جۇڭگوشا سوتسياليستىك قوعامدىق باسقارۋ جولىمەن بۇلجىماي ءجۇرىپ، جاڭا داۋىردەگى قوعامدىق قىزمەتتىڭ جوعارى ساپالى دامۋىن ىلگەرىلەتۋ كەرەك

«حالىق گازەتى»، 11 - ايدىڭ 6 – كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا قوعامدىق قىزمەت جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: قوعامدىق قىزمەت −− پارتيا مەن مەملەكەت قىزمەتىنىڭ ماڭىزدى قۇرامداس بولىگى، پارتيانىڭ ۇزاق ۋاقىت بيلىك جۇرگىزۋى مەن مەملەكەتتىڭ باياندى تىنىشتىعىنا، قوعامنىڭ جاراسىمدىلىعى مەن ورنىقتىلىعىنا جانە حالىقتىڭ باقىتى مەن اماندىعىنا سايادى. جاڭا داۋىردەن بەرى پارتيا ورتالىق كوميتەتى ءبىرقىدىرۋ كەلەلى شەشىمدەر مەن ورنالاستىرۋلار جاساپ، قوعامدىق قىزمەتتە ماڭىزدى تابىستارعا قول جەتكىزۋدى ىلگەرىلەتتى. قازىر ەلىمىزدىڭ قوعامدىق قۇرىلىمىندا تەرەڭ وزگەرىستەر تۋىلۋدا، اسىرەسە، جاڭادان گۇلدەنگەن سالالار جەدەل دامىپ، جاڭا ەكونوميكالىق ۇيىمدار، جاڭا قوعامدىق ۇيىمدار مولىنان جارىققا شىعىپ، جاڭا جۇمىستانعان قاۋىمنىڭ كولەمى ۇزدىكسىز كەڭەيىپ، قوعامدىق قىزمەت جاڭا جاعدايعا، جاڭا مىندەتكە ءدوپ كەلدى، سوندىقتان، ءسوز جوق، جاڭا جاۋاپكەرلىك ارقالاپ، تىڭ ىسكەرلىك كورسەتۋ كەرەك. جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، حالىقتى وزەك ەتۋگە تاباندى بولىپ، جاڭا داۋىردەگى پارتيانىڭ بۇقارالىق لۋشيانىن امالياتتا ايگىلەپ، جۇڭگوشا سوتسياليستىك قوعامدىق باسقارۋ جولىمەن بۇلجىماي ءجۇرىپ، قوعامدىق قىزمەتتىڭ ءتۇزىلىس، مەحانيزمىن اقاۋسىزداندىرىپ، جاڭا ەكونوميكالىق ۇيىمداردىڭ، جاڭا قوعامدىق ۇيىمداردىڭ، جاڭا جۇمىستانعانداردىڭ پارتيا قۇرىلىسىن كورنەكتى تۇردە مىقتى يگەرىپ، پارتيانىڭ جاڭادان وركەندەگەن سالالارداعى ۇندەۋ قۋاتىن، ۇيىستىرۋ قۋاتىن، ىقپال كۇشىن ۇزدىكسىز كۇشەيتۋ؛ پارتيا قۇرىلىسى ارقىلى نەگىزگى ساتىنىڭ باسقارۋىنا جانە نەگىزگى ساتىنىڭ بيلىك قۇرىلىسىنا جەتەكشىلىك ەتۋدى مىقتى يگەرۋ؛ بۇقاراعا قىزمەت وتەۋدەگى ۇيىستىرۋ قىزمەتىن مىقتى يگەرىپ، جاڭا داۋىردەگى قوعامدىق قىزمەتتىڭ جوعارى ساپالى دامۋىن ىلگەرىلەتۋ كەرەك.

