دەرەكسىز كەتكەندەردى مۇمكىندىكتىڭ بارىنشا ىزدەپ - قۇتقارىپ، قوسالقى اپاتتىڭ تۋىلۋىنان ساقتانىپ، حالىق بۇقاراسىنىڭ ءومىرىنىڭ جانە مال - مۇلكىنىڭ حاۋىپسىزدىگىن شىنايى قامتاماسىز ەتۋ كەرەك

شينحۋا اگەنتتىگى، 2 - ايدىڭ 8 – كۇنى، بەيجيڭ. 2 - ايدىڭ 8 – كۇنى 11 ساعات 50 مينۋت شاماسىندا سىچۋاننىڭ ي - بين قالاسى جۇنليان اۋدانى مۋ - اي قالاشىعى جينپيڭ قىستاعىندا تاۋ كوشكىنى ءتۇسىپ، 2 - ايدىڭ 8 - كۇنى ساعات 17 گە دەيىن 10 تۇرعىن ءۇي كوشكىن استىندا قالىپ، 30 نەشە ادام دەرەكسىز كەتتى.

اپات تۋىلعاننان كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ايرىقشا ءمان بەردى ءارى ماڭىزدى نۇسقاۋ بەرىپ بىلاي دەپ اتاپ كورسەتتى: سىچۋاننىڭ ي - بين قالاسى جۇنليان اۋدانىندا تۋىلعان تاۋ كوشكىنىندە كوپ ادام دەرەكسىز كەتتى. دەرەكسىز كەتكەندەردى مۇمكىندىكتىڭ بارىنشا ىزدەپ - قۇتقارىپ، ءولىم - ءجىتىمدى بارىنشا ازايتۋ ءارى سوڭعى جۇمىستاردى ىڭعايلاۋ سياقتى قىزمەتتەردى ۇيلەسىمدى ويداعىداي ىستەۋ كەرەك. باقىلاۋ - ولشەۋدى، ساقتاندىرۋدى كۇشەيتىپ، عىلمي قۇتقارۋعا ءمان بەرىپ، قوسالقى اپاتتىڭ تۋىلۋىنان ساقتانۋ كەرەك. جەر - جەر جانە قاتىستى تاراۋلار حاۋىپ - قاتەر تانىمىن بەرىك ورناتىپ، ءتۇرلى اپات جانە ءوندىرىس حاۋىپسىزدىگى كومەسكى قاتەرلەرىن ءبىر - بىردەن تەكسەرۋدى كۇشەيتىپ، جاۋاپكەرشىلىكتىڭ تياناقتانۋىن كۇشەيتىپ، اۋىر، ەرەكشە اۋىر اپاتتاردىڭ، شىرعالاڭداردىڭ تۋىلۋىنان باتىل ساقتانىپ، حالىق بۇقاراسىنىڭ ءومىرىنىڭ جانە مال - مۇلكىنىڭ حاۋىپسىزدىگىن شىنايى قامتاماسىز ەتۋى كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ بىلاي دەپ اتاپ كورسەتتى: دەرەكسىز كەتكەندەردى، قامالىپ قالعانداردى بار كۇشپەن ىزدەپ - قۇتقارىپ، ءولىم - ءجىتىمدى بارىنشا ازايتىپ، سوڭعى جۇمىستاردى ويداعىداي ءبىر جاقتى ەتۋ كەرەك. سونىمەن قاتار كوشكىن سەبەبىن جىلدام تەكسەرىپ انىقتاپ، توڭىرەگىندەگى گەولوگيالىق اپاتتاردىڭ كومەسكى قاتەرىن ءبىر - بىردەن تەكسەرىپ، حاۋىپ تونگەن بۇقارانى كوشىرىپ، قوسالقى اپاتتان قاتاڭ ساقتانۋ كەرەك.

شي جينپيڭنىڭ ماڭىزدى نۇسقاۋىنا جانە لي چياڭنىڭ تالابىنا ساي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى ليۋ گوجۇڭ قاتىستى تاراۋلارداعى جاۋاپتى جولداستاردى باستاپ ناق مايدانعا بارىپ، قۇتقارۋ - كومەكتەسۋ، ءبىر جاقتى ەتۋ قىزمەتىنە جەتەكشىلىك ەتتى، جاراتىلستىق بايلىق مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى شۇعىل جاعدايعا توتەپ بەرۋ اتتانىسىن ىسكە قوستى، سىچۋان ولكەسى، ي - بين قالاسى كۇش ۇيىمداستىرىپ قاتەردەن ارالاشاپ، اپاتتان قۇتقارۋدى بار كۇشپەن ورىستەتتى. قازىر ءتۇرلى قىزمەت قاربالاس، ءتارتىپتى جۇرگىزىلۋدە.

كەلۋ قاينارى: حالىق تورابى