قار - مۇز بايلىعى دۋماندى كاسىپ سالاسىنا اينالدى

شىعىس سولتۇستىكتە بارساڭىز، بۇرىن قىستا تىنىشتىق ورنايتىن، قازىر قاربالاستىققا تۇسەتىن بولدى.

قىستىڭ ىزعارلى سۋىعى جۇرتشىلىقتىڭ قىزۋ ىنتاسىن، دامۋدىڭ جالىنىن توسا المادى؛ ول جەردە ەل اۋزىندا ”قارجى قوسۋ“، ”كەڭەيتۋ“، ”ارتۋ“ دەگەن سوزدەر كوپ قولدانىلاتىن سوزگە اينالدى.

بۇل تىزبەكتىڭ ارقاسى ەدى. باس شۋجي شي جينپيڭ بىلاي دەپ باسا دارىپتەدى: ”قار - مۇز ەكونوميكاسىن دامىتۋدى جاڭا ارتۋ ءتۇيىنى ەتىپ، قار - مۇز سپورتىنىڭ، قار - مۇز مادەنيەتىنىڭ، قار - مۇز جابدىقتارىنىڭ، قار -‍ مۇز ساياحاتىنىڭ تۇتاس كاسىپ تىزبەگى بويىنشا دامۋىن ىلگەرىلەتۋ كەرەك“. قار - مۇز بايلىعى دۋماندى كاسىپ سالاسىنا اينالىپ، ۇزدىكسىز جاقسارعان جۇڭگو ەكونوميكاسىنا جاندى تۇسىنىك جازۋدا.

بۇل تىزبەك تۇتىنۋ مەن قارجى قوسۋدىڭ ءبىرىن - ءبىرى جەبەۋىن ىلگەرىلەتتى

ءبىر بەلەتپەن سىرعاناپ، ەمىن - ەركىن وينايدق! حاربين قالاسىنىڭ يابۋلي قالاشىعى، 2025 - جىلعى 9 - كەزەكتى ازيا قىسقى سپورت جارىسىنىڭ شاڭعى جارىس ىستەرىن ۇستىنە الىپ وتكىزەتىن وسى شاعىن قالاشىقتىڭ 3 قارلى تاۋىندا ءبىر - ءبىرىن تۇتاستىراتىن سىرعاناۋ جولى جاسالىپ، 3 تاۋ تۇتاستى، قار - مۇز اۋەسكەرلەرى ءبىر رەت اقشا جۇمساپ، كوپتەگەن قار الاڭىندا سىرعاناي الادى؛

اسىر سالىپ سىرعاناپ، قۇماردان شىقتى! يەلەگەن جەر كولەمى 275 گەكتار كەلەتىن جيلين قالاسى بەيداحۋ شاڭعى دەمالىس رايونىندا 74 قار جولى بار. كاسىپتىك قاردا سىرعاناۋشىلار ەڭ جوعارى بولعاندا 870 مەتر بيىكتىكتەگى قار جولىنان قۇلداپ سىرعانايدى، ادامعا بولەكشە اسەر بەرەدى.

قىزىقتى، باعاسى جوعارى ەمەس، بۇقارانىڭ قالتاسىنا لايىقتى! 12 قار جولى بار شىنياڭ شىعىس سولتۇستىك ازيا قار شاڭعى الاڭىنىڭ كاسىپتىك سيپاتى بەيداحۋعا جەتپەگەنىمەن، كۇندىك ورتاشا جولاۋشى مولشەرى 4000 ادام - رەتتەن اسادى: قالا ورتالىعىنا جاقىن، جەلىلەس تۇتىنۋ بەلەتىنىڭ باعاسى 158 يۋان، قاردا سىرعاناۋ جابدىقتارىمەن اقىسىز قامدالادى، بۇل ۇيرەنشىك سىرعاناۋشىلارعا وتە ۇيلەسەدى؛ قار شاڭعى الاڭى قار ويىندارى رايونىن اشىپ، قاردا جۇيتكۋ سياقتى 28 ءتۇرلى قار ويىندارىن ىسكە قوسىپ، بالالاردىڭ القاۋىنا بولەندى.

