە يە كاسىپ سالالارى مەن كوپ ءتۇرلى شارۋاشىلىقتىڭ كومەسكى كۇشىن اشىپ، اۋىل شارۋاشىلىعىنىڭ دامۋ ساپاسى مەن ونىمدىلىگىن جوعارىلاتۋ كەرەك. كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ جانە كەڭەيتىپ، توڭكەرىستىك بايىرعى رايونداردىڭ گۇلدەنۋىن، دامۋىن جەدەلدەتۋ كەرەك. نەگىزگى الەۋمەتتىك قىزمەت وتەۋ جۇيەسى قۇرىلىسى مەن نەگىزگى ساتىنى باسقارۋدى ءبىر تۇتاس جوسپارلاپ ىلگەرىلەتىپ، حالىق تۇرمىسىن قامتاماسىز ەتۋ قىزمەتتەرىن تىڭعىلىقتى، ويداعىداي ىستەۋ كەرەك. قالا مەن اۋىلدىڭ رۋحاني وركەنيەت قۇرىلىسىن تەرەڭدەتىپ، ەسكى سالت - سانانى وزگەرتۋدى ىلگەرىلەتۋ كەرەك.

شي جينپيڭ بىلاي دەپ باسا دارىپتەدى: حۋبەيدىڭ تاريحي مادەنيەت استارى تەرەڭ، قىزىل بايلىعى مول، مادەنيەت بايلىعىن قورعاۋدى كۇشەيتۋ جانە مادەنيەتتە جاڭالىق اشا دامۋدى ىلگەرىلەتۋ جاعىندا بورىش ارقالاۋ كەرەك. تاريحي مادەنيەت مۇرالارىن قورعاۋدى، وعان مۇراگەرلىك ەتۋدى جانە ونى جاندى پايدالانۋدى جۇيەلى ىلگەرىلەتىپ، چاڭجياڭ وزەنى وركەنيەتىنىڭ توركىنىن زەرتتەۋدى جانە تاراتۋدى، ايگىلەۋدى كۇشەيتۋ كەرەك. دابيەشان رۋحىن، تاسقىنعا قارسى اتتانۋ رۋحىن، ىندەتكە قارسى اتتانۋ رۋحىن بارىنشا ساۋلەلەندىرىپ، سوتسياليستىك وزەكتى قۇن كوزقاراسىن جاپپاي امالياتتا ايگىلەۋ كەرەك. مادەنيەت ارقىلى حالىققا تيىمدىلىك جاساۋ ينجەنەرياسىن اتقارىپ، جاڭاشا مادەنيەت فورماتسياسىن بەلسەنە دامىتىپ، اناعۇرلىم كوپ ساپالى مادەنيەت ونىمدەرى مەن قىزمەت وتەۋدى بۇقارانىڭ جانىنا جەتكىزۋ كەرەك. سارا مادەنيەت ساياحاتىنىڭ ايگىلى ماركاسى مەن جەلىسىن قالىپتاستىرىپ، مادەنيەت - ساياحات كاسىبىن تىرەكتى كاسىپ سالاسى ەتىپ جەتىلدىرۋ كەرەك.

شي جينپيڭ بىلاي دەپ اتاپ كورسەتتى: رەفورمانى يگەرۋدى، دامۋدى جەبەۋدى مىقتاپ ارقاۋ ەتىپ، پارتيا قۇرىلىسىن كۇشەيتىپ، پارتيالى كادرلاردىڭ ءىس تىندىرىپ، يگىلىك جاراتۋ رۋحىن سەرپىلتىپ، باتىلدىقپەن ءورىس اشا جاڭالىق اشۋمەن بىرگە، تياناقتاندىرۋدى تاباندىلىقپەن مىقتى يگەرىپ، باتىلدىقپەن كۇرەس جۇرگىزىپ، باتىلدىقپەن قامال الىپ، شەبەرلىكپەن ىنتىماقتاسا سەلبەسىپ، تاريحتىڭ، امالياتتىڭ جانە حالىقتىڭ سىنىنان وتە الاتىن ناتيجە جاراتۋعا قۇلشىنۋ كەرەك. نەگىزگى ساتى پارتيا ۇيىمى قۇرىلىسىن كۇشەيتىپ، پارمەندى جاۋىنگەرلىك قامال قالىپتاستىرۋ كەرەك. پارتيا ءتارتىبىن ۇيرەنۋ تاربيەسىنىڭ ۇدايىلانۋىن، ۇزاق ءونىمدى بولۋىن ىلگەرىلەتىپ، ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، ستيلى پاك، سالتى دۇرىس ساياسي ەكولوگيانى ۇزدىكسىز بەكەمدەۋ جانە دامىتۋ كەرەك.

شي جينپيڭ بىلاي دەپ باسا دارىپتەدى: وسى جىلدىڭ 2 ايعا جەتپەيتىن ۋاقىتى قالدى، ءتۇرلى قىزمەتتەردى، اسىرەسە، ەكونوميكالىق قىزمەتتى اناعۇرلىم مىقتى، ناقتى يگەرىپ، تۇتاس جىلداعى ەكونوميكالىق، قوعامدىق دامۋ نىساناسىن جۇزەگە اسىرۋعا قۇلشىنۋ كەرەك.

حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.