اكىمشىلىك زاڭ - تۇزىمدەرگە قايشى كەلگەن 12 ءتۇرلى ارەكەتتى تۇڭعىش رەت وتكىزگەندەر جازالانبايدى، سيپاتى جەڭىل بولسا جازالانبايدى 

حالىق گازەتىنىڭ ءتىلشىسى لين ليلي 2 – ايدىڭ 9 – كۇنى بەيجيڭنەن حابارلايدى. قوعام جاپپاي نازار اۋدارىپ وتىرعان ”كىشى - گىرىم دەلولاردا اۋىر جازالاۋ“ جانە ”ۇقساس دەلولاردا ۇقساماعان جازا قولدانۋ“ ماسەلەسىن شەشۋ ءۇشىن، «مەملەكەتتىك كەڭەستىڭ اقشالاي ايىپ سالۋدى بەلگىلەۋ مەن اتقارۋدى اناعۇرلىم ارناعا ءتۇسىرۋ جانە باقىلاۋ جونىندەگى جەتەكشى پىكىرىنە» ساي، بازاردى باقىلاۋ – باسقارۋ باس مەڭگەرمەسى جەر - جەردىڭ زاڭ اتقارۋ امالياتىن مۇقيات قورىتىندىلاۋ ارقىلى جۋىردا «بازاردى باقىلاۋ – باسقارۋ جاعىنداعى اكىمشىلىك زاڭ – تۇزىمدەرگە قايشىلىق جاساۋ ارەكەتىن تۇڭعىش رەت وتكىزگەندەردى جازامالاۋعا ساياتىن ارەكەتتەر تىزىمدىگى (1)» مەن « بازاردى باقىلاۋ – باسقارۋ جاعىنداعى اكىمشىلىك زاڭ – تۇزىمدەرگە جەڭىل دارەجەدە قايشىلىق جاساعانداردى جازامالاۋعا ساياتىن ارەكەتتەر تىزىمدىگىن (1)» بەلگىلەگەن.

زاڭعا قايشى ارەكەتتىڭ زاردابىن، ىسكە قاتىستى ادامداردىڭ سۋبيەكتيۆ جاقتاعى اعاتتىعىن جانە تاپقان پايداسىنىڭ جاعدايىن تولىق ويلاستىرۋ نەگىزىندە، بازاردى باقىلاۋ – باسقارۋ باس مەڭگەرمەسى تىزىمدىك بەلگىلەپ، تۇڭعىش رەت زاڭعا قايشىلىق جاساۋعا جانە زاڭعا جەڭىل دارەجەدە قايشىلىق جاساۋعا ساياتىن 12 ءتۇرلى ارەكەتتى وتكىزگەندەردى جازالامايتىن بولدى. مۇنىڭ ىشىندە، ”تۇڭعىش رەت قايشىلىق جاساعانداردى جازالاماۋ تىزىمدىگىندە“ زاڭعا تۇڭعىش رەت قايشىلىق جاساعاندارعا ساياتىن، ونىڭ ۇستىنە زاردابى جەڭىل بولعان ءارى دەر كەزىندە تۇزەتكەن جاعدايدا جازالاماۋعا بولاتىن 8 ءتۇرلى ارەكەت قامتىلعان؛ ”جەڭىل دارەجەدە قايشىلىق جاساعانداردى جازالاماۋ تىزىمدىگىندە“ زاڭعا قايشى ارەكەتى جەڭىل بولعان ءارى دەر كەزىندە تۇزەتكەن، ونىڭ ۇستىنە زارداپ تۋدىرماعان جاعدايدا جازالاماۋعا بولاتىن زاڭعا قايشى 4 ءتۇرلى ارەكەتتى قامتىعان.

كەلۋ قاينارى: حالىق تورابى