جاڭا داۋىردە شىعىس سولتۇستىكتى جاپپاي گۇلدەندىرۋدى ىلگەرىلەتۋ ستراتەگيالىق ورنالاستىرۋىن ىشكەرىلەي تياناقتاندىرىپ، جۇڭگو ۇلگىسىندەگى وسىزامانداندىرۋ قۇرىلىسىندا اناعۇرلىم زور ىسكەرلىك كورسەتۋ كەرەك

2 - ايدىڭ 8 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جيلين ولكەسىنىڭ چاڭچۇن قالاسىندا جيلين ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

«حالىق گازەتى»، 2 - ايدىڭ 8 – كۇنى، چاڭچۇن. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جيلين ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداعاندا بىلاي دەپ باسا دارىپتەدى: جيلين پارتيا ورتالىق كوميتەتىنىڭ جاڭا داۋىردە شىعىس سولتۇستىكتى جاپپاي گۇلدەندىرۋدى ىلگەرىلەتۋ جونىندەگى ستراتەگيالىق ورنالاستىرۋىن ىشكەرىلەي تياناقتاندىرىپ، شىعىس سولتۇستىكتىڭ مەملەكەتتىڭ ”بەس ۇلكەن حاۋىپسىزدىگىن“ قورعاۋداعى ماڭىزدى بورىشىن مىقتاپ يگەرىپ، دامۋدىڭ تابان تىرەر تياناعىن جوعارى ساپالى دامۋعا قويۋعا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىنا بەلسەنە قىزمەت وتەپ جانە ونىمەن توعىسىپ، رەفورما جاساپ، ەسىك اشۋدى ونان ارى جاپپاي تەرەڭدەتىپ، ورايدى يگەرىپ، ۇتىمدى ساتتەن پايدالانىپ العا ۇمتىلىپ، باتىلدىقپەن جاڭالىق اشىپ، قاجىرلىلىقپەن ىستەپ، تىڭعىلىقتى ىستەپ، جۇڭگو ۇلگىسىندەگى وسىزامانداندىرۋ قۇرىلىسىندا اناعۇرلىم زور ىسكەرلىك كورسەتۋى كەرەك.

2 - ايدىڭ 8 - كۇنى تۇستەن بۇرىن شي جينپيڭ جيلين ولكەسىنىڭ چاڭچۇن قالاسىندا جيلين ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭدادى. ولكەلىك پارتكومنىڭ شۋجيى حۋاڭ چياڭ مالىمەت بەردى، ولكە باستىعى حۋ يۇيتيڭ قاتارلىلار مالىمەت بەرۋ ماجىلىسىنە قاتىناستى.

مالىمەتتى تىڭداعاننان كەيىن شي جينپيڭ ماڭىزدى ءسوز سويلەپ، جيليننىڭ ءتۇرلى قىزمەتتە قول جەتكىزگەن ناتيجەلەرىن تۇراقتاندىرىپ، كەلەسى قادامداعى قىزمەت جونىندە تالاپ قويدى.

شي جينپيڭ بىلاي دەپ اتاپ كورسەتتى: جوعارى ساپالى دامۋ جاڭالىق اشۋ ارقىلى دەم بەرۋ مەن كاسىپ سالاسىنىڭ تىرەك بولۋىنان ايرىلا المايدى. ناقتى ەكونوميكا سىندى وسى نەگىزدى بەرىك ساقتاپ، ءداستۇرلى كاسىپ سالاسىنىڭ تيپ جاڭالاۋىن، ابزال كاسىپ سالاسىن زورايتۋدى جانە جاڭاشا وندىرگىش كۇشتى جەتىلدىرۋدى ءبىر تۇتاس جوسپارلاپ ىلگەرىلەتىپ، جيلين ەرەكشەلىگىن ايگىلەيتىن وسىزاماندانعان كاسىپ سالاسى جۇيەسىن ورناتۋ كەرەك. عىلىم - تەحنيكادا جاڭالىق اشۋدى كاسىپ سالاسىندا جاڭالىق اشۋمەن تەرەڭ توعىستىرۋدى ىلگەرىلەتىپ، عىلمي زەرتتەۋ بايلىعى مەن كۇشتەرىن بىرىكتىرىپ، كاسىپورىنداردىڭ جاڭالىق اشۋداعى تۇلعالىق ورنىن كۇشەيتىپ، جاڭالىق اشۋ ەكولوگياسىن ساپالىلاندىرىپ، ءبىر توپ كەلەلى عىلىم - تەحنيكالىق ارناۋلى نىساندا تىڭ ناتيجەگە قول جەتكىزۋگە كۇش سالىپ، عىلىم - تەحنيكا جەتىستىكتەرىنىڭ رەال وندىرگىش كۇشكە اينالۋىن ىلگەرىلەتۋ كەرەك. ەكولوگيالىق ورتانى قورعاۋ مەن جاسىل، تومەن كومىر قىشقىل گازدى دامۋدى ءبىر تۇتاس جوسپارلاپ، قار - مۇز، جاراتىلىستىق كورىنىس، ۇلتتار ادەت - عۇرپى سياقتى ەرەكشەلىككە يە بايلىقتان پايدالانىپ ساياحات كاسىبىن دامىتۋ كەرەك. ءوڭىردىڭ سايكەستى دامۋىن ءبىر تۇتاس جوسپارلاپ، چاڭچۇننىڭ وسىزاماندانعان قالا شەڭبەرى قۇرىلىسىن ىلگەرىلەتىپ، شىعىس سولتۇستىكتەگى وزگە ولكەلەرمەن سايكەسىپ بىرگە ارەكەتتەنۋگە باسا ءمان بەرىپ، توعىسا داميتىن اۋقىم قالىپتاستىرۋ كەرەك.