شي جينپيڭ بىلاي دەپ باسا دارىپتەدى: قوعامدىق قىزمەتتى جاقسى ىستەۋ − بۇكىل پارتيانىڭ ورتاق جاۋاپكەرشىلىگى. ءار دارەجەلى پارتكومدار (پارتيا باسشىلىق گرۋپپاسى) ساياسي جاۋاپكەرشىلىكتى ارقالاپ، ۇيىمدىق باسشىلىقتى جانە ءبىر تۇتاس جوسپارلاپ سايكەستىرۋدى كۇشەيتىپ، پارتيا ورتالىق كوميتەتىنىڭ قوعامدىق قىزمەت جونىندەگى شەشىمدەرىنىڭ، ورنالاستىرۋلارىنىڭ ناقتاپ تياناقتانۋىنا شىنايى كەپىلدىك ەتۋى؛ قوعامدىق قىزمەت تاراۋلارى وزىندىك قۇرىلىستى كۇشەيتىپ، ساياسي جاۋاپكەرشىلىكتى كۇشەيتىپ، امالياتتا ىزدەنىس جاساۋعا باتىل بولىپ، مىندەتىن تىڭعىلىقتى اتقارىپ، جاۋاپكەرشىلىگىن ادا ەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ ۇلەس قوسۋى كەرەك.

ورتالىقتىڭ قوعامدىق قىزمەت ءماجىلىسى 11 - ايدىڭ 5 - كۇنىنەن 6 – كۇنىنە دەيىن بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ءارى ءسوز سويلەدى.

ساي چي سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى بيىكتە تۇرىپ الىستى بولجاعان، ەگجەي - تەگجەيلى، تەرەڭ ءارى كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە، جاڭا داۋىردەگى قوعامدىق قىزمەتتى ويداعىداي ىستەۋگە ايقىن بەتالىس كورسەتىپ بەردى، ءسوز جوق، ىشكەرىلەي ۇيرەنىپ، ءتۇسىنىپ، باتىل دايەكتىلەندىرۋ، تياناقتاندىرۋ كەرەك.

ساي چي بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى قوعامدىق قىزمەتتى ماڭىزدى ورىنعا قويدى، باس شۋجي شي جينپيڭ نە ءۇشىن قوعامدىق قىزمەتتى كۇشەيتۋ، قوعامدىق قىزمەتتى قالاي كۇشەيتۋ كەرەكتىگىن ارقاۋ ەتىپ، ءبىرسىپىرا ماڭىزدى بايىمداۋ جاساپ، ءبىرسىپىرا جاڭا يدەيا، جاڭا كوزقاراس، جاڭا تۇجىرىمداردى العا قويدى. باس شۋجي شي جينپيڭنىڭ قوعامدىق قىزمەت جونىندەگى ماڭىزدى بايىمداۋلارى جاڭا داۋىردەگى قوعامدىق قىزمەتتىڭ ءتۇبىرلى پرينسيبى، قۇن بەتالىسى، دامۋ بەتالىسى، ءتۇيىندى مىندەتتەرى، نەگىزدىك كەپىلى سياقتىلاردى تەرەڭ بايىمدادى، بۇل − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى.

