بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.01.17 16:07 كەلۋ قاينارى : حالىق تورابى
شينحۋا اگەنتتىگى، 1 ـ ايدىڭ 16 ـ كۇنى، بەيجيڭ. 1 ـ ايدىڭ 16 ـ كۇنى مەملەكەت ءتوراعاسى شي جينپيڭ موناكونىڭ مەملەكەت باسشىسى كنياز II البەرمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 30 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن موناكو ديپلوماتيالىق قارىم - قاتىناس ورناتقان 30 جىلدان بەرى ەكى ەلدىڭ قارىم - قاتىناسى باياندى دامىدى. ەكى جاق شىنايى دوستىققا، تەڭ تۇرعىدا مامىلە جاساۋعا تاباندى بولىپ، ساياسي ءوزارا سەنىمدىلىك پەن ءداستۇرلى دوستىقتى ۇزدىكسىز تەرەڭدەتىپ، حابارلاسۋ، قورشاعان ورتانى قورعاۋ، دەنە تاربيە، كوركەمونەر سياقتى سالالارداعى سەلبەستىك باي مازمۇندى ەرەكشەلىككە يە بولىپ، سۇبەلى تابىستارعا قول جەتكىزىپ، تۇرلىشە جەردەگى، تۇرلىشە تاريحي مادەنيەتتەگى، تۇرلىشە قوعامدىق تۇزىمدەگى ەلدەردىڭ دوستىق قارىم ـ قاتىناسىنىڭ، بىرگە دامۋىنىڭ ۇلگىسىنە اينالدى. مەن جۇڭگو - موناكو قارىم - قاتىناسىنىڭ دامۋىنا ايرىقشا ءمان بەرەمىن، كنياز II البەرمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن جاڭا باستاما ەتىپ، جۇڭگو - موناكو قارىم - قاتىناسىنىڭ ۇزدىكسىز تىڭ ىلگەرىلەۋشىلىكتەرگە قول جەتكىزۋىن ىلگەرىلەتىپ، ەكى ەل حالقىن اناعۇرلىم مول باقىتقا كەنەلتۋدى قالايمىن.
كنياز II البەر مىنالاردى ءبىلدىردى: موناكو مەن جۇڭگو ەكى ەلدىڭ ۇلكەن - كىشىلىگى، مادەنيەتى، مەملەكەت جاعدايى ۇقساماعانىمەن، باستان - اياق ءوزارا قۇرمەت ەتۋگە، اۋىس - كۇيىس جاساپ، ءوزارا ۇلگى الۋعا تاباندى بولىپ، قورشاعان ورتانى قورعاۋ، تەڭىز - مۇحيت، ەكونوميكا - ساۋدا، مادەنيەت سياقتى سالالارداعى سەلبەستىگى اسا ناتيجەلى بولدى. ءتوراعا شي جينپيڭنىڭ 2019 ـ جىلى موناكودا مەملەكەتتىك ساپاردا بولۋى − بۇكىل موناكو حالقىنىڭ ەستەن كەتپەس مەملەكەتتىك سالتاناتتى ءىسى. موناكو موناكو ـ جۇڭگو قارىم ـ قاتىناسىن دامىتۋعا ايرىقشا ءمان بەرەدى. مەن ءتوراعا مىرزامەن بىرگە ءوزارا سەنىمدىلىكتى تەرەڭدەتىپ، سەلبەستىكتى كەڭەيتىپ، موناكو - جۇڭگو قارىم - قاتىناسىنىڭ اناعۇرلىم كوپ ناتيجەگە قول جەتكىزۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.
كەلۋ قاينارى: حالىق تورابى
