شي جينپيڭ برازيلياعا بارىپ، برازيلياداعى مەملەكەتتىك ساپارىن باستادى

سول جەر ۋاقىتى 11 - ايدىڭ 19 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن برازيلياعا بارىپ، برازيلياداعى مەملەكەتتىك ساپارىن باستادى. ارناۋلى ۇشاق برازيليا اۋە ارمياسى بازاسىنا جەتكەن كەزدە، برازيليانىڭ جوعارى دارەجەلى ءمانساپتىلارى اۋەجايدا قىزۋ قارسى الىپ، لۋلا زۇڭتۇڭ مەن برازيليا ۇكىمەتى اتىنان ءتوراعا شي جينپيڭنىڭ ساپارلاي كەلگەندىگىن قىزۋ قارسى الدى.

سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن

«حالىق گازەتى»، 11 - ايدىڭ 19 - كۇنى، برازيليا (تىلشىلەر جاۋ مىڭياڭ، شىن مىڭجى). سول جەر ۋاقىتى 11 - ايدىڭ 19 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن برازيلياعا جەتىپ، برازيلياداعى مەملەكەتتىك ساپارىن باستادى. ارناۋلى ۇشاق برازيليا اۋە ارمياسى بازاسىنا جەتكەن كەزدە، برازيليا زۇڭتۇڭ سارايىنىڭ باس مينيسترى كوستا، برازيليا اۋە ارمياسى بازاسىنىڭ قولباسشىسى ميگەر، ءادىليا مينيسترى لەۆاندوۆسكي، زۇڭتۇڭ سارايى قۇرىلىمىنىڭ قارىم - قاتىناس مينيسترى پاديليا قاتارلى جوعارى دارەجەلى ءمانساپتىلار اۋەجايدا قىزۋ قارسى الىپ، لۋلا زۇڭتۇڭ مەن برازيليانىڭ ۇكىمەتى اتىنان ءتوراعا شي جينپيڭنىڭ ساپارلاي كەلگەندىگىن قىزۋ قارسى الدى.

نەشە ونداعان باتارا كوركەمونەرشىسى قىزۋ مەرەيگە شومعان برازيليانىڭ ەرەكشە بارابان مۋزىكاسىن ورىندادى.

ساي چي، ۋاڭ ي قاتارلى ساپارلاستارى سول ۇشاقپەن بىرگە باردى.

شي جينپيڭ اۆتوكولىكپەن اۋەجايدان قونالقى قوناقجايعا بارا جاتقان جولىندا جەرگىلىكتى ورىنداعى جۇڭگولىق مۇھاجىرلاردىڭ، جۇڭگولىقتاردىڭ، جۇڭگو قارجىلاندىرعان قۇرىلىمداردىڭ جانە شەتەلدە وقىپ جاتقان وقۋشىلاردىڭ ۋاكىلدەرى جولدىڭ جانىندا جۇڭگو مەن برازيليانىڭ مەملەكەت تۋىن بۇلعاپ، ”ءتوراعا شي جينپيڭنىڭ برازيلياعا ساپارلاي كەلگەنىن قارسى الامىز“، ”جۇڭگو مەن برازيليانىڭ دوستىعى جاساسىن!“ دەگەن سياقتى جازۋلار جازىلعان قىزىل كەرمە تۋلاردى بيىك ۇستاپ، شي جينپيڭنىڭ ساپارلاي كەلگەندىگىن قىزۋ قارسى الدى.

شي جينپيڭ 20 ەل توبى باسشىلارىنىڭ 19 - رەتكى باسشىلار ءماجىلىسىنىڭ قيمىلىن اياقتاتقاننان كەيىن ريو - دە - جانەيرودان برازيلياعا باردى.

كەلۋ قاينارى: حالىق تورابى