شي جينپيڭ ا ق ش – نىڭ سايلانعان زۇڭتۇڭى ترامپقا قۇتتىقتاۋ تەلەگرامماسىن جولدادى

شينحۋا اگەنتتىگى، 11 - ايدىڭ 7 – كۇنى، بەيجيڭ. 11 - ايدىڭ 7 - كۇنى مەملەكەت ءتوراعاسى شي جينپيڭ دونالد ترامپقا تەلەگرامما جولداپ، ونىڭ ا ق ش - نىڭ زۇڭتۇڭى بولىپ سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: تاريح بىزگە جۇڭگو مەن ا ق ش سەلبەسسە، ەكى جاققا دا ءتيىمدى بولاتىندىعىن، بەلدەسسە ەكى جاققا دا زاردابىن جەتكىزەتىندىگىن ۇعىندىردى. ورنىقتى، اقاۋسىز، باياندى داميتىن جۇڭگو - ا ق ش قارىم - قاتىناسى ەكى ەلدىڭ ورتاق مۇددەسىنە جانە حالىقارالىق قوعامنىڭ تىلەگىنە ۇيلەسەدى. ەكى جاقتىڭ ءوزارا قۇرمەت ەتۋ، بەيبىت قاتار تۇرۋ، سەلبەسىپ تەڭ يگىلىككە كەنەلۋ پرينسيبىن ۇستانىپ، تىلدەسۋدى، قارىم - قاتىناستى كۇشەيتىپ، الاۋىزدىقتاردى ۇيلەسىمدى مەڭگەرىپ، ءوزارا پايدا جەتكىزۋ سەلبەستىگىن كەڭەيتىپ، جاڭا داۋىردەگى جۇڭگو مەن ا ق ش - نىڭ دۇرىس قارىم - قاتىناس جولىن اشىپ، ەكى ەلگە باقىت جاراتۋىن، دۇنيە جۇزىنە پايدا جەتكىزۋىن ءۇمىت ەتەمىن.

سول كۇنى مەملەكەت ءتوراعاسىنىڭ ورىنباسارى حان جىڭ جامۋس ۆانسقا تەلەگرامما جولداپ، ونىڭ ا ق ش زۇڭتۇڭىنىڭ ورىنباسار ىبولىپ سايلانعاندىعىن قۇتتىقتادى.

كەلۋ قاينارى: حالىق تورابى