شي جينپيڭ 2024 - جىلعى دۇنيە جۇزىلىك ينتەرنەت جينالىسى ۋ - جىن باسشىلار ءماجىلىسىنىڭ اشىلعاندىعىن بەينە ەكران ارقىلى قۇتتىقتادى

11 - ايدىڭ 20 - كۇنى مەملەكەت ءتوراعاسى شي جينپيڭ 2024 - جىلعى دۇنيە جۇزىلىك ينتەرنەت جينالىسى ۋ - جىن باسشىلار ءماجىلىسىنىڭ اشىلعاندىعىن بەينە ەكران ارقىلى قۇتتىقتادى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

شينحۋا اگەنتتىگى، 11 - ايدىڭ 20 - كۇنى، بەيجيڭ، 11 - ايدىڭ 20 - كۇنى مەملەكەت ءتوراعاسى شي جينپيڭ 2024 - جىلعى دۇنيە جۇزىلىك ينتەرنەت جينالىسى ۋ - جىن باسشىلار ءماجىلىسىنىڭ اشىلعاندىعىن بەينە ەكران ارقىلى قۇتتىقتادى.

شي جينپيڭ بىلاي دەپ اتاپ كورسەتتى: قازىر جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسى جەدەل دامىپ، جاساندى زەردە سياقتى جاڭا تەحنيكالار دامۋ ساتىسىنا قادام تاستاپ، ادامزاتتىڭ دۇنيەنى تانۋ جانە دۇنيەنى وزگەرتۋ قابىلەتىن بارىنشا جوعارىلاتتى، سونىمەن بىرگە، بولجاۋعا بولمايتىن ءبىر قىدىرۋ حاۋىپ - قاتەر مەن سىن - سايىستى دا الا كەلدى. ءبىز سيفرلانۋدىڭ، توراپتانۋدىڭ، زەردەلىلەنۋدىڭ دامۋ اۋقىمىن يگەرىپ، جاڭالىق اشۋدى ءبىرىنشى قوزعاۋشى كۇش، حاۋىپسىزدىكتى تومەنگى شەك تالابى، جالپىعا ءتيىمدى بولۋدى قۇن تالپىنىسى ەتىپ، ينتەرنەت كەڭىستىگىندە جاڭالىق اشا دامۋدى، حاۋىپسىز دامۋدى، جالپىعا ءتيىمدى دامۋدى جەدەل ىلگەرىلەتىپ، اناعۇرلىم كوركەم ”سيفرلى بولاشاققا“ قول ۇستاسا قادام تاستاۋىمىز كەرەك. جۇڭگو دۇنيە جۇزىندەگى ءار ەلمەن بىرگە ينفورماتسيا توڭكەرىسى دامۋىنىڭ تاريحي ىرىقتىلىعىن يگەرىپ، ينتەرنەت كەڭىستىگىنىڭ تاعدىرلاس ورتاق تۇلعاسىن قول ۇستاسا قۇرىپ، ينتەرنەتتىڭ حالىققا، دۇنيە جۇزىنە اناعۇرلىم باقىت جاراتۋىنا مۇمكىندىك جاساۋدى قالايدى.

2024 - جىلعى دۇنيە جۇزىلىك ينتەرنەت جينالىسى ۋ - جىن باسشىلار ءماجىلىسى سول كۇنى جىجياڭ ولكەسى تۇڭشياڭ قالاسىنىڭ ۋ - جىن قالاشىعىندا اشىلدى، نەگىزگى تاقىرىبى ”ادامدى نەگىز ەتكەن، زەردەلى بولۋدا ىزگىلىككە تالپىنعان سيفرلى بولاشاقپەن قاۋىشىپ، قول ۇستاسا وتىرىپ ينتەرنەت كەڭىستىگىنىڭ تاعدىرلاس ورتاق تۇلعاسىن قۇرۋ“ بولدى، ونى دۇنيە جۇزىلىك ينتەرنەت جينالىسى ۇيىمداستىردى، جىجياڭ ولكەلىك حالىق ۇكىمەتى ۇستىنە الىپ وتكىزدى.

كەلۋ قاينارى: حالىق تورابى