الدىڭعى قار ماۋسىمى كەزىندە بىرنەشە قار شاڭعى الاڭىنىڭ جولاۋشى اعىنى، شارۋاشىلىق كىرىسى تۇگەلدەي زور مولشەردە ارتتى. وسى قار ماۋسىمىندا تەبىن السىرەمەي، جاڭا رەكورد جاراتۋ جولىندا قۇلشىنىس جاسالۋدا.

تۇتىنۋ ورلەۋى نەگە سۇيەنىپ وتىر؟

كوپ نەگىزدى تۇتىنۋ ورتاسىن قالىپتاستىردى. ”تۇرلىشە قار شاڭعى الاڭدارىندا تۇرلىشە كورىنىس كەشىرمەلەرى بار؛ءبىر قار شاڭعى الاڭىنىڭ وزىندە دە كوپ ءتۇرلى كاسىپ كۇيى بار“. كوپتەگەن قار شاڭعى الاڭىن كورگەن كاسىپتىك قاردا سىرعاناۋشى ۋ جيڭ بەيداحۋعا قاتتى قىزىعادى، قاردا سىرعانايمىز، قىراۋلى كورىنىسى بار، اراسانعا تۇسەمىز، جەرگىلىكتى كوكونىستەن ءدام تاتامىز، − دەيدى ول. قار شاڭعى الاڭىنىڭ ماڭىنداعى بەيداحۋ قالاشىعى نانگوۋ قىستاعىندا جەرگىلىكتى ورىن 140 نەشە وتباسىنىڭ شارۋالار شاتتىعى ساياجايىن اشۋىنا جەتەكشىلىك ەتتى، شىعىس سولتۇستىكتىڭ جىلى ساكىسى، جەرگىلىكتى ەرەكشەلىككە يە ءدامدى تاعامدارى بار...

ءونىمدى قارجى قوسۋ كولەمىن كەڭەيتتى. بۇرىن شىعىس سولتۇستىك ازيا قار شاڭعى الاڭى قىستا عانا شارۋاشىلىق جۇرگىزەتىن، ءبىر ماۋسىمدا تاپقان تابىسىن ءتورت ماۋسىمعا جۇمسايتىن، جىلدىق كىرىسى 22 ميلليون يۋان عانا بولاتىن؛ 2023 - جىلى ولكە دارەجەلى ءتۇيىندى مادەنيەت - ساياحات نىسانى رەتىندە، قار شاڭعى الاڭى قوعامدىق كۇشتەردى قارجى قوسىپ جۇمىس جۇرگىزۋگە باۋرادى، قىستا شاڭعى تەبۋ، جازدا كوگالدا سەرۋەندەۋ، تۇزدە تۇنەۋ دەگەندەي ءتورت ماۋسىمدىق كاسىپ كۇيىن قالىپتاستىرىپ، 2024 - جىلى 60 ميلليون يۋاننان استام كىرىس ەنگىزدى.

”كەلەسى قادامدا تاعى دا توڭىرەكتەگى نەگىزدىك قۇرىلعىلاردى جوعارىلاتىپ، كاسىپ كۇيىنىڭ يقۋاتىن سايكەستىرۋدى كەمەلدەندىرۋ كەرەك“. قار شاڭعى الاڭى مەن ونىڭ توڭىرەگىنىڭ دامۋىن تىلگە تيەك ەتكەندە، شىنياڭ قالاسى باستىعىنىڭ ورىنباسارى، قالالىق مادەنيەت - ساياحات جانە راديو - تەلەۆيزيا مەكەمەسىنىڭ باستىعى ليۋ كىبين بىلاي دەدى: ءونىمدى بازار مەن تىندىرىمدى ۇكىمەتتىڭ قاتىناسىن ءبىر تۇتاس جوسپارلاپ، تۇتىنۋ مەن قارجى قوسۋ ءبىرىن - ءبىرى جەبەيتىن تاماشا اينالىم قالىپتاستىرۋ كەرەك.

