كوكتەم مەرەكەسى كەزىندە شينجياڭدا تاسجولداردا تەگىن قاتىنايدى

1 - ايدىڭ 10 – كۇنى، ءتىلشى شينجياڭ ۇيعۇر اۆتونوميالى رايوندىق قاتىناس - تاسىمال مەڭگەرمەسىنىڭ شۇعىل جاعدايعا توتەپ بەرۋگە قولباسشىلىق ەتۋ جانە جەلىدە اقى الۋ ورتالىعىنان مىنانى ۇعىستى: كوكتەم مەرەكەسى دەمالىسىندا شينجياڭدا تاسجولداردا 7 ادامدىق جانە ونان تومەن شاعىن تۇرپاتتى جولاۋشىلار اۆتوكولىگىنەن قاتىناۋ اقىسى الىنبايدى. اقىسىز قاتىناۋ ۋاقىتى 1 - ايدىڭ 28 - كۇنى (جاڭا جىلعا قاراعان كۇنى) ساعات نولدەن 2 - ايدىڭ 4 - كۇنى (جاڭا جىلدىڭ 7 - كۇنى) ساعات 24 كە دەيىن بولادى.

2025 - جىلعى كوكتەم مەرەكەسى تاسىمالى 1 - ايدىڭ 14 - كۇنى (ەسكىشە كالەندار بويىنشا 12 - ايدىڭ 15 - كۇنى) باستالىپ، 2 - ايدىڭ 22 - كۇنى (ەسكىشە كالەندار بويىنشا 1 - ايدىڭ 25 - كۇنى) اياقتايدى، جالپى 40 كۇن. وسى ارالىقتا جۇرتشىلىقتىڭ ءجۇرىس –تۇرىسى كورنەكتى تۇردە كۇشەيىپ، ارالى – بەرلى جۇرۋگە بولعان سۇرانىس ارتادى، تاسجولداعى جولاۋشى، زات اينالىمى شوعىرلى بولىپ، زات تاسىمال قاجەتى ارتا تۇسەدى. ونىڭ ۇستىنە كوكتەم مەرەكەسىنىڭ 8 كۇندىك دەمالىسى كەزىندە تۋىسشىلايتىندار، وقۋشىلار، جۇمىسشىلار اعىنى، ساياحات اعىنى جوعارى دەڭگەيدە قاباتتاسىپ، الىس ارالىقتى ولكە اتتايتىندار، شينجياڭنىڭ ىشىندە ءوڭىر اتتايتىنداردىڭ سانى كورنەكتى جوعارىلايدى، مەجەمەن كوكتەم مەرەكەسى كەزىندەگى شينجياڭ تاسجول تورى ۇزدىكسىز جوعارى دەڭگەيدە قاتىناپ، تۇتاس قوعامدا ءوڭىر اتتاعان ادامداردىڭ اعىلۋ مولشەرى تاريحتاعى ەڭ جوعارى دەڭگەيگە جەتەدى.

كەلۋ قاينارى: حالىق تورابى