شي جينپيڭ بىلاي دەپ باسا دارىپتەدى: رەفورما جاساپ، ەسىك اشۋدى ونان ارى جاپپاي تەرەڭدەتۋ شىعىس سولتۇستىكتى جاپپاي گۇلدەندىرۋدە ايرىقشا ماڭىزدى. جاڭا دامۋ اۋقىمىن قالىپتاستىرۋعا، جوعارى ساپالى دامۋدى ىلگەرىلەتۋگە تۇساۋ بولاتىن بوگەتتى تۇيىندەر مەن القىمداعان تۇيىندەر جانە حالىق تۇرمىسى سالاسىنداعى قيىن تۇيىندەر مەن سىزداۋ تۇيىندەرى ماسەلەسىن كوزدەپ، رەفورما كەڭەستىك تاقىرىپتارىن بەلگىلەپ، رەفورما جوباسىن قالىپتاستىرىپ، تەرەڭ قاتپارلى قايشىلىقتاردى كۇش سالا شەشىپ، ءتۇزىلىس، مەحانيزم كەدەرگىلەرىن تالقانداۋ كەرەك. مەيلى مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن تەرەڭدەتۋدە بولسىن، الدە حالىقتىق شارۋاشىلىقتىڭ دامۋىن جەبەۋدە بولسىن، بارلىعىندا ساياسات، بەلگىلەمەلەردى جاپپاي تياناقتاندىرىپ، تيپتەر ارقىلى جەتەكتەۋگە ءمان بەرىپ، جالپىلىق ماسەلەلەردى شەشۋمەن بىرگە، دارالىق ماسەلەلەردى دە شەشۋ كەرەك. بۇكىل ەلدىڭ ءبىر تۇتاس ۇلكەن بازارى قۇرىلىسىمەن بەلسەنە توعىسىپ، بازارلانعان، زاڭمەن باسقارىلاتىن، حالىقارالانعان بىرەگەي شارۋاشىلىق، ساۋدا ورتاسىن تۇلعالاپ، اناعۇرلىم جوعارى دەڭگەيدەگى اشىق ەكونوميكانىڭ جاڭا ءتۇزىلىسىن قۇرۋ كەرەك.

شي جينپيڭ بىلاي دەپ اتاپ كورسەتتى: مەملەكەتتىڭ استىق حاۋىپسىزدىگىن قامتاماسىز ەتۋ − اۋىل شارۋاشىلىعىنداعى ءىرى ولكەنىڭ، استىق ەگەتىن ءىرى ولكەنىڭ ساياسي جاۋاپكەرشىلىگى. جيلين وسىزاماندانعان ءىرى اۋىل شارۋاشىلىعىن دامىتۋدى نەگىزگى قامال الۋ بەتالىسى ەتىپ، اۋىل شارۋاشىلىعىن كۇشەيتۋدى، اۋىل - قىستاققا تيىمدىلىك جاساۋدى، شارۋالاردى بايىتۋدى قولداۋ ءتۇزىمىن كەمەلدەندىرىپ، عىلىم - تەحنيكالىق اۋىل شارۋاشىلىعىن، جاسىل اۋىل شارۋاشىلىعىن، ساپالى اۋىل شارۋاشىلىعىن، ايگىلى ماركالى اۋىل شارۋاشىلىعىن ءبىر تۇتاس جوسپارلاپ دامىتۋى كەرەك. ەكولوگيالىق باعىمشىلىقتى بەلسەنە دامىتىپ، اۋىل شارۋاشىلىعى ونىمدەرىن جىنتىكتەي وڭدەۋدى جانە ازىق - تۇلىكتى قۇنتتاپ وڭدەۋدى كۇشەيتىپ، استىق ەگۋدەن داستارقانعا دەيىنگى، مال شارۋاشىلىق ونىمدەرىن ەت ونىمدەرىنە اينالدىرۋعا دەيىنگى، اۋىل شارۋاشىلىق ونىمدەرىن ونەركاسىپ ونىمدەرىنە اينالدىرۋعا دەيىنگى جۇمىستاردى جەتكىلىكتى ىستەپ، جانداندىرىپ، كوپ نەگىزدى ازىق - تۇلىك قامداۋ جۇيەسىن ورناتۋ كەرەك. قالا، اۋىل كەڭىستىگى ورنالاسىمىن، كاسىپ سالاسىنىڭ دامۋىن، الەۋمەتتىك قىزمەت وتەۋدى، نەگىزدىك قۇرىلعى قۇرىلىسىن ءبىر تۇتاس جوسپارلاپ، كاسىپتى گۇلدەندىرۋدى، اۋداندى نىعايتۋدى، حالىقتى بايىتۋدى ءبىر تۇلعالاندىرا دامىتۋدى ىلگەرىلەتىپ، قالا مەن اۋىلدىڭ بىرگە گۇلدەنىپ - كوركەيۋىن جەبەۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، نەگىزگى ساتىنى باسقارۋدى كۇشەيتىپ جانە وندا جاڭالىق اشىپ، وركەنيەتتى اۋىل سالتى قۇرىلىسى دەڭگەيىن جوعارىلاتىپ، تىنىش، زاڭمەن باسقارىلاتىن اۋىل - قىستاق جانە قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋ كەرەك.

شي جينپيڭ بىلاي دەپ باسا دارىپتەدى: جيلين − كوپ ۇلت شوعىرلى قونىستانعان ءوڭىر، جاڭا داۋىردەگى پارتيانىڭ ۇلت نازارياسىن جانە ۇلت ساياساتىن جاپپاي دايەكتىلەندىرىپ، پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، جۇڭحۋا ۇلتى ورتاق تۇلعا قۇرىلىسىن كۇش سالا ىلگەرىلەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، ءار ۇلت بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا جەتەكتەپ، ۇلتتار ىنتىماعىنىڭ، العاباسارلىعىنىڭ جاڭا جاعدايىن كۇش سالا اشۋ كەرەك. شەكارانى گۇلدەندىرىپ، حالىقتى بايىتۋ ارەكەتىن ىشكەرىلەي ىلگەرىلەتىپ، جەرگىلىكتى جاعدايعا قاراي شەكارا ساۋداسىن، ەرەكشەلىككە يە كاسىپ سالاسىن دامىتۋ كەرەك.

شي جينپيڭ بىلاي دەپ اتاپ كورسەتتى: دامۋ مەن حاۋىپسىزدىكتى ءبىر تۇتاس جوسپارلاپ، ءارقانداي كەزدە، ءسوز جوق، مىقتى يگەرۋ كەرەك. ءتۇيىندى سالالارداعى حاۋىپ - قاتەردەن ساقتانۋ جانە ونى جويۋ شارالارىن تياناقتاندىرىپ، جاراتىلىستىق اپاتتان الدىن الا ساقتانۋ، ساقتاندىرۋ جانە توتەپ بەرۋدى كۇشەيتىپ، ءوندىرىس حاۋىپسىزدىگى كومەسكى كىناراتتارىن جاپپاي اداقتاپ تەكسەرىپ جانە جويىپ، قوعامدىق كەلەلى جاعدايدىڭ ورنىقتىلىعىن قورعاۋ كەرەك.

شي جينپيڭ بىلاي دەپ باسا دارىپتەدى: جوعارى ساپالى دامۋ جوعارى ساپالى پارتيا قۇرىلىسى ارقىلى جەتەكشىلىك ەتۋدى قاجەت ەتەدى. ادام ىستەتۋدىڭ دۇرىس باعدارى مەن دۇرىس قىزمەت باعدارىن ورناتىپ، ءار دارەجەلى كادرلاردى، اسىرەسە، باسشى كادرلاردى دۇرىس ناتيجە كوزقاراسىن امالياتتا ايگىلەپ، قابىلەتىن كۇشەيتىپ، جاۋاپكەرشىلىك ارقالاپ ىسكەرلىك كورسەتىپ، تاماشا ناتيجە جاراتۋعا جەتەكتەۋ كەرەك. پارتيا ءتارتىبىن ۇيرەنۋ تاربيەسى جەتىستىگىن بەكەمدەپ، كەڭەيتىپ، پارتيالىلىقتى، پارتيا ستيلىن، پارتيا ءتارتىبىن بىرگە يگەرۋگە، ستيلدى دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى ساباقتاستىرۋعا تاباندى بولىپ، ۇقىق ورنالاسىمىن، اينالىمىن تەجەۋ جانە باقىلاۋ مەحانيزمىن كەمەلدەندىرىپ، فورماشىلدىقتى ۇزدىكسىز وڭاپ، نەگىزگى ساتىنىڭ اۋىرتپالىعىن جەڭىلدەتىپ، بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن ۇزدىكسىز وڭاپ، كادرلاردىڭ ەرەجەگە، تارتىپكە بويسۇنۋ، پاك، كىرشىكسىز بولۋ العى شارتىندا باتىلدىقپەن ءىس تىندىرۋىن ىلگەرىلەتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي مالىمەت بەرۋ ماجىلىسىنە قاتىناستى.

حى ليفىڭ، ۋاڭ شياۋحۇڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار مالىمەت بەرۋ ماجىلىسىنە قاتىناستى.

كەلۋ قاينارى: حالىق تورابى