وسى اينالىمدا جانارماي باعاسى رەتتەلمەيدى 

جۇڭگو اقپارات تورابىنىڭ 11 – ايدىڭ 20 – كۇنى بەرگەن حابارى. مەملەكەتتىك دامۋ – رەفورما كوميتەتى تورابىنىڭ حابارلاۋىنشا، 2024 – جىلى 11 – ايدىڭ 6 – كۇنى ەل ىشىندەگى وڭدەلگەن مۇنايدىڭ باعاسى رەتتەلگەننەن بەرى، حالىقارالىق بازارداعى مۇناي باعاسى تولقۋلى كۇيدە بولدى، قازىر ەل ىشىندە اتقارىلىپ وتىرعان وڭدەلگەن مۇنايدىڭ باعاسىن قالىپتاستىرۋ مەحانيزمى بويىنشا ەسەپتەگەندە، 11 – ايدىڭ 20 – كۇنىنىڭ الدىنداعى 10 قىزمەت كۇنىندەگى ورتاشا باعانى 11 – ايدىڭ 6 – كۇنىنەن بۇرىنعى 10 قىزمەت كۇنىندەگى ورتاشا باعامەن سالىستىرعاندا، رەتتەلەتىن باعا سوماسى ءار تونناسىنا 50 يۋانعا جەتپەگەن. «مۇناي باعاسىن باسقارۋ ءادىسىنىڭ» 7 – تارماعىنداعى بەلگىلەمەگە ساي، وسى جولى بەنزين مەن ديزەل مايىنىڭ باعاسى رەتتەلمەيدى، رەتتەلمەگەن سوما كەلەسى رەتكى رەتتەۋ مەزگىلىندە ۇستەلەدى نەمەسە دولايلاستىرىلادى.

جۇڭگو مۇناي سەرىكتەستىگى، جۇڭگو مۇناي - حيميا سەرىكتەستىگى، جۇڭگو تەڭىز مۇنايى سەرىكتەستىگى سىندى ءۇش ءىرى سەرىكتەستىك پەن شيكىزاتتىق مۇنايدى مانەرلەۋمەن شۇعىلداناتىن باسقا سەرىكتەستىكتەر وڭدەلگەن مۇنايدى ءوندىرۋ جانە تاسىمالداۋدى ويداعىداي ۇيىمداستىرۋى، بازاردى ورنىقتى قامداۋعا كەپىلدىك ەتۋى، مەملەكەتتىڭ باعا جونىندەگى ساياساتىن قاتاڭ اتقارۋى كەرەك. جەر - جەردەگى قاتىستى تاراۋلار بازاردى باقىلاۋ - باسقارۋ تەبىنىن كۇشەيتىپ، مەملەكەتتىڭ باعاعا قاتىستى ساياساتتارىن اتقارماۋ ارەكەتىن قاتاڭ تەكسەرىپ ءبىرجاقتى ەتۋى، بازاردىڭ قالىپتى ءتارتىبىن قورعاۋى كەرەك. تۇتىنۋشىلاردىڭ 12315 تەكشەسى ارقىلى باعاعا قاتىستى زاڭعا قايشى ارەكەتتەردى اشكەرەلەۋىنە بولادى.

كەلۋ قاينارى: حالىق تورابى