«شي جينپيڭ ەل باسقارۋ جونىندە» كىتابىنا بايلانىستى پەرۋ، جۇڭگو وقىرماندارىنىڭ كەڭەسى پەرۋدىڭ ليما قالاسىندا وتكىزىلدى

«حالىق گازەتى»، 11 - ايدىڭ 5 – كۇنى، ليما. سول جەر ۋاقىتى 11 - ايدىڭ 5 - كۇنى جۇڭگو مەملەكەتتىك كەڭەسىنىڭ اقپارات كەڭسەسى، جۇڭگو شەتەل تىلدەرىندە باسىلىمدار شىعارۋ جانە تاراتۋ مەكەمەسى ۇيىمداستىرعان، شەتەل تىلدەرى باسپاسى، جۇڭگو شەتەل تىلدەرىندە باسىلىمدار شىعارۋ جانە تاراتۋ مەكەمەسىنىڭ امەريكا قۇرلىعىنداعى تاراتۋ ورتالىعى ۇستىنە الىپ وتكىزگەن «شي جينپيڭ ەل باسقارۋ جونىندە» كىتابىنا بايلانىستى پەرۋ، جۇڭگو وقىرماندارىنىڭ كەڭەسى پەرۋدىڭ استاناسى ليمادا ءساتتى وتكىزىلدى. جۇڭگو مەن پەرۋدىڭ ساياسي سالاسىنان، باسپا سالاسىنان، عىلىم سالاسىنان جانە اقپارات قۇرالدارىنان 150 دەي ادام وقىرماندار كەڭەسىنە قاتىناستى.

كەڭەسكە قاتىناسقان سيلى قوناقتار مىنالاردى ءبىلدىردى: «شي جينپيڭ ەل باسقارۋ جونىندە» اتتى كىتاپتا ءتوراعا شي جينپيڭنىڭ ەل باسقارۋ جالپى جوباسى شوعىرلى بەينەلەنىپ، جۇڭگو ۇلگىسىندەگى وسىزامانداندىرۋ جولىنىڭ نازاريالىق جۇيەسى مەن امالياتتىق جولى جاپپاي ايگىلەنىپ، جۇڭگو ۇلگىسىندەگى وسىزامانداندىرۋدىڭ حالىقتى بارىنەن جوعارى قويۋ قۇن تالپىنىسى، دەربەس، ءوز - وزىنە قوجايىن بولۋ سىندى ىزدەنۋ رۋحى، اشىق، سيىسىمدى بولۋ وركەنيەت ءمانى جانە سەلبەسىپ تەڭ يگىلىككە كەنەلۋ بەرىك بەكىمى تولىق ايگىلەندى، بۇل حالىقارالىق قوعامنىڭ جۇڭگو ۇلگىسىندەگى وسىزامانداندىرۋدىڭ ”يدەيا تەرەزەسىن“ تۇسىنۋىنە كومەكتەسەدى، پەرۋ مەن لاتىن امەريكاسىنىڭ ءار سالاسىنداعى وقىرمانداردىڭ جاڭا داۋىردەگى جۇڭگونىڭ دامۋى جونىندەگى تەرەڭ تانىمعا اناعۇرلىم ويداعىداي، اناعۇرلىم دەر كەزىندە قول جەتكىزۋىنە جانە ونى جاڭالاۋىنا ءتيىمدى. جۇڭگونىڭ تابىستى تاجىريبەلەرى پەرۋدى قامتىعان لاتىن امەريكاسى رايونى مەن قالىڭ وركەندەپ كەلە جاتقان ەلدەرگە پايدالى ۇلگى بولدى.

قيمىلدا جۇڭگو جاق پەرۋ جاققا «شي جينپيڭ ەل باسقارۋ جونىندەنىڭ» 4 - تومىنىڭ يسپان تىلىندەگى نۇسقاسىن تارتۋ ەتتى. ەكى ەلدىڭ مامان - وقىمىستىلارى جۇڭگو مەن لاتىن امەريكاسىنىڭ ەل باسقارۋ تاجىريبەلەرى مەن وسىزامانداندىرۋ جونىندەگى ىزدەنىستەرى توڭىرەگىندە پىكىر اۋىستىرىپ، زەرتتەۋ - تالقى ورىستەتتى. «شي جينپيڭ ەل باسقارۋ جونىندە» 2014 - جىلى 9 - ايدا جارىق كورگەننەن بەرى 42 تىلگە اۋدارىلىپ، باسپادان شىعىپ، دۇنيە جۇزىندەگى 180 نەن استام مەملەكەت پەن رايونعا تاراتىلدى.

كەلۋ قاينارى: حالىق تورابى