«باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىنا جالپى شولۋ» باسپادان شىعىپ تاراتىلدى

شينحۋا اگەنتتىگى، 1 ـ ايدىڭ 16 ـ كۇنى، بەيجيڭ. شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن اناعۇرلىم تەرەڭ ءتۇسىنۋ، ءدال، ناقتى تياناقتاندىرۋ ءۇشىن، ورتالىق كوميتەت ۇيىمداستىرۋ ءبولىمى «باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىنا جالپى شولۋ» (تومەندە قىسقاشا «جالپى شولۋ» دەلىنەدى) كىتابىن قۇراستىرىپ جازۋعا ۇيىمداستىردى، پارتيا قۇرىلىسى وقۋلىقتارى باسپاسى جاعىنان باسپادان شىقتى، وسى كۇننەن باستاپ بۇكىل ەلدە تاراتىلدى.

پارتيا 18 ـ قۇرىلتايىنان بەرى باس شۋجي شي جينپيڭ قانداي ۇزاق ۋاقىت بيلىك جۇرگىزەتىن ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ سىندى كەلەلى داۋىرلىك تاقىرىپتى ارقاۋ ەتىپ، پارتيانى جاپپاي قاتاڭ جونگە سالۋ سىندى وسى نەگىزگى تاقىرىپتى، نەگىزگى جەلىنى كورنەكتىلەندىرىپ، پارتيانى باسقارۋ، پارتيانى جونگە سالۋ، پارتيانى گۇلدەندىرۋ، پارتيانى قۇدىرەتتەندىرۋ جونىندەگى ءبىر قىدىرۋ جاڭا ۇستانىم، جاڭا يدەيا، جاڭا ستراتەگيانى العا قويىپ، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن قالىپتاستىردى. باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىنىڭ مازمۇنى باي، ءمانى تەرەڭ بولىپ، ءبىر قىدىرۋ جاسامپازدىق جەتىستىكتەرمەن ماركسيزمدىك پارتيا قۇرۋ ءىلىمىن بارىنشا بايىتتى جانە دامىتتى، بۇل پارتيامىزدىڭ ماركسيزمدىك بيلىكتى پارتيا قۇرىلىسىنىڭ زاڭدىلىعى جونىندەگى تانىمىنىڭ تىڭ دەڭگەيگە جەتكەندىگىن، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ”پارتيا قۇرىلىسى تاراۋىن“ قالىپتاستىرعاندىعىن اڭعارتىپ، جاڭا داۋىردەگى پارتيا قۇرىلىسىنىڭ جاڭا دا ۇلى ينجەنەرياسىن ىشكەرىلەي ىلگەرىلەتۋگە، جاڭا داۋىردەگى ۇيىمداستىرۋ قىزمەتىن ويداعىداي ىستەۋگە ءتۇبىرلى تياناق ازىرلەدى.

«جالپى شولۋ» العى ءسوز، نەگىزگى ءماتىن، سوڭعى سوزدەن قۇرالعان، جيىنى 121 مىڭ ءارىپ. باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىنىڭ وزەكتى ءمانىن، باي مازمۇنىن، امالياتتىق تالابىن جۇيەلى بايىمداپ، پارتيا قۇرىلىسىنىڭ ءتۇبىرلى پرينسيبىن، عىلمي ورنالاستىرۋىن، قۇن تالپىنىسىن، ءتۇيىندى مىندەتتەرىن ىشكەرىلەي بايىمداپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ پارتيا قۇرىلىسى سالاسىنداعى ءتول جاسامپازدىق ۇلەسىن جان ـ جاقتى بەينەلەدى. «جالپى شولۋدىڭ» مازمۇنى باي، كوزقاراسى ايقىن، بايىمداۋى تەرەڭ، لوگيكاسى قاتاڭ، ساياسيلىعى، يدەيالىلىعى، جۇيەلىلىگى، جەتەكشىلىگى كۇشتى، قالىڭ پارتيا مۇشەلەرىنىڭ، كادرلاردىڭ باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن ىشكەرىلەي ۇيرەنۋدەگى، تۇسىنۋدەگى بەدەلدى كومەكشى وقۋلىعى سانالادى.

ورتالىق كوميتەت ۇيىمداستىرۋ ءبولىمى ۇقتىرۋ باسىپ تاراتىپ، ءار دارەجەلى ۇيىمداستىرۋ تاراۋلارىنان پارتيا مۇشەلەرىن ءتۇپ نۇسقانى مۇقيات وقۋعا، ءتۇپ نۇسقانى ۇيرەنۋگە، قاعيدانى تۇسىنۋگە ۇيىمداستىرىپ، «جالپى شولۋدى» تاربيەلەۋ - باۋلۋدىڭ وقۋلىعى جانە ۇيرەنۋدە، ءسوزسىز، وقيتىن كىتاپ ەتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ ، يدەيادا، ساياسيدا، ارەكەتتە شي جينپيڭ جولداستى ۇيىتقى ەتكەن پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاپ، پارتيا قۇرىلىسى مەن ۇيىمداستىرۋ قىزمەتىنىڭ جاڭا جاعدايىن قۇلشىنا اشىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە پارمەندى ۇيىمدىق كەپىلدىك ازىرلەۋدى تالاپ ەتتى.

كەلۋ قاينارى: حالىق تورابى