شي جينپيڭ تەلەگرامما جولداپ، ساندۋدىڭ مولدوۆانىڭ زۇڭتۇڭى بولىپ تاعى سايلانعاندىعىن قۇتتىقتادى

شينحۋا اگەنتتىگى، 11 - ايدىڭ 7 – كۇنى، بەيجيڭ. 11 - ايدىڭ 6 - كۇنى مەملەكەت ءتوراعاسى شي جينپيڭ مايا ساندۋعا تەلەگرامما جولداپ، ونىڭ مولدوۆا رەسپۋبليكاسىنىڭ زۇڭتۇڭى بولىپ تاعى سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن مولدوۆا _ ءداستۇرلى دوس سەرىكتەر. تاياۋ جىلداردان بەرى ەكى ەلدىڭ قارىم - قاتىناسى ورنىقتى دامۋدى ساقتادى، ”ءبىر بەلدەۋ، ءبىر جولددى“ بىرگە قۇرۋ سەلبەستىگى ءساتتى ىلگەرىلەدى. مەن جۇڭگو - مولدوۆا قارىم - قاتىناسىنىڭ دامۋىنا ايرىقشا ءمان بەرەمىن، زۇڭتۇڭ حانىممەن بىرگە قۇلشىنىپ، ەكى ەل قارىم - قاتىناسىنىڭ ورنىقتى قاداممەن الىسقا جەتۋىنە جەتەكشىلىك ەتۋدى قالايمىن.