وسى تىزبەك گۋمانيتارلىق جانە ەكونوميكا سىندى قوس باعىتتان قۋات ۇستەدى

قار شاڭعى الاڭىندا بۇعىلار دا بار ما؟

جەرگىلىكتى ورىننىڭ ۇسىنىسىمەن، ىشكى موڭعۇل حۋلۇنبيرگەن قالاسى اۋلۋگويا ەۆەنكى ۇلتتىق اۋىلىنان كەلگەن جاۋ ي - مان اۋىلىنداعى 8 بۇعىنى الىپ شىعىس سولتۇستىك ازيا قار شاڭعى الاڭىنا كەلدى. تىلشىلىك ىستەپ بارعانىمىزدا ول ساياحاتشىلارمەن اڭگىمەلەسىپ تۇر ەكەن: مەنىڭ ناعاشى اپام − «ەرگۋنا وزەنىنىڭ وڭ جاعالاۋىندا» اتتى كىتاپتاعى باس كەيىپكەردىڭ پروتوتيبى، ”جۇڭگوداعى ەڭ سوڭعى ايەل ۇلىق“ دەپ اتالعان ماريا سو. مەنىڭ اتا - بابالارىم ۇرپاقتار بويى ۇلكەن ھينگان تاۋىنداعى بايىرعى ورماندا كوشىپ - قونىپ مال باعىپ، اڭ اۋلايتىن. كەيىن قونىس ورتامىزدىڭ وزگەرۋىنە، اڭ اۋلاۋعا جاپپاي تيىم سالۋعا بايلانىستى، ءبىز ساياحاتتان كىرىس ەنگىزە باستادىق...

سولتۇستىككە بەت الىپ، حۋلۇنبير ەۆەنكى اۆتونوميالى حوشۇنىنا كەلدىك. اپتانىڭ سوڭىندا، بۇل ارادا توپتىق سوعىم ازىرلەۋ قيمىلى وتكىزىلۋدە. سيىر، قوي ەتى جانە 10 نەشە جەرگىلىكتى ەرەكشە ءدامدى تاعام اۆتونوميالى حوشۇن مادەنيەت - يگىلىك جاراتۋ باقشاسىنا مولداپ قويىلىپتى. يگىلىك جاراتۋ باقشاسىندا بەيزاتتىق مادەني مۇرانى سەزىنۋ سارايىن اشقان ەۆەنكى ۇلتىنىڭ تۇرعىنى اجيما بىلاي دەدى: بالا كەزىمىزدە سوعىمعا سيىر، قوي سويىپ، ەتىن ۇلكەن ساندىققا باسىپ الاتىنبىز، بۇل قىسقى ازىق - تۇلىك زاپاسىىمىز ەدى. بۇگىنگى كۇندە، تاۋ ساعالاپ، سۋ جاعالاپ جۇرەتىن كوشپەندى تۇرمىسقا قوش ايتىپ، سوعىم سويۋ جارمەنكە قيمىلىنا اينالىپ، ءداستۇرلى ۇلتتىق سالت - سانانى ەسكە تۇسىرۋمەن بىرگە، ساياحاتتىق تۇتىنۋعا دا دەم بەردى، ”جازعى، قىسقى ساياحاتتىڭ قاۋىرت مەزگىلىندە بەيزاتتىق مادەنيەت مۇرالار سارايىنىڭ جىلدىق پايداسى شامامەن 300 مىڭ يۋانعا جەتەدى“.

حۋلۇنبيرگە قاردى كورۋگە ارنايى كەلگەن گۋاڭجوۋلىق ساياحاتشى چىن پيڭ قار - مۇز مادەنيەتىنەن تەرەڭ اسەر الىپتى، ول: ”ءبىر ۇلتتىڭ تۇرمىسىنىڭ، مادەنيەتىنىڭ وزگەرىستەرى مەن دامۋىن كوردىم“ دەدى. حۋلۇنبير قالا رايونىنان وتەتىن يمىن وزەنىنە كوز سالساڭىز، جاعالاۋىنا ۇلتتىق ەرەكشەلىككە يە كيىز ۇيلەر قاز - قاتار تىزىلگەن، بۇل ارادا ”كۇن سايىنعى قار - مۇزداعى نادام“ قيمىلى وتكىزىلىپ جاتىر، كوپتەگەن ساياحاتشى قورالانا ۇلتتىق ءان - ءبيدى تاماشالاپ، ساداق اتۋ ويىنىنا كىرىسكەن...

قار - مۇز شارۋاشىلىعى دامۋىنىڭ استارىندا مادەنيەت ورلەۋى جاتىر. جالپى ۇزىندىعى 1400 مەتردەن اساتىن عاسىرلىق كونە كوشە حاربين ورتالىق كوشەسىنە كىرسەڭىز، نولدەن تومەن 20 سەلتسي گرادۋس سۋىق بولسا دا ، ساياحاتشىلار قايشالىسادى. كەز كەلگەن جەردەن ەۆروپا ۇلگىسىندەگى كونە قۇرىلىستاردى، قار - مۇز كورىنىستەرىن كورەسىز، بۇلار مادەنيەتتەگى ەسىك اشۋ مەن كوپ نەگىزدى بولۋدى اڭعارتادى. حۋبەيلىق ساياحاتشى شىن ليڭ كويلەگىنىڭ ەتەگىن جەلبىرەتىپ، تۇرلىشە كورىنىس تۇيىندەرىندە سۋرەتكە تۇسۋدە، ءار رەت سۋرەتكە ءتۇسىپ بولعاننان كەيىن، ساياحاتتاي ءجۇرىپ سۋرەتكە الۋ سەرىكتەستىگىنىڭ قىزمەت وتەۋشىلەرى شىعىس سولتۇستىكتىڭ گۇلدى مەشپەتى مەن جەمجەمىل شايىن ۇسىنۋدا، ”كۇن وتە سۋىق، ءبىراق كورىنىسى وتە كوركەم، كوڭىلىمىز توق“ دەيدى ول.

ساۋدا، ساياحات، مادەنيەت، دەنە تاربيە ىستەرى ىشكەرىلەي توعىسىپ، گۋمانيتارلىق جانە ەكونوميكا سىندى قوس باعىتتا قۋات ۇستەدى. وسى قار ماۋسىمىنان بەرى ورتالىق كوشەنىڭ كۇندىك جولاۋشى مولشەرى 300 مىڭ ادام - رەتتەن، مەرەكە - مەيرام كۇندەرى 800 مىڭ ادام - رەتتەن استى.

وسى تىزبەكتە ورنىقتىلىق پەن ىلگەرىلەۋدىڭ ديالەكتيكالىق قاتىناسى قامتىلعان

جارقىراعان كونكي تاباندىعى، بۇل − چاڭچۇن باينيڭدۇن دەنە تاربيە بۇيىمدارى شەكتى سەرىكتەستىگى زەرتتەپ جاساعان 3D باسۋ جۇيەسىنەن شىققان تيتان قورىتپاسى كونكي تاباندىعى. سەرىكتەستىكتىڭ جاۋاپتىسى ۋاڭ ياڭ قوس قولىمەن كۇش سالىپ، بولىمسىز دوعاشا يمەك پىشىنگە كەلتىردى، ”بۇل جۇمساقتىعىنىڭ جاقسى ەكەندىگىن، ادامدى ورنىقتى ۇستاپ تۇرا الاتىندىعىن تۇسىندىرەدى“ دەدى ول.

وسى كونكي تاباندىعىن باينيڭدۇن سەرىكتەستىگى 10 نەشە جىل زەرتتەپ جاسادى، شەشۋشى تەحنيكالاردان قامال الىپ، قايتا - قايتا سىناق جۇرگىزدى... 20 جىلدىڭ الدىندا ۋاڭ ياڭ قىسقا ارالىققا تەز سىرعاناۋ سپورتشىسى بولاتىن، كونكي شاقايى، كونكي تاباندىعى تۇگەلدەي شەتەلدەن يمپورت ەتىلەدى، باعاسى جوعارى، تاعى دا ءوزىنىڭ اياق ءپىشىنى، سپورت ادەتى بويىنشا وزگەرتۋگە تۋرا كەلەتىن؛ بۇل كۇندە ولار وندىرگەن كونكي تاباندىعىنا، كونكي شاقايىنا تاپسىرىس بەرۋ مولشەرى جىلىنا 10 مىڭ جۇپتان اسىپ، ەل ءىشى - سىرتىنداعى كوپتەگەن سپورتشىنىڭ قىسقى وليمپيادا سياقتى حالىقارالىق جارىستاردا اعا جۇلدەگەر بولۋىنا كومەكتەستى.

مۇز بەينە اينانىڭ بەتى سياقتى. بيڭشان توبى دالياندا قۇرعان 1650 شارشى مەترلىك مۇز الاڭىندا كومىرتەگى قوس توتىعىنان مۇز جاساۋ تەحنيكاسى قولدانىلعان، تومەن كومىرتەكتى، ورتانى قورعايدى. كۇشتى توڭازىتۋ جۇيەسى مۇز بەتىنىڭ تەمپەراتۋراسىن باستان - اياق نولدەن تومەن 6 سەلتسي گرادۋستان تومەن كۇيدە ساقتاپ تۇرادى؛ مۇز الاڭىنىڭ سىرتىنداعى كيىم اۋىستىرۋ بولمەسى جىلى، ەنەرگيا ۇنەمدەۋ جوباسى قولدانىلعان، مۇندا سۋىتۋدان پايدا بولعان قالدىق جىلۋدى جيناپ العاننان كەيىن جىلۋمەن قامدايدى.

وسى مۇز بەيجيڭ قىسقى وليمپياداسىنا قاتىستى جارىستار مەن جاتتىعۋ سارايلارىنا قولدانىلىپ، ساۋدالىق تۇرعىدان جالپىلاستىرىلدى. 2015 - جىلى بيڭشان توبى قار - مۇز ىستەرى ءبولىمىن قۇردى، قازىر جابىق مۇز الاڭى قۇرىلىسىن جاڭالاۋ كاسىبى بويىنشا ەل ءىشى بازارىنداعى ۇلەسى %60 تەن استى، قار - مۇز كاسىبى بولەگىندەگى شارۋاشىلىق كىرىسى تاياۋ جىلداردان بەرى %20 تەن استام ارتتى.

مۇز جانە كونكي تاباندىعى عىلىم - تەحنيكادا جاڭالىق اشۋ ارقىلى جاڭا وندىرگىش كۇشتەردىڭ دامۋىنا جەتەكشىلىك ەتۋدى ايگىلەدى: باينيڭدۇن سەرىكتەستىگى كوپتەگەن جوعارى مەكتەپتەرمەن ءوندىرىس، وقىتۋ، زەرتتەۋ سەلبەستىگىن ورناتىپ، تاياۋدا زەرتتەپ جاساعان D3 باسۋ جۇيەسىنەن شىققان تيتان قورىتپاسى كونكي تاباندىعى چاڭچۇن قالاسىنىڭ عىلىم - تەحنيكانى دامىتۋ جوسپارىنىڭ قولداۋىنا يە بولدى؛ بيڭشان توبى ءار جىلى 30 ميلليون يۋان قارجى قوسىپ، ”قابىلەتتىلەر باستاماشى بولىپ ىستەۋگە“ جۇمساپ، كاسىپورىن سۇراۋ شىعارىپ، عىلمي زەرتتەۋ ورنى جاۋاپ قايتاردى.

مۇز جانە كونكي تاباندىعى ورنىقتىلىق پەن ىلگەرىلەۋشىلىكتى بەينەلەدى. ”قار - مۇز ەكونوميكاسى مادەنيەت - ساياحات ەكونوميكاسى عانا ەمەس“. جيلين داشۋەسى قار - مۇز ساياحات الاڭىن جابدىقتاۋ جانە زەردەلى قىزمەت وتەۋ تەحنيكاسى مادەنيەت جانە ساياحات مينيسترلىگى ءتۇيىندى تاجىريبەحاناسىنىڭ مەڭگەرۋشىسى شين بىنلۋ بىلاي دەپ قارادى: ۇكىمەت قىزمەت وتەۋ مەن قارجى قوسۋعا جەتەكشىلىك ەتۋدى ويداعىداي ىستەپ، تاماقتانۋ، جاتىن ورىن، ءجۇرىس - تۇرىس، ساياحات، ساتىپ الۋ، كوڭىل اشۋ سياقتى سايكەستى كاسىپ تىزبەگىن ساپالىلاندىرىپ، ورنىقتىلىق بارىسىندا ىلگەرىلەۋدى جەبەۋى؛ ونان دا ماڭىزدىسى، عىلىم - تەحنيكادا جاڭالىق اشۋ ارقىلى قار - مۇز جابدىقتارىنىڭ جاڭالانۋىنا، قۇرىلعىلاردىڭ دەڭگەيىن جوعارىلاتۋعا، كاسىپ سالاسىنىڭ ساپاسىن جوعارىلاتۋعا جەتەكشىلىك ەتىپ، ىلگەرىلەۋ ارقىلى ورنىقتىلىقتى جەبەۋدى جۇزەگە اسىرۋى كەرەك، ”جوعارى عىلىم - تەحنيكا، جوعارى ونىمدىلىك، جوعارى ساپالى ەرەكشەلىك بولعان سايىن كاسىپ سالالارىنىڭ دامۋى سولعۇرلىم جاقسارادى. قار - مۇز بازارىنىڭ كەڭەيۋىنە ىلەسە، قار - مۇز جابدىقتارىن جاساۋ كاسىبى جاڭا كەڭىستىكتى قارسى الادى“.

شىعىس سولتۇستىك ءوڭىر قار - مۇز جابدىقتارى كاسىپ سالاسى باقشاسىن كەلەلى نىساندار جوباسى قۇرىلىسىنا ەنگىزدى. ورنىقتىلىقتىڭ نەگىزى بەكەمدەلۋدە، ىلگەرىلەۋدىڭ قوزعاۋشى كۇشى جينالۋدا، جاڭاشا وندىرگىش كۇش جەدەل قالىپتاسۋدا.

وسى تىزبەك ءىش پەن سىرتتىڭ سەلبەسۋى سىندى ءداۋىر حيكاياسىن ايتۋدا

”ليۋ مەكەمە باستعى، شىنياڭداعى قار - مۇز فەستيۆالىن قاي جەرلەرگە تانىستىرامىز؟“

”مەن حاربين قار - مۇز الەمىن تانىستىرامىن! سىزدەردىڭ شىنياڭعا كەلۋلەرىڭىزدى قارسى الامىز“.

بۇل تاياۋدا ليۋ كىبين مەن ءبىر ساياحات مەكەمەسىندەگى دوستاردىڭ ديالوگى ەدى. شىنياڭدا قىزمەت ىستەگەن بولسا دا، ول حاربيننىڭ جارشىسى بولاتىنىن، شىعىس سولتۇستىك دەپ اتالاتىن ورتاق مەكەنى بار ەكەنىن ايتتى.

وسى بىرنەشە جىلدا حاربين قالاسى ورتالىق كوشەسى جاياۋلار كوشەسىن باسقارۋ كوميتەتىندە قىزمەت ىستەگەن لۋ شي وسى كوشە رايونىنىڭ بارعان سايىن ”حالىقارالىق بەينەگە“ يە بولعاندىعىن كوردى: جارىس بەلگىسى، قۇت بەلگىسى سياقتى ازيا قىسقى سپورت جارىسىنىڭ ەلەمەنتتەرىن كەز كەلگەن جەردەن كەزدەستىرۋگە بولادى، كوپ ساندى تانىستىرما بەلگىلەر حانزۋشا، اعىلشىنشا، ورىسشا جازىلعان، جارتىسىنان استام ساۋدا دۇكەندەرى شەتەل كارتچكاسىمەن تىكە اقى تولەۋدى جۇزەگە اسىرعان.

قار - مۇز ەكونوميكاسى وڭىرلەردىڭ سايكەستى دامۋىن جەبەپ، جوعارى دەڭگەيدە سىرتقا ەسىك اشۋدى ىلگەرىلەتۋدە: 2024 - جىلى «شىعىس سولتۇستىكتەگى 3 ولكە، ءبىر رايوننىڭ ساياحات كاسىبىنىڭ سايكەستى دامۋىن جەبەۋ جونىندەگى قارار» شىعارىلىپ، حالىقارالىق ىقپالعا يە قار - مۇز ساياحات ماركاسىن بىرگە جاراتتى؛ 2024 - جىلدان بەرى ازيا قىسقى سپورت جارىسى، جۇڭگو - شاڭحاي سەلبەستىك ۇيىمىنىڭ قار - مۇز سپورتىنان ۇلگى كورسەتۋ رايونى حيلۇڭجياڭعا ىرگە تەپتى، شىعىس سولتۇستىكتەگى حالىقارالىق جارىستار كوبەيىپ، شەكارا اتتاعان اۋىس - كۇيىس كۇشەيدى، حيلۇڭجياڭنىڭ وزىندە 19 رەت قار - مۇز ءتۇرى حالىقارالىق جارىستارى وتكىزىلدى.

جيلين مياۋشياڭشان اراسان قار شاڭعى دەمالىس رايونىنىڭ نەگىزىن سالۋشى ۋاڭ يۇڭ باسقا 4 قار شاڭعى الاڭىمەن 2018 - جىلى قۇرىلعان مەملەكەتتىك قار شاڭعى الاڭى وداعىن قۇرعاندارىن ماقتانىش ەتەدى، قازىر مۇشە ورىندار 130 دان استى. الدىڭعى قار ماۋسىمىندا وداق شاڭعى بىرلەسكەن جارىسىن ۇيىمداستىرىپ، 9 بەكەتتىك بولىمشە ايالداما جارىسى مەن ءبىر بەكەت جالپى شەشۋشى جارىستى ورنالاستىرىپ، جۇڭگو مەن شەتەلدەن 3000 نان استام قار - مۇز اۋەسكەرىن باۋرادى. ”ءبىر بەكەت، ءبىر بەكەتتەن سىرعانايدى، ولكە، ولكە بولىپ قار - مۇز سپورتىن، قار - مۇز ەكونوميكاسىن تانىستىرادى“. ۋاڭ يۇڭ بىلاي دەدى: ءبىز شەتەلدەگى ايگىلى قار شاڭعى الاڭىمەن ءتۇيىلىسىپ، كەلەسى قادامدا ەل ءىشى - سىرتىنداعى بولىمشە پۋنكتتەردى قۇرامىز.

شىعىس سولتۇستىكتى ارالاساڭىز، ءىش پەن سىرتتىڭ سەلبەسۋىندەگى ءداۋىر حيكايالارىن سەزىنەسىز، مۇنىڭ استارىندا جالپى جاعدايمەن توعىسىپ، جالپى جاعدايعا قىزمەت وتەپ، بازاردى ۇلعايتۋ دەيتىن مىعىم سەنىم جاتىر.

وسى قار ماۋسىمىنان بەرى مياۋشياڭشان اراسان شاڭعى تەبۋ دەمالىس رايونىندا الدىڭعى قار ماۋسىمىنداعى سايكەس مەزگىلمەن سالىستىرعاندا، جولاۋشى اعىنى مەن شارۋاشىلىق كىرىسى بىردەي ارتتى. ۋاڭ يۇڭ تەبىرەنە: وڭىرلەردىڭ سايكەسە دامۋى جانە جوعارى دەڭگەيدە سىرتقا ەسىك اشۋى ارقىلى كاسىپورىنداردىڭ باياندى، جوعارى ساپالى دامۋىنىڭ ارىنى نىعايىپ، ءورىسى كەڭەيدى.

كەلۋ قاينارى: حالىق تورابى