شي جينپيڭ ناميبيانىڭ مەملەكەت قۇرۋشى زۇڭتۇڭى نۋچيامانىڭ قايتىس بولۋىنا بايلانىستى ناميبيانىڭ زۇڭتۇڭى مۋبەنباعا كوڭىل ايتۋ تەلەگرامماسىن جولدادى

شينحۋا اگەنتتىگى، 2 - ايدىڭ 10 – كۇنى، بەيجيڭ. 2 - ايدىڭ 10 - كۇنى مەملەكەت ءتوراعاسى شي جينپيڭ ناميبيانىڭ مەملەكەت قۇرۋشى زۇڭتۇڭى نۋچيامانىڭ قايتىس بولۋىنا بايلانىستى ناميبيانىڭ زۇڭتۇڭى مۋبەنباعا كوڭىل ايتۋ تەلەگرامماسىن جولداپ، جۇڭگو ۇكىمەتى مەن جۇڭگو حالقى اتىنان قايعىلى ازا ءبىلدىرىپ، بۇرىنعى زۇڭتۇڭنىڭ تۋىس - تۋعاندارىنان، ناميبيا ۇكىمەتىنەن جانە حالقىنان شىنايى حال سۇرادى.

شي جينپيڭ بىلاي دەپ اتاپ كورسەتتى: بۇرىنعى زۇڭتۇڭ نۋچياما − افريكانىڭ اعا بۋىن ساياساتشىسى، توڭكەرىسشىسى، كەزىندە ناميبيا حالقىن باستاپ ۇلتتىڭ تاۋەلسىزدىگىنە، ازاتتىعىنا تالپىنىپ جانە ونى جۇزەگە اسىرىپ، ءوز ەلىنىڭ مەملەكەت جاعدايىنا ۇيلەسەتىن دامۋ جولىن قۇلشىنا قاراستىرىپ، تاريحي ۇلەس قوسقان. ول كوزى تىرىسىندە جۇڭگومەن دوستىقتى بەكەمدەپ، جۇڭگو مەن ناميبيانىڭ ءداستۇرلى دوستىعىن جانە جۇڭگو مەن افريكانىڭ دوستىق سەلبەستىگىن بەلسەنە جەبەدى. ونىڭ قايتىس بولۋى − ناميبيا حالقىنىڭ وراسان زور جوعالتۋى، جۇڭگو حالقى دا ءبىر كونەكوز دوسىنان، جاقسى دوسىنان ايرىلدى. جۇڭگو ۇكىمەتى مەن جۇڭگو حالقى جۇڭگو مەن ناميبيانىڭ ءداستۇرلى دوستىعىن ايرىقشا قاستەرلەيدى، ەكى جاقتىڭ بىرگە قۇلشىنۋىندا جۇڭگو مەن ناميبيانىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ، ءسوز جوق، اناعۇرلىم زور دامۋعا قول جەتكىزەتىندىگىنە سەنەمىن.

كەلۋ قاينارى: حالىق تورابى