ساي چي بىلاي دەپ باسا دارىپتەدى: پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ ماڭىزدى بايىمداۋلارى مەن ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، جاڭا داۋىردەگى قوعامدىق قىزمەتتى ويداعىداي ىستەۋدىڭ جالپى تۇلعالىق تالابىن ىشكەرىلەي يگەرىپ، جاۋاپكەرشىلىك سەزىمدى، بورىشتىلىق سەزىمدى شىنايى كۇشەيتىپ، جاڭا داۋىردەگى قوعامدىق قىزمەتتىڭ جاڭا جاعدايىن قۇلشىنا اشۋ كەرەك. جاڭادان گۇلدەنگەن سالالارداعى پارتيا قۇرىلىسىن كۇشەيتۋدى ەڭ ماڭىزدى ورىنعا قويىپ، ءبىر تۇتاس سايكەستىرۋدى كۇشەيتىپ، تۇرلەر بويىنشا جەتەكشىلىك ەتۋگە تاباندى بولىپ، جاڭا ەكونوميكالىق ۇيىمداردىڭ، جاڭا قوعامدىق ۇيىمداردىڭ، جاڭادان جۇمىستانعان توپتاردىڭ پارتيا قۇرىلىسى قىزمەتىن كورنەكتى تۇردە ويداعىداي يگەرىپ، پارتيا ۇيىمىنىڭ قامتۋىن جانە قىزمەتتىڭ قامتۋىن ىلگەرىلەتىپ، جاڭادان گۇلدەنگەن سالالاردىڭ اقاۋسىز دامۋىن جەبەۋ كەرەك. كاسىپتىك قوعامداردىڭ، ساۋدا قوعامدارىنىڭ پارتيا قۇرىلىسى مەن رەفورما، دامۋ ىستەرىن ۇزدىكسىز ويداعىداي يگەرۋ كەرەك. پارتيا قۇرىلىسى ارقىلى نەگىزگى ساتىنى باسقارۋعا جانە نەگىزگى ساتىنىڭ بيلىك قۇرىلىسىنا جەتەكشىلىك ەتۋدى كۇشەيتىپ، نەگىزگى ساتىنى باسقارۋداعى ”السىزدەرگە اۋىر مىندەت جۇكتەۋ“ كورنەكتى ماسەلەلەرىن شەشىپ، نەگىزگى ساتىعا قۋات ۇستەۋدى جانە اۋىرتپالىقتى جەڭىلدەتۋدى ءبىر تۇتاس جوسپارلاپ ىلگەرىلەتۋ كەرەك. بۇقارانى ۇيىستىرۋ، بۇقاراعا قىزمەت وتەۋ قىزمەتىن تىڭعىلىقتى ىستەپ، جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، ارىز - ارمان قىزمەتىن زاڭمەن باسقارۋدى ىلگەرىلەتىپ، حالىقتىڭ ۇسىنىستارىن جيناۋدى ويداعىداي ىستەپ، ەرىكتى قىزمەت وتەۋ ىستەرىن دامىتۋ كەرەك. ءار دارەجەلى پارتكومدار قوعامدىق قىزمەتكە باسشىلىقتى كۇشەيتىپ، ساياسي جاۋاپكەرشىلىكتى تياناقتاندىرىپ، قىزمەت جۇيەسىن اقاۋسىزداندىرىپ، قوعامدىق قىزمەتكەرلەر قوسىنىن قۇرىپ جانە كۇشەيتىپ، رەفورما جاساپ، جاڭالىق اشۋ رۋحىمەن قوعامدىق قىزمەتتىڭ جوعارى ساپالى دامۋىن ىلگەرىلەتۋ كەرەك.

ءماجىلىستى لي گانجيە باسقاردى. لي شۋلەي، چىن ۋىنچيڭ، مۋ حۇڭ ماجىلىسكە قاتىناستى.

ورتالىق كوميتەت ۇيىمداستىرۋ بولىمىندەگى، ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسىندەگى، كوممۋنيستىك جاستار وداعى ورتالىق كوميتەتىندەگى، بەيجيڭ قالاسىنداعى، جىجياڭ ولكەسىندەگى، گۋاڭدۇڭ ولكەسىندەگى، شانشي ولكەسىندەگى جاۋاپتى جولداستار پىكىر اۋىستىرىپ، لەبىز ءبىلدىردى.

ولكە، اۆتونوميالى رايون، توتە قاراستى قالالارداعى جانە جوسپارى بولەك جاسالاتىن قالالارداعى، شينجياڭ ءوندىرىس - قۇرىلىس بيڭتۋانىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق باسقاراتىن فينانس قۇرىلىمدارىنداعى، ءىشىنارا كاسىپورىن، جوعارى مەكتەپتەردەگى جاۋاپتى جولداستار قاتارلىلار ماجىلىسكە قاتىناستى.

كەلۋ قاينارى: حالىق تورابى