مەجەمەن وسى ايدىڭ ورتا، سوڭعى شەنىندە ەلىمىزدە جۇقپالى تۇماۋدىڭ تارالۋ دەڭگەيى بىرتىندەپ تومەندەيدى 

ورتالىق تەلەۆيزيا تورابىنىڭ حابارى. مەملەكەتتىك دەنساۋلىق ساقتاۋ – سالاماتتىق كوميتەتى 1 – ايدىڭ 12 – كۇنى اقپار جاريالاۋ ءماجىلىسىن اشىپ، تىنىس جولى اۋرۋلارىنان ساقتانۋ جانە ونى ەمدەۋگە قاتىستى جاعدايلاردى تانىستىردى. مەملەكەتتىك دەنساۋلىق ساقتاۋ سالاماتتىق كوميتەتىنىڭ قاتىستى جاۋاپتىسىنىڭ ايتۋىنشا، قازىر ەلىمىزدە جۇقپالى تىنىس جولى اۋرۋىنىڭ قوزدىرعىشتارىنىڭ بارلىعى بۇرىن بەلگىلى بولعان اۋرۋ قوزدىرعىشتار، مەجەمەن وسى ايدىڭ ورتا، سوڭعى مەزگىلىندە جۇقپالى تۇماۋدىڭ تارالۋ دەڭگەيى بىرتىندەپ تومەندەيدى.

باقىلاپ – تەكسەرۋگە قاراعاندا، بۇكىل ەلىمىز بويىنشا قىزۋدى ەمدەۋ امبۋلاتورياسىنداعى، شۇعىل ەمدەۋ بولىمىندەگى ناۋقاستاردىڭ سانىندا بەلگىلى دارەجەدە جوعارىلاۋ اۋقىمى جارىققا شىققان، الايدا جالپى تۇلعالىق جاقتان وتكەن جىلعى ۇقساس مەزگىلدەگى ورەدەن تومەن بولىپ، ەمدەۋ بايلىعى كورنەكتى كەمشىل بولۋ جاعدايى جارىققا شىقپاعان. بىلتىر 10 ـ ايدان باستاپ، مەملەكەتتىك دەنساۋلىق ساقتاۋ – سالاماتتىق كوميتەتى قاتارلى تاراۋلار الدىن الا ورنالاستىرۋ جاساپ، كۇندەلىكتى باقىلاۋ ـ تەكسەرۋ جۇرگىزىپ، ەمدەۋ قىزمەتكەرلەرى، ءدارى ـ دارمەك قاتارلى ەمدەۋ بايلىقتارىن ۇزدىكسىز ورنالاستىردى.

ونەركاسىپ جانە ينفورماتسيالاندىرۋ مينيسترلىگىنىڭ قاتىستى جاۋاپتىسىنىڭ تانىستىرۋىنشا، ونەركاسىپ جانە ينفورماتسيالاندىرۋ مينيسترلىگى تىنىس جولى اۋرۋلارىنا قاتىستى ءدارى – دارمەكتەردى ءوندىرۋ قۋاتى مەن ءونىم مولشەرىنىڭ جاعدايىنا تالداۋ جاساعان، جالپى تۇلعالىق جاقتان قامداۋ جەتكىلىكتى، بازار ورنىقتى بولدى. قازىر ورتالىق پەن جەرگىلىكتى ورىنداعى ءدارى - دارمەك زاپاس قورىندا، تىنىس جولى اۋرۋلارىن ەمدەۋدە ۇنەمى قولدانىلاتىن ءدارى – دارمەكتەر بەلگىلى مولشەردە بار، ونى شۇعىل جوتكەپ پايدالانۋعا بولادى.

جۇڭگو اۋرۋدان ساقتانۋ جانە ونى تىزگىندەۋ ورتالىعىنىڭ قاتىستى ماماندارىنىڭ تانىستىرۋىنشا، قازىر باسىم كوپ ساندى ولكەلەردە جۇقپالى تۇماۋدىڭ تارالۋ كۇشەمەلىلىگى ورتاشا دەڭگەيدە بولىپ، ورلەۋ اۋقىمى باياۋلادى. بيىل قىس پەن كوكتەمدە جۇقپالى اۋرۋلاردىڭ الما – كەزەك تارالۋ نەمەسە قاباتتاسىپ تارالۋ جاعدايى جالعاساتىن بولادى، بارلىعى دا بۇرىن بەلگىلى اۋرۋ قوزدىرعىشتاردان پايدا بولعان، جاڭادان پايدا بولعان جۇقپالى اۋرۋلار تۋىلمادى.

كەلۋ قاينارى: حالىق تورابى