بەلگىلەنگەن ەمدەۋ، ءدارى ـ دارمەك قۇرىلىمدارى ءوزىن - ءوزى تەكسەرىپ تۇزەتۋدى باستادى 

شينحۋا اگەنتتىگىنىڭ ءتىلشىسى شۇي پىڭحاڭ 1 – ايدىڭ 11 – كۇنى بەيجيڭنەن حابارلايدى. مەملەكەتتىك ەمدەۋدى قامتاماسىزداندىرۋ مەڭگەرمەسى 1 – ايدىڭ 11 – كۇنىڭ ۇقتىرۋ جاريالاپ، ەمدەۋ، ءدارى - دارمەك قۇرىلىمدارىنىڭ ەمدەۋدى قامسىزداندىرۋ قورىنان زاڭعا، بەلگىلەمەگە قايشى پايدالانۋىنا قاتىستى 2025 – جىلعى ءوزىن – ءوزى تەكسەرىپ تۇزەتۋ قىزمەتىنىڭ باستالاتىنىن جاريالادى.

بۇل مەملەكەتتىك ەمدەۋدى قامتاماسىزداندىرۋ مەڭگەرمەسى 2024 - جىلى تۇڭعىش رەت بۇكىل ەلىمىز كولەمىندە بەلگىلەنگەن ەمدەۋ قۇرىلىمدارىنىڭ ءوزىن – ءوزى تەكسەرىپ تۇزەتۋ قىزمەتىن ورىستەتكەننەن كەيىن، ەكىنشى جىلى بۇكىل ەلىمىز كولەمىندە ورىستەتۋى بولىپ تابىلادى.

ۇقتىرۋعا نەگىزدەلگەندە، وسى رەتكى بەلگىلەنگەن ەمدەۋ، ءدارى – دارمەك قۇرىلىمدارىنىڭ ءوزىن – ءوزى تەكسەرىپ تۇزەتۋ قىزمەتىنىڭ كولەمى ءتىپتى دە كەڭ. ءوزىن - ءوزى تەكسەرىپ تۇزەتەتىن نەگىزگى تۇلعالار بەلگىلەنگەن ەمدەۋ قۇرىلىمدارى سىندى ءبىر ءتۇرلى نەگىزگى تۇلعادان بەلگىلەنگەن ەمدەۋ قۇرىلىمدارى مەن ءدارى – دارمەكتى بولشەك ساتاتىن بەلگىلەنگەن ءدارى -دارمەك دۇكەندەرى سىندى ەكى ءتۇرلى نەگىزگى تۇلعاعا دەيىن كەڭەيدى. بەلگىلەنگەن ەمدەۋ قۇرىلىمدارىنىڭ ءوزىن - ءوزى تەكسەرىپ تۇزەتۋ كولەمىنە جۇرەك - قان تامىر ىشكى اۋرۋلار ءبولىمى، سۇيەك ءبولىمى، قان دياليزى، ساۋىقتىرۋ، مەديتسينالىق كەسكىن، كلينيكالىق تەكسەرۋ سىندى 6 سالا نەگىزىندە وسپە، ناركوز، سالماقتى اۋرۋلار شيپاگەرلىگى سىندى 3 سالا تىڭنان قوسىلدى. قايتالاي اقى الۋ، شەكتەن تىس ەمدەۋ قاتارلى تيپتىك ماسەلەلەرگە باعىتتاي وتىرىپ، مەملەكەتتىك ەمدەۋدى قامتاماسىزداندىرۋ مەڭگەرمەسى ماسەلەلەر تىزىمدىگىن جاسادى.

مەملەكەتتىك ەمدەۋدى قامتاماسىزداندىرۋ مەڭگەرمەسىنىڭ قاتىستى جاۋاپتىسى مىنانى ءبىلدىردى: بەلگىلەنگەن ەمدەۋ، ءدارى ـ دارمەك قۇرىلىمدارىنىڭ ءوزىن ـ ءوزى تەكسەرىپ تۇزەتۋىن ورىستەتۋ — ەمدەۋدى قامتاماسىزداندىرۋ تاراۋلارىنىڭ بەلگىلەنگەن ەمدەۋ، ءدارى ـ دارمەك قۇرىلىمدارىنىڭ ءوزىن ـ ءوزى باسقارۋىن كۇشەيتۋىنە جەتەكشىلىك ەتىپ، جوعارى ساپالى دامۋدى جۇزەگە اسىرۋداعى ماڭىزدى ءتاسىلى. بارشا بەلگىلەنگەن ەمدەۋ، ءدارى ـ دارمەك قۇرىلىمدارىنىڭ 2025 ـ جىلعى ءوزىن ـ ءوزى تەكسەرىپ تۇزەتۋ قىزمەتىن ىرىقتىلىقپەن تىڭعىلىقتى ىستەۋىن ءۇمىت ەتەمىز. ءار دارەجەلى ەمدەۋدى قامتاماسىزداندىرۋ تاراۋلارى جەرگىلىكتى ورىننىڭ ەمدەۋدى قامسىزداندىرۋدى باسقارۋ جاعىنداعى ساياساتىمەن ۇشتاستىرا وتىرىپ، ماسەلەلەر تىزىمدىگىن اناعۇرلىم اشالاپ، جەرگىلىكتەندىرىپ، ساندى مالىمەتكە تالداۋ جاساۋدى ىرىقتىلىقپەن ورىستەتىپ، بەلگىلەنگەن ەمدەۋ، ءدارى – دارمەك قۇرىلىمدارىنىڭ ءوزىن – ءوزى تەكسەرىپ تۇزەتۋىنىڭ دالدىگىن جوعارىلاتۋىنا كومەكتەسۋى كەرەك.

ۇعىسۋعا قاراعاندا، 2025 – جىلى 4 - ايدان باستاپ، مەملەكەتتىك ەمدەۋدى قامتاماسىزداندىرۋ مەڭگەرمەسى بۇكىل ەلىمىز كولەمىندە بەلگىلەنگەن ەمدەۋ، ءدارى – دارمەك قۇرىلىمدارىنىڭ ءوزىن – ءوزى تەكسەرىپ تۇزەتۋ جاعدايىنا «ءتورتتى ىستەمەۋ، ەكىنى تىكەلەي اتقارۋ» ءتاسىلى ارقىلى توساتتان تەكسەرۋ جۇرگىزەتىن بولعان. بۇل بارىستا بەلگىلەنگەن ەمدەۋ، ءدارى - دارمەك قۇرىلىمدارىنان ءوزىن - ءوزى تەكسەرىپ تۇزەتۋدە مۇقيات بولماعان، قول ۇشىمەن ىستەگەن نەمەسە جاسىرعان، مالىمدەمەگەن، كوز بوياۋشىلىق ىستەگەندەرى بايقالاتىن بولسا، تەكسەرىپ انىقتاعاننان كەيىن، قاتاڭ تۇردە اۋىر جازالايدى.

كەلۋ قاينارى: حالىق